Kaca puniki sampun kauji-wacén
[᭑᭔ 14B]
᭑᭔
ᬦ᭄ᬯᬾᬦ᭄ᬢᭂᬦ᭄ᬧᬢᬸᬢᬂᬳᬘᬶ᭞ᬭᬶᬂᬧᬹᬃᬡ᭄ᬦᬫᬦ᭄ᬰᬕᬶᬄᬓᬧᬢ᭄᭞ᬫᬭᬶᬂᬧᬦᬢᬭᬦ᭄ᬳᬕᬸᬂ᭞ᬓᬢᬸᬃᬭᬶᬂᬲᬂᬯᬤ᭄ᬬᬤᬭ᭞ᬯᬶᬤ᭄ᬬᬤᬭᬶ᭞ᬳᬘᬶ
ᬦᬾᬓᬢᬸᬃᬢᬶᬩᬦ᭄᭟ᬳᭀᬤᬮᬦᬾᬩᭂᬦᭂᬫ᭄ᬩᬸᬮᬦ᭄᭞ᬘᭀᬫᬧᭀᬦ᭄ᬲᬶᬦ᭄ᬢᬦᭂᬫᭀᬦᬶᬦ᭄᭞ᬓᬢᬸᬃᬭᬶᬂᬲᬂᬳ᭄ᬬᬂᬯᬶᬰᬾᬱ᭞ᬫ
ᬮᬶᬄᬪᬝᬭᬲᬶᬤᬸᬯᬦ᭄᭞᭞ᬪᬝᬭᬰᬶᬯᬦᬶᬂᬚᬕᬢ᭄᭞ᬫᬶᬦᬓᬤᬶ᭞ᬳᬶᬭᬢᬸᬩᬕᬸᬲ᭄ᬓᬸᬩᬓᬮ᭄᭟ᬫᬮᬶᬄᬳᬶᬤᬳᬶᬭᬢᬸ
ᬫᬲ᭄᭞ᬲᬩ᭄ᬭᬦ᭄ᬗᬦᭂᬫ᭄ᬩᬸᬮᬦ᭄ᬦᭂᬫᭀᬦᬶᬦ᭄᭞ᬭᬶᬂᬯ᭄ᬭᬲ᭄ᬧᬢᬶᬯᬕᬾᬲᬸᬗ᭄ᬲᬂ᭞ᬚ᭄ᬭᭀᬦᬶᬂᬧᬦᬢᬭᬦ᭄ᬳᬕᬸᬂ᭞ᬲᭀᬧᬘᬭᬩᬩᬦ᭄ᬢᭂᬦᬦ᭄
[᭑᭕ 15A]
᭞ᬮ᭄ᬬᬸᬕᬢᬶ᭞ᬯᬱ᭄ᬝᬦ᭄ᬜᬦᬾᬫᬢ᭄ᬕᭂᬧᬦ᭄᭟ᬤᬦᬦᬦ᭄ᬳᬕᭂᬂᬲᬦᬸᬗ᭄ᬕᬮ᭄᭞ᬤᬤᬶᬸᬦᬦ᭄ᬧᬫᬺᬫᬦ᭄ᬳᬩ᭄ᬲᬶᬓ᭄᭞ᬧᬸᬮᬧᬮᬶᬫᬢ᭄ᬕᭂᬧᬦ᭄᭞
ᬫᬳᬸᬮᬫ᭄ᬩᬾᬩᬾᬓ᭄ᬳᬳᬸᬓᬸᬤ᭄᭞ᬳᬦᬾᬧᬢ᭄ᬧᬢ᭄ᬳᬸᬢᬫᬬᬂ᭞ᬫ᭄ᬯᬂᬩᬩᬗ᭄ᬓᬶᬢ᭄᭞ᬳᬲᭀᬭᭀᬄᬲᬸᬘᬶᬳᬲ᭄ᬬ᭟ᬲᬗ᭄ᬓᬦ᭄ᬫᬲᬸᬘᬶᬳᬲ᭄ᬬ᭞
ᬤᬶᬮᬶᬗ᭄ᬕᬶᬄᬓᬢᬸᬃᬳᬩ᭄ᬲᬶᬓ᭄᭞ᬭᬢᬸᬕᭂᬂᬫᬲᬶᬄᬓᬢᬸᬭᬦ᭄᭞ᬳᬩᭂᬲᬶᬓ᭄ᬤᬶᬢᬸᬓᬧᬢᬸᬢ᭄᭞ᬳᬩᭂᬲᬶᬓ᭄ᬤᬶᬧᬲᬶᬫ᭄ᬧᭂᬦ᭄᭞ᬩ᭄ᬯᬶᬦ᭄ᬳᬩᭂᬲᬶᬓ᭄᭞ᬓᬢᬸᬃ
ᬭᬶᬂᬳᬶᬤᬧᬥᬡ᭄ᬥ᭟ᬳᬦᭀᬫᬗᬚᭂᬗᬶᬦ᭄ᬓᬃᬬ᭄ᬬ᭞ᬦᬾᬢᬢᭂᬮᬸᬢᭀᬳᬢᬸᬭᬶᬦ᭄᭞ᬳᬶᬤᬲᬂᬳ᭄ᬬᬢ᭄ᬭᬶᬧᬸᬭᬸᬱ᭞ᬫᬮᬶᬗ᭄ᬕᬶᬄᬭᬶᬂᬲᬗ᭄ᬕᬃᬳᬕᬸᬂ᭞
