[᭖᭔ 64B]
᭖᭕
ᬗᬦ᭄᭞ᬢ᭄ᬯᬭᬓᬦ᭄ᬢᬸᬦ᭄᭞ᬘᭀᬓᭀᬭᬾᬲᬦᬾᬓᬕᬶᬲ᭞ᬓ᭄ᬭᬶᬗᭂᬢ᭄ᬤᬶᬗᬶᬦ᭄ᬳᬶᬤᬫᬢᬸ᭞ᬭᬭᬦᬶᬦ᭄ᬲᬮᬄᬳᬘᭂᬧᬦ᭄᭞ᬲᬫ᭄ᬩᬶᬮ᭄ᬕᬕᬂ᭞ᬢᬗᬦᬾᬓᬮᬶᬄᬧᬸᬬᬸᬂ᭞ᬫᭂᬢᬸᬲᭂᬮᬂᬓᬬᬸᬦ᭄ᬳᬶᬤ᭞ᬭᬶᬂ
ᬢᬦ᭄ᬚᬤ᭄ᬫᬦᬾᬢᬦ᭄ᬤᬶᬗᬶᬦ᭄᭟᭜᭟ᬓᬕᬾᬢ᭄ᬜᬶᬗᬓ᭄ᬲᬩᭂᬄᬲᭂᬓᬃ᭞ᬫᬶᬬᬶᬓ᭄ᬗᬮᬸᬩ᭄᭞ᬲᬫ᭄ᬧ᭄ᬬᬃᬭᬸᬦ᭄ᬢᬸᬄᬲᬓᬶᬂᬮᬗᬶᬢ᭄᭞ᬭᬶᬂᬫᭂᬂᬧᭂᬂᬓᬭᬾᬳᬸᬮᬸ᭞ᬲᬸᬫᭂᬓᭂᬦ᭄ᬳᬶᬤᬫᬶᬋᬋᬗᬂ᭞ᬲ᭄ᬯᬭᬦ᭄ᬯᬾᬥ᭞ᬧᬜ᭄ᬚᬬ
ᬚᬬᬫᬲ᭄ᬭᬶᬬᬸᬂ᭞ᬫᬯᬸᬯᬸᬄᬢᬾᬚᬤᬸᬫᬶᬮᬄ᭞ᬲᬂᬧᬃᬣᬭᬭᬶᬲ᭄ᬗᬪᬓ᭄ᬢᬶ᭟᭜᭟ᬜᬮᬦ᭄ᬢᬭᬲᬂᬳ᭄ᬬᬂᬰᬶᬯ᭞ᬳᬶᬤᬭᬯᬸᬄ᭞ᬲᬋᬂᬤᬾᬯᬶᬉᬫᬓᬵᬓ᭄ᬱᬶ᭞ᬭᬶᬂᬧᬤ᭄ᬫᬲᬦᬫᬮᬸᬗ᭄ᬕᬸᬄ᭞ᬤᬸᬫᬶᬮᬄᬳ
ᬦ᭄ᬢᬸᬓ᭄ᬲᬲᬾᬘᬦ᭄᭞ᬲᬂᬅᬃᬚ᭄ᬚᬸᬡ᭞ᬫᬮᬶᬗ᭄ᬕᬶᬄᬚᭂᬚᭂᬃᬫᬗᬸᬦ᭄ᬢᬸᬮ᭄᭞ᬫᬗᬸᬜ᭄ᬘᬭᬤᬾᬯᬵᬧᬸᬚᬵ᭞ᬢᬾᬢᬾᬄᬢᬶᬗ᭄ᬕᬃᬓᬧᬶᬭᬕᬶ᭟᭜᭟ᬧᬸᬧᬸᬄᬲᬫᬭᬤᬳᬦ᭟᭜᭟ᬤᬸᬭᬸᬲᬂᬲᬹᬃᬬ᭄ᬬᬦᬶ
[᭖᭕ 65A]
ᬦ᭄ᬳᬸᬕᬶ᭞ᬲᭂᬫ᭄ᬩᬄᬢᬶᬢ᭄ᬬᬗᬾᬳᬶᬦᬶᬱ᭄ᬝ᭞ᬲᬓᬮᬫᬸᬯᬄᬦᬶᬲ᭄ᬓᬮ᭞ᬪᬓ᭄ᬢᬶᬦ᭄ᬢᬶᬢ᭄ᬬᬂᬭᬶᬂᬪᬝᬭ᭞ᬯᬦ᭄ᬢᬄᬳᬶᬭᬢᬸᬯᬮᬸᬬ᭞ᬕᭂᬦᬶᬫᬶᬚᬶᬮ᭄ᬲᬓᬶᬂᬢᬸᬭᬸ᭞ᬓᬤᬶᬫᬶᬜᬓ᭄ᬚ᭄ᬭᭀᬦᬶᬂᬓ᭄ᬮᬧ᭟᭜᭟ᬧᬤᬸᬓᬵ
ᬪᬝᬭᬳᬸᬕᬶ᭞ᬲᬓ᭄ᬱᬢ᭄ᬫᭂᬤᬮᬤᬮ᭄ᬜᬮᬦ᭄ᬢᬭ᭞ᬭᬶᬂᬲᬂᬧᬕᭂᬄᬫᬗᬶᬜ᭄ᬘᭂᬧᬂ᭞ᬓᬜ᭄ᬘᬦ᭄ᬢᬸᬢᬸᬭᬾᬉᬢ᭄ᬢᬫ᭞ᬫᬓᬵᬤᬶᬢᬢ᭄ᬯᬅᬕᬫ᭞ᬲᬮ᭄ᬯᬶᬃᬫᬯᬲᬦᬳᬬᬸ᭞ᬲᬢ᭄ᬬᬫᬭᬶᬂᬓᬧᬢᬸᬢᬦ᭄᭟᭜᭟
ᬜᬸᬲᬸᬧ᭄ᬭᬶᬂᬲᬃᬯ᭄ᬯᬤᬸᬫᬤᬶ᭞ᬫᬭᬕᬲᬭᬶᬦᬶᬂᬢᬢ᭄ᬯ᭞ᬦᬾᬲᭂᬗ᭄ᬓᬓᬧᬶᬓᭀᬮᬶᬳᬂ᭞ᬳᬗ᭄ᬕᬦ᭄ᬧᬤᬸᬓᬵᬪᬝᬭ᭞ᬯᬾᬦ᭄ᬢᭂᬦ᭄ᬢᬦ᭄ᬯᬾᬦ᭄ᬢᭂᬦ᭄ᬧᬸᬦᬶᬓᬵ᭞ᬫᬶᬯᬄᬲᬦᬾᬳᬮᬶᬢᬕᬸᬂ᭞ᬉᬕᬶᬧᬦᬶᬢᬄᬪ
ᬝᬭ᭟᭜᭟ᬍᬓᬤ᭄ᬳᬶᬤᬸᬧ᭄ᬫᬶᬯᬄᬫᬢᬶ᭞ᬳᬶᬧᬸᬦ᭄ᬲᬂᬫᬦᬸᬫᬤ᭄ᬬ᭞ᬓᬯᭀᬦ᭄ᬩᭂᬘᬶᬓᬾᬧᬸᬦᬶᬓᬵ᭞ᬉᬕᬶᬧᬦᬶᬢᬄᬪᬝᬭ᭞ᬲᬓᬮᬵᬮᬯᬦ᭄ᬦᬶᬲ᭄ᬓᬮ᭞ᬲᬗ᭄ᬓᬦ᭄ᬧᬭᬦᬶᬂᬭᬵᬢ᭄ᬳᬶᬓᬸ᭞ᬢᬍᬃ
Kaca:Bali-lontar-gaguritan-giriputri-250ppi.pdf/66
Kaca puniki sampun kauji-wacén
