[᭓᭕ 35B]
᭓᭖
ᬗᬧ᭄ᬗᭂᬗᬧ᭄᭞ᬩᬄᬩᬗᬸᬦ᭄ᬫᬋᬤᬶᬕ᭄ᬤᬶᬕ᭄᭟᭜᭟ᬳ᭄ᬬᬂᬧᬺᬣᬶᬯᬶᬦᬤᬓ᭄ᬕᭂᬜ᭄ᬚᭀᬂᬫᬕᭂᬚᭂᬭᬦ᭄᭞ᬳᬶᬭᬵᬓ᭄ᬱᬲᬗᬸᬘᬧ᭄ᬗᬯᬶᬢ᭄᭞ᬇᬄᬳᬶᬩᬫᬵᬦᬸᬱ᭞ᬫᬶᬭᬶᬩ᭄ᬲᬸᬩᬫ᭄ᬬᬦ᭄ᬤᭂᬮ᭄ᬧᭂᬲᬦ᭄᭞ᬫᬯᬢ᭄ᬓᬯᬢ᭄ᬢᬸᬮᬂᬩᭂ
ᬲᬶ᭞ᬲᬗ᭄ᬓᬦ᭄ᬘᬕ᭄ᬯᬄ᭞ᬫᬶᬤᭂᬧ᭄ᬯᬶᬭᬂᬗᭂᬢᬸᬢ᭄ᬓᬳᬶ᭟᭜᭟ᬳᬚᬓ᭄ᬓᬸᬤᬳᬶᬩᬫᬳᬶᬗᬯᬶᬭᬗᬂ᭞ᬧᭂᬢᬾᬓ᭄ᬫᬮᬸᬢᬶᬫ᭄ᬧᬮ᭄ᬘᬳᬶ᭞ᬬᬾᬦ᭄ᬩᬦ᭄ᬢᬲ᭄ᬲᬦᬸᬗ᭄ᬕᬮ᭄᭞ᬳᬶᬩᬫᬶᬤᭂᬧ᭄ᬢᬦ᭄ᬤᬂᬯᬶᬭᬂ᭞ᬳᬾᬄᬳᭀᬄᬳᬄᬫ
ᬦᬸᬱᬘᭂᬭᬶᬓ᭄᭞ᬲᬮᬄᬚᬫ᭄ᬩᬮ᭄᭞ᬤᬤᬶᬲᭂᬍᬢᬦ᭄ᬜᬦ᭄ᬢᬸᬮᬶᬦ᭄᭟᭜᭟ᬕᭀᬩᬳᬶᬩᬦᬾᬩᬕᬸᬲ᭄ᬫᬶᬦᬩ᭄ᬦᬸᬩᬚᬂ᭞ᬧᬦ᭄ᬢᭂᬲ᭄ᬦᬸᬳᬗᭂᬦ᭄ᬓᬾᬦ᭄ᬳᬸᬭᬶᬧ᭄᭞ᬗᬸᬤ᭄ᬬᬂᬓᬦ᭄ᬢᬶᬘᬭ᭞ᬜᭂᬮᬧ᭄ᬢᭂᬓᬗᬮᬶᬄ
ᬩᬗ᭄ᬓ᭞ᬳᬧᬓᬾᬤᬶᬘᬸᬗ᭄ᬓᬸᬩ᭄ᬘᬳᬶ᭞ᬓ᭄ᬯᬗᬦ᭄ᬲᭂᬫ᭞ᬲᬗ᭄ᬓᬦ᭄ᬫᬳᬶᬜ᭄ᬭᬳᬂᬤᬶᬭᬶ᭟᭜᭟ᬓᬮ᭄ᬚᬦᬶᬗᭀᬃᬢ᭄ᬢᬳᬶᬦ᭄ᬳᬶᬩᬧᬂᬦᬯᬂ᭞ᬧᬂᬳᬤᬩᭂᬓᭂᬮᬂᬫᬢᬶ᭞ᬓᬳᬶᬳᬸᬮᬶᬂᬓᬸᬦ᭞ᬤᬤᬶᬢᬸᬓᬂᬧᬓ᭄ᬧ
[᭓᭖ 36A]
ᬓ᭄ᬚᬮ᭄ᬫ᭞ᬜᬫ᭄ᬩᬮ᭄ᬮᬶᬫ᭄ᬧᬗᬸᬦ᭄ᬢᬮ᭄ᬳᬢᬶ᭞ᬧᬧᬸᬲᬸᬳᬦ᭄᭞ᬓᬲᬸᬩ᭄ᬢᬸᬓᬂᬘᬾᬭᬾᬢ᭄ᬕᭂᬢᬶᬄ᭟᭜᭟ᬳᬸᬫᬄᬓᬳᬶᬦᬾᬤᬶᬢᬸᬤᬶᬕᬸᬳᬵᬭᬵᬚ᭞ᬳᬸᬗ᭄ᬓᬸᬮᬶᬦ᭄ᬯᬡ᭄ᬥᬶᬭᬧᬢᬶ᭞ᬲᬫ᭄ᬧᬶᬂᬩᬸᬗᬲ᭄ᬮᬳᬵ᭞ᬫᬕᬸᬦᬸᬂ
ᬢᬸᬮᬂᬫᬵᬦᬸᬱ᭞ᬫᬲᬦ᭄ᬤᬶᬂᬢᬮᬕᬕᭂᬢᬶᬄ᭞ᬫᬕᬸᬫ᭄ᬩ᭄ᬮᭂᬗᬦ᭄᭞ᬓᬳᬸᬦ᭄ᬢᭂᬦ᭄ᬤᬲ᭄ᬧᬕᭂᬮᬶᬮᬶᬓ᭄᭟᭜᭟ᬲᬸᬩᬓᬲᬸᬩ᭄ᬤᬶᬕᬸᬫᬶᬦᬾᬮᬶᬬᬸᬦᬯᬂ᭞ᬯᬢᭂᬓ᭄ᬭᬵᬓ᭄ᬱᬲᬦᬾᬲᬫᬶ᭞ᬭᬢᬸᬦ᭄ᬳᬫ᭄ᬱᬓᬃᬫ᭄ᬫ᭞
ᬲᬸᬓᬵᬫᬫᬳᬓ᭄ᬫᬫᬾᬕᬮ᭄᭞ᬢ᭄ᬯᬭᬢᬳᬾᬦ᭄ᬕᬕᬂᬕᬶᬕᬶᬂ᭞ᬤᬸᬓ᭄ᬗᬍᬫ᭄ᬧᬕ᭄᭞ᬢᭂᬦ᭄ᬤᬲ᭄ᬲᬂᬕᬮᬓ᭄ᬩᬾᬕᬮᬶᬦ᭄᭟᭜᭟ᬢᭀᬂᬢᬳᬾᬦ᭄ᬓᬾᬩᭂᬜᬭᬢᬂᬳᬃᬣᬩ᭄ᬭᬡ᭞ᬦᬾᬫᬸᬮᬘᬸᬫ᭄ᬧᭀᬦᬶᬦ᭄ᬓᬳᬶ᭞᭠
ᬫᬧᬦ᭄ᬲᬸᬩᬗᭂᬮᬄ᭞ᬤᬲᬃᬦᬾᬉᬢ᭄ᬢᬫᬧᬢ᭄ᬧᬢ᭄᭞ᬦᬲ᭄ᬢᬶᬓᬫᬸᬯᬂᬓᬰᬓ᭄ᬢᬶᬦ᭄᭞ᬓᬧᬸᬭᬹᬱᬦ᭄᭞ᬮᬦ᭄ᬧᬭᬶᬓᭀᬱᬦᬾᬫᬮᬶᬄ᭟᭜᭟ᬦᬾᬢᭂᬍᬩ᭄ᬪᬓ᭄ᬢᬶᬦᬶᬦ᭄ᬓᬳᬶᬲᭀᬓ᭄ᬬᬗ᭄ᬓᬭ᭞ᬳᬃ
Kaca:Bali-lontar-gaguritan-giriputri-250ppi.pdf/37
Kaca puniki sampun kauji-wacén
