[᭒᭘ 28B]
᭒᭙
ᬳᬸᬭᬂ᭟᭜᭟ᬫᭂᬮᬳᬂᬘᭂᬦᬶᬂᬫᬶᬭᬕᬶ᭞ᬳᬶᬤᬲᬂᬳ᭄ᬬᬂᬯᬶᬥᬶᬯᬲᬵᬩᭀᬬᬓᬤᬶᬳᬶᬫᬵᬦᬹᬱ᭞ᬳᬤᬤᬶᬦᬶᬤᬶᬢᬸᬦᭀᬭ᭞ᬫᬶᬯᬄᬢᬦ᭄ᬓᬤᬶᬳᬶᬚᬕᬢ᭄᭞ᬫ᭄ᬮᬳᬤ᭄ᬦᭀᬭᬫᬯᬓᬧᬮ᭄ᬱ᭄ᬬ᭞ᬳᬶᬤᬢᭀᬂᬢ
ᬳᬾᬦ᭄ᬢᭀᬂᬳᬤ᭟᭜᭟ᬳᬶᬤᬢᭀᬂᬳᬤᬫᬢᬸᬳᬶᬦ᭄᭞ᬩᬗᭂᬢ᭄ᬮᬶᬬᬦ᭄ᬓ᭄ᬭᬡᬢᬯᬄ᭞ᬤᬶᬚᬳᬸᬕᬶᬳᬶᬤᬳᬤ᭞ᬳᬤᬦᬗ᭄ᬳᬶᬂᬢᬦ᭄ᬧᬭᬕ᭞ᬢ᭄ᬯᬭᬩᬓᬢ᭄ᬩᬦ᭄ᬗᬶᬢᬸᬗᬂ᭞ᬓᬬᬂᬓ᭄ᬭᬶᬫᬶᬓᬦᬶᬂᬓᬬᬸᬦ᭄
᭞ᬲᬫᬶᬓᭀᬦᬶᬗᬶᬦ᭄ᬭᬶᬂᬳᬶᬤ᭟᭜᭟ᬢᬦ᭄ᬧᬢᬗ᭄ᬕᬸᬢᬦ᭄ᬧᬓᬯᬶᬢ᭄᭞ᬢᬦ᭄ᬓᭂᬦᬶᬳᬗ᭄ᬓᭂᬦᬶᬦ᭄ᬳᬶᬤ᭞ᬩᭀᬬᬳᬶᬳᬶᬓᬩᭀᬬᬳᬶᬓ᭞ᬢᭀᬂᬜᬶᬤᬬᬂᬗᬸᬧᬫᬶᬬᬂ᭞ᬳᬶᬤᬫ᭄ᬭᬕᬢᬦ᭄ᬧᬯᬃᬡ᭄ᬦ᭞ᬳᬸᬦᬶᬂᬢᬦ᭄ᬲᬓᬶᬂ
ᬫᬳᬸᬭᬸᬓ᭄᭞ᬫᬳᬵᬧ᭄ᬭᬚ᭄ᬜᬦ᭄ᬲᬂᬳ᭄ᬬᬂᬢᬶᬢᬄ᭟᭜᭟ᬧ᭄ᬭᬫᬳᬕᬸᬂᬫᬳᬵᬲᬸᬘᬶ᭞ᬫᬳᬵᬮᬶᬘᬶᬦ᭄ᬫᬳᬵᬲᬸᬓ᭄ᬱ᭄ᬫ᭞ᬳᬶᬤᬢᬦ᭄ᬫᬗ᭄ᬭᬜ᭄ᬚᬶᬂᬚᬕᬢ᭄᭞ᬳᬦᬾᬫᬤᬦ᭄ᬗ᭄ᬭᬜ᭄ᬚᬶᬂᬚᬕᬢ᭄᭞ᬲᬓᬵᬮᬫᬸᬯᬄᬦᬶᬲ᭄ᬓᬮ
[᭒᭙ 29A]
᭞ᬘᬸᬢᭂᬢ᭄ᬮ᭄ᬬᬦᬦ᭄ᬭᬶᬂᬳ᭄ᬬᬂᬢᬸᬤᬸᬄ᭞ᬢᭀᬗ᭄ᬭᬜ᭄ᬚᬶᬂᬚᬕᬢ᭄ᬳᬤᬦ᭄ᬜ᭟᭜᭟ᬯᬦ᭄ᬢᬄᬳᬶᬤᬓ᭄ᬭᬶᬬᬰᬓ᭄ᬢᬶ᭞ᬳᬲᬶᬂᬓᬓᬃᬤ᭄ᬥᬶᬓᬲᬶᬤ᭄ᬥᬦ᭄᭞ᬢᬦ᭄ᬧᬓᬦ᭄ᬢᬶᬢᬦ᭄ᬧᬰ᭄ᬭᬫ᭞ᬗᬤᬓᬂᬫᬶᬄᬫᬺᬮᬬ᭞ᬢᬦ᭄ᬭᬶᬫ᭄ᬩᬶᬢ᭄ᬧᬢᬸᬄᬧ᭄ᬭ᭠
ᬕᬢ᭄᭞ᬢᭀᬫᬤᬦ᭄ᬓ᭄ᬭᬶᬬᬰᬓ᭄ᬢᬶᬩᬕᬸᬲ᭄᭞ᬲᭀᬓ᭄ᬳᬶᬤᬫᬳᬵᬲᬫ᭄ᬧᬹᬃᬡ᭄ᬦ᭟᭜᭟ᬫᬦᬹᬦ᭄ᬭᭀᬦ᭄ᬢᬮ᭄ᬲᬗ᭄ᬓᬳᬚᬶ᭞ᬓᬩᬯᭀᬲ᭄ᬫᬦᬄᬧᬸᬦᬶᬓᬵ᭞ᬦᬾᬧᬸᬓᬸᬄᬲᬶᬤᬓᬸᬯᬰ᭞ᬫᬶᬸᬦᬶᬸ᭞ᬜᬶᬤᬬᬂ
ᬗᬤᬓᬂᬚᬕᬢ᭄᭞ᬧᬸᬓᬸᬄᬫᬦᬳᬾᬗᬯᬶᬦᬂ᭞ᬫᬦᬳᬾᬓ᭄ᬯᬰᬧᬸᬦᬶᬓᬸ᭞ᬦᬾᬫᬳᬵᬓ᭄ᬬᬰᬗᬤᬓᬂ᭟᭜᭟ᬲᬂᬅᬃᬚ᭄ᬚᬯᬵᬫᬢᬸᬃᬫᬮᬶᬄ᭞ᬤᬸᬓ᭄ᬳᬶᬤᬫᭂᬦᭂᬂᬳᬚᬳᬦ᭄᭞ᬥᬸᬄᬭᬢᬸᬲᬂᬧᬗᭂᬫ᭄ᬧᬸᬢᬦ᭄
᭞ᬯᬾᬦ᭄ᬢᭂᬦ᭄ᬫᬮᬶᬄᬢᬸᬦᬲ᭄ᬢᬶᬢ᭄ᬬᬂ᭞ᬳᭂᬜ᭄ᬘᬾᬦ᭄ᬓᬲᬦᬾᬭᬶᬳᬶᬦᬦ᭄᭞ᬯᬾᬦ᭄ᬢᭂᬦ᭄ᬳ᭄ᬬᬂᬯᬶᬥᬶᬭᬶᬂᬲᬸᬯᬸᬂ᭞ᬲᬸᬯᬸᬗᬾᬲᬶᬭᬗᬃᬬ᭄ᬬᬦᬂ᭟᭜᭟ᬲᬂᬢᬧᬳᬮᭀᬦ᭄ᬜᬯᬸᬭᬶᬦ᭄᭞ᬳ᭄ᬬᬂᬯᬶᬥᬶᬫᬳᬵᬧ᭄ᬭᬢᬫ᭞ᬤ᭄ᬬ
Kaca:Bali-lontar-gaguritan-giriputri-250ppi.pdf/30
Kaca puniki sampun kauji-wacén
