Kaca:Bali-lontar-gaguritan-gde-upeksa-300ppi.pdf/16

Kaca puniki sampun kauji-wacén

[᭑᭕ 15B]
᭑᭕
ᬢᬺᬱ᭄ᬡᬮᬸᬮᬸᬢᬲᬶᬄ᭞ᬮᬦ᭄ᬢᬲᭂᬦ᭄ᬢᭀᬭᬸᬦ᭄ᬢᬸᬢᬶᬦ᭄᭞ᬢᬧᬫᬃᬕ᭄ᬕᬧᬢᬹᬢᭂᬫ᭄ᬧᬸ᭞ᬯᬺᬤ᭄ᬬᬂᬢᬸᬃᬬᬮᬶᬫ᭄ᬩᬓᬂ᭞ᬓᬃᬤ᭄ᬥᬶᬦᬶᬦᬬᬸᬦᬶᬂᬪᬸᬫᬶ᭞ᬳᬧᬂᬓᬸᬓᬸᬄ᭞ᬘ᭄ᬦᬶᬂᬢᬼᬩᬂᬫ᭄ᬮᬚᬄ᭟ᬬᬾᬦ᭄ᬚᬕᬢ᭄ᬲᬸᬩᬭᬳᬵᬃᬚ᭄ᬚ᭞ᬲ
ᬮ᭄ᬯᬶᬭᬶᬗᬤᬤᬶᬕᬸᬫᬶ᭞ᬧᬥᬓ᭄ᬦᬓᬭᬳᬬ᭄ᬯᬦ᭄᭞ᬲᬃᬯ᭄ᬯᬲᬢ᭄ᬯᬫᬶᬯᬄᬧᬓ᭄ᬱᬶ᭞ᬢᬦ᭄ᬮᬾᬫ᭄ᬧᬲ᭄ᬲᬃᬯ᭄ᬯᬯᬼᬢᬶᬓ᭄᭞ᬳᬸᬫᬗ᭄ᬕᭂᬄᬍᬲ᭄ᬢᬭᬶᬦᬶᬧᬸᬦ᭄᭞ᬧᬥᬤ᭄ᬫᭂᬦ᭄ᬗᬃᬤ᭄ᬥᬶᬬᬂ᭞ᬚᬕᬢ᭄ᬕᭂᬫᬸᬄᬮᬦ᭄ᬤᬸᬄᬲᬳᬶ᭞ᬦᬸ
ᬗ᭄ᬕᬮ᭄ᬧᬢᬸᬄ᭞ᬩ᭄ᬭᬬᬓ᭄ᬩ᭄ᬭᬶᬬᬸᬓ᭄ᬗᬃᬤ᭄ᬥᬶᬲᬸᬓ᭟ᬗᬦᬹᬢᬶᬦ᭄ᬥᬃᬫ᭄ᬫᬦ᭄ᬜᬲᭀᬯᬂ᭞ᬫᬦᬹᬢ᭄ᬲᬢ᭄ᬯᬦᬾ᭠ᬳᬶᬢᬸᬦᬶ᭞ᬳᭂᬦ᭄ᬢᭀᬫᬤᬦᬶᬫ᭄ᬩᬦ᭄ᬚᬕᬢ᭄᭞ᬧᬢᬹᬢ᭄ᬲᬸᬗ᭄ᬓᭂᬫᬶᬦ᭄ᬧᬢᬶᬢᬶᬲ᭄᭞ᬳᬗ᭄ᬕᭀᬦ᭄ᬲᬤᬦᬤᬶ᭠
ᬕᬸᬫᬶ᭞ᬗᬃᬤ᭄ᬥᬶᬢᬺᬧ᭄ᬢᬶᬮᬸᬦᬂᬮᬦᬸᬲ᭄᭞ᬢᬸᬲᬶᬗᬤᬦᬾᬫᬢᬸᬗ᭄ᬓᬲ᭄᭞ᬧᬥᬬᬳᬲᬶᬄᬓᬸᬫᬲᬶᬄ᭞ᬲᬮᬶᬂᬢᬸᬮᬸᬂ᭞ᬦᬸᬮᬸᬗᬶᬦ᭄ᬦᬾᬫᬯᬓ᭄ᬢᬦ᭟ᬫᬤᬾᬫᬸᬤᬶᬢᬫᬜ᭄ᬮᬕ᭄᭞ᬍᬕᬫᬦᬄᬳᬶᬧᬸᬦ᭄ᬦᬫ᭄ᬧᬶ᭞᭠
[᭑᭖ 16A]
ᬧᬶᬢᬸᬢᬸᬃᬕᬸᬭᬸᬭᬸᬧᬓ᭞ᬓᬾᬥᭂᬧ᭄ᬢᬶᬃᬣᬲᬜ᭄ᬚᬶᬯᬦᬶ᭞ᬰᬸᬘᬶᬳ᭄ᬦᬶᬂᬢᬦ᭄ᬧᬲᬶᬂᬲᬶᬂ᭞ᬧᬗ᭄ᬮᬸᬩᬸᬭᬦ᭄ᬲᬃᬯ᭄ᬯᬍᬢᬸᬄ᭞ᬮᬯᬸᬢ᭄ᬫᬢᬸᬃᬲᬤᬩᬦ᭄ᬩᬦ᭄᭞ᬕᬸᬭᬸᬢᬶᬢ᭄ᬬᬂᬫᬜ᭄ᬮᬕᬶᬦ᭄᭞ᬮᬶᬦ᭄ᬢᬂᬫᬦᬹᬢ᭄᭞ᬧᬶᬢᬸᬢᬸᬃᬭᬶᬂᬢᬶᬢ᭄ᬬᬂ᭟
ᬧᬸᬦᬶᬓᬤᬸᬭᬸᬂᬓᬫᬦᬄ᭞ᬲᬦᬾᬦ᭄ᬤᬶᬓᬬᬂᬳᬶᬦᬸᬦᬶ᭞ᬩ᭄ᬭᬵᬳ᭄ᬫᬓᬘᬢᬸᬃᬯᬶᬳᬭ᭞ᬦᬧᬶᬢ᭄ᬕᭂᬲᬶᬧᬸᬦ᭄ᬚᬢᬶ᭞ᬦ᭄ᬤᬶᬓᬳᬶᬦ᭄ᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬢᬶᬢ᭄ᬬᬂᬢᭂᬢᭂᬲ᭄ᬯᭂᬭᬸᬄ᭞ᬦᬾᬫᬯᬲ᭄ᬢᬲᬧᬸᬦᬶᬓ᭞ᬯᬶᬭᬾᬄᬢᬶᬢ᭄ᬬᬂᬤᬸ
ᬭᬸᬂᬳᬸᬦᬶᬂ᭞ᬫᬗ᭄ᬤᬲᬵᬫ᭄ᬧᬸᬦ᭄᭞ᬳᬸᬦᬶᬂᬢᬶᬢ᭄ᬬᬂᬫᬫᬯᭀᬱᬂ᭟ᬢᬦᬸᬦᬶᬂᬭᬶᬂᬧᬶᬢᭂᬕᭂᬲ᭄ᬜ᭞ᬧᬸᬦᬶᬓᬗᬯᬦᬂᬚᭂᬭᬶᬄ᭞ᬫᬧᬶᬫᬧᬶᬢᬶᬢ᭄ᬬᬂᬧ᭄ᬭᬚ᭄ᬜᬦ᭄᭞ᬫᬦᬹᬢ᭄ᬲᭂᬮᭀᬓᬦᬶᬂᬩᬸᬫᬶ᭞ᬚᬢᬶᬢᬦᬸᬦᬶᬂᬧᬸᬦᬧᬶ᭞ᬦ᭄ᬤᬗᬄ᭠
ᬦ᭄ᬮᬾᬗᬾᬓ᭄ᬓᬤᬶᬧᬦ᭄ᬢᬸᬦ᭄᭞ᬫᬶᬦᬩ᭄ᬫᬜᬸᬚᬸᬳᬫ᭄ᬩᬭ᭞ᬗᬸᬮᬢᬶᬰᬹᬦ᭄ᬬᬢᬰᬸᬘᬶ᭞ᬚᬢᬶᬦᬶᬧᬸᬦ᭄᭞ᬩ᭄ᬮᭀᬕ᭄ᬲᬶᬕᬸᬕ᭄ᬧᭀᬦ᭄ᬤᭀᬂᬢᬶᬢ᭄ᬬᬂ᭟ᬮᬸᬄᬓᬭᬸᬡᬷᬋᬲᭂᬦᬶᬹᬧ᭄ᬦᬶᬗᭂᬳᬂ᭞ᬲᬸᬫᬸᬲᬸᬧ᭄ᬲᬚ᭄ᬭᭀᬦᬶᬗ᭄ᬳᬢᬶ᭞ᬓᬤᬶᬯᬋᬕ᭄ᬢ᭠