[᭖ 6B]
᭖
ᬋᬗᬦ᭄᭞ᬪᬸᬃᬚᬓᬗ᭄ᬕᬯᬾᬓᬶᬂᬓᬶᬂ᭞ᬫᬧᬦ᭄ᬚᭂᬮᬦᬶᬂᬲᬸᬓ᭞ᬤᬤᬶᬗᭂᬦᬄᬘᬧᬸᬂᬳ᭄ᬫᬲ᭄᭞ᬭᬶᬂᬢᭂᬮᬕᬦᬾ ᬓᬳᬶᬍᬳᬶᬦ᭄᭞ᬢᭀᬩᬜᬫᭂᬮᬄ᭞ᬗᬩᭂᬃᬩᭂᬃ
ᬫᬗᭂᬢᬸᬤ᭄ᬩᬸᬤ᭄ᬥᬶ᭟ᬤᬤᬶᬕᭂᬮᬸᬳᬶᬤᬤᬦᬾᬦᬾ ᬫᬜᬶᬗᬓ᭄᭞ᬳᬶᬤ᭄ᬯᬕᬸᬂᬇᬲ᭄ᬢ᭄ᬭᬶᬓᬶᬫ᭄ᬩᬗᬶᬦ᭄᭞ᬲᬸᬓᬦᬫ᭄ᬧ᭄ᬮᬓ᭄ᬦᬫ᭄ᬧ᭄ᬮᬓ᭄᭞ᬓᬢᬫ᭄ᬧ᭄ᬮᬓ᭄ᬤᬤᬶᬕᬭᬸᬥ᭞
ᬕ᭄ᬭᬸᬥᬳ᭄ᬫᬲ᭄ᬲᬳᬜᬩᬶᬢ᭄᭞ᬳᬶᬤ᭄ᬳᬲᬂᬢᬶᬕ᭞ᬓᬓᭂᬩᬸᬭᬂᬦᬶᬗ᭄ᬕᬮ᭄ᬤᬾᬰᬶ᭟ᬧᬸᬚᬦ᭄ᬭᬚᬭᬶᬭᬶᬲ᭄ᬳᬮᬶᬢ᭄ᬢᬢᬶᬢ᭄ᬫᬮᬶᬯᭂᬭᬦ᭄᭞ᬓᬸᬳᬸᬂᬓᬸᬳᬸᬂᬭᬶᬂᬕᭂᬕᬡᬵ᭞
ᬢᬾᬚᬗᬤᭂᬕ᭄ᬢᬾᬚᬕᬸᬮᬶᬂ᭞ᬋᬫ᭄ᬋᬫ᭄ᬳ᭄ᬬᬂᬳᬃᬓ᭄ᬓ᭞ᬳᬃᬤ᭄ᬥᬘᬦ᭄ᬤ᭄ᬭᬫᬗᬧᬶᬢ᭄᭟ᬫᬕ᭄ᬮᬶᬬᬸᬭᬦ᭄ᬢᬗᬶᬲᬾᬲᬚ᭄ᬭᭀᬦᬶᬂᬢᬫᬦ᭄᭞ᬓᬤᬶᬲᬸᬭᬓᬶᬂᬚᬸᬭᬶᬢ᭄
[᭗ 7A]
ᬲᬂᬧ᭄ᬭᬪᬸᬘ᭄ᬭᬶᬢᬬᬂ᭞ᬫᬦ᭄ᬢᭂᬦ᭄ᬧᬸᬧᬸᬓᬦ᭄ᬢᬓ᭞ᬧ᭄ᬭᬯᬶᬦ᭄ᬬᬲ᭄ᬭᬩ᭄ᬦᬫ᭄ᬧᭂᬓᬶᬦ᭄᭞ᬧᬢᬶᬄᬫᬜᬸᬦ᭄ᬤᬂ᭞ᬤᭂᬫᬂᬢᬸᬫᭂᬗ᭄ᬕᬸᬂᬢᬦ᭄ᬓᬭᬶ᭟ᬘᭀᬓᭀᬃᬤ᭄ᬥᬳᬃᬬ᭄ᬬ
ᬢᬦ᭄ᬧ᭄ᬕᬢ᭄ᬓᬦ᭄ᬢᬓᬵ᭞ᬧ᭄ᬭᬫᬦ᭄ᬢ᭄ᬭᬶᬫᬦᬸᬮᬸᬗᬶᬦ᭄᭞ᬳᬶᬤᬧ᭄ᬭᬫᬶᬰ᭄ᬯᬃᬬ᭄ᬬ᭞ᬓᬦ᭄ᬢᬸᬢᬦ᭄ᬳᬾᬮᬶᬂᬭᬶᬂᬳᬗ᭄ᬕ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬫᬦᬗᬶᬲ᭄᭞ᬫᬲᭂᬲᬫ᭄ᬩᬢᬦ᭄᭞ᬤᬶᬚ
ᬋᬋᬄᬢᬶᬢ᭄ᬬᬂᬫᬗ᭄ᬓᬶᬦ᭄᭟ᬫ᭄ᬩᭀᬓ᭄ᬳᬕᬸᬂᬳᬤ᭄ᬬᬵᬕᬸᬂᬘᬶᬗᬓ᭄ᬢᬶᬢ᭄ᬬᬂ᭞ᬗᬶᬦ᭄ᬢᬾᬗᭂᬫ᭄ᬩᬦ᭄ᬫᬗ᭄ᬮᬶᬂ᭞ᬧᬤᬦ᭄ᬤᬲᬗᭂᬫ᭄ᬩᬦ᭄᭞ᬘᭀᬓᭀᬃᬤ᭄ᬥᬳᬕᬸᬂᬕᬸᬩᬃ᭞ᬦᬗᬶᬲ᭄ᬫᬫᬋ
ᬓ᭄ᬦᬺᬧᬢᬶ᭞ᬫᬗᭂᬮᬸᬢ᭄ᬫᬥ᭄ᬬ᭞ᬲᬂᬧ᭄ᬭᬪᬸᬯᬳᬸᬗᬮᬶᬮᬶᬃ᭟ᬫᬗᬦ᭄ᬤᬶᬓᬘᬳᬶᬩᬃᬧᬶᬢᭂᬮᬲ᭄ᬩᬧ᭞ᬘᭀᬓᭀᬃᬤ᭄ᬥᬳᬕᬸᬂᬫᬦᬗᬶᬲ᭄᭞ᬫᬢᬗᬶᬫᬦᭂᬫ᭄ᬩᬄ᭞
Kaca:Bali-lontar-gaguritan-galuh-deha-350ppi.pdf/7
Kaca puniki sampun kauji-wacén
