[᭒ 2B]
᭒
ᬓᭂᬲ᭄ᬬᬩ᭄ᬓᭂᬲ᭄ᬬᬩᬗᬸᬦᭂᬕᬓ᭄᭞ᬳᭀᬜᬫ᭄ᬩᬄᬓᬓᬢᭂᬕᬾᬧᬭᬚᬦᬶ᭞ᬩᬸᬬᬃᬢᭀᬂᬤᬤᬶᬢᬸᬧ᭄ᬢᬸᬧ᭄᭞ᬩᬳᬸᬗᬶᬧ᭄ᬬᬂᬳᬶᬤ᭞ᬓᭀᬘᬧ᭄ᬳᬶᬤᬫᬗ᭄ᬕᬶᬳᬶᬦ᭄ᬢᬶᬢ᭄ᬬᬂ
ᬤᬾᬯᬵᬕᬸᬂ᭞ᬤᬶᬩᬮᬾᬦᬾᬘ᭄ᬭᬶᬓ᭄ᬮᬦᬂ᭞ᬮᬗᬵᬗᬸᬗ᭄ᬕᬸᬮ᭄ᬓᬧᬲᬶᬓᬶ᭟ᬤᬶᬢᬸᬭᬢᬸᬕᭂᬦᬄᬢᬶᬢ᭄ᬬᬂ᭞ᬫᬫᬋᬓᬦ᭄᭞ᬜᬾᬯᬓᬵ ᬗᬢᬸᬭᬂᬳᬸᬭᬶᬧ᭄᭞ᬢᬸᬮᬸᬲᬂᬲ᭄ᬯᬾᬘ᭄ᬙ
ᬦᬾᬭᬢᬸ᭞ᬗᬗ᭄ᬕᬾᬦ᭄ᬢᬶᬢ᭄ᬬᬂᬧᬋᬓᬦ᭄᭞ᬩᬶᬮᬶᬄᬯᬾᬦ᭄ᬢᭂᬦ᭄ᬳᬢᬸᬭᬦ᭄ᬢᬶᬢ᭄ᬬᬂᬓᬧᬸᬗ᭄ᬓᬸᬃ᭞ᬭᬶᬂᬲᬸᬭᬢ᭄ᬢᬶᬢ᭄ᬬᬂᬫᬶᬤᬃᬢ᭄ᬢ᭞ᬓᭂᬦᬳᬶᬤᬢᬢᬲ᭄ᬳᬸᬦᬶᬂ᭞ᬭᬶᬂᬲᬵᬫ᭄ᬧᬸᬦᬾᬲᬧᬸᬦᬶ
ᬓᬵ᭞ᬲᬫ᭄ᬧᬸᬦ᭄ᬧᬶᬲᬦ᭄᭞ᬳᬶᬤᬜᬭᬸᬢᬦᬶᬳᬸᬦᬶᬂ᭞ᬭᬶᬂᬳᬢᬸᬃᬢᬶᬢ᭄ᬬᬗᬾᬧᬺᬮᬸ᭞ᬫᬶᬲᬤ᭄ᬬᬗᬢᬸᬭᬂᬲᬸᬭᬢ᭄᭞ᬦᬗ᭄ᬳᬶᬂᬳᬜ᭄ᬘᭂᬂᬢᬦ᭄ᬓᬦ᭄ᬢᭂᬦ᭄ᬧᬶᬤᬃᬢ᭄ᬢᬦ᭄ᬳᬶᬧᬸᬦ᭄
[᭓ 3A]
᭞ᬧᬶᬦᭂᬄᬤ᭄ᬯᬕᬸᬂᬤᬶᬧᬫᬺᬫᬦ᭄᭞ᬫᬗ᭄ᬤᬾᬦᬾᬲᬶᬤ᭄ᬥᬓᬧᬗ᭄ᬕᬶᬄ᭟ᬭᬶᬂᬲᬵᬫ᭄ᬧᬸᬦᬾᬓᬧᬶᬦᭂᬳᬶᬦ᭄᭞ᬳᬢᬸᬃᬢᬶᬢ᭄ᬬᬂ᭞ᬲᬦᬾᬫᬸᬗ᭄ᬕᬸᬄᬭᬶᬂᬕᬸᬭᬶᬢ᭄᭞ᬳᬶ
ᬘᬾᬦᬶᬦ᭄ᬧᬫᬍᬲ᭄ᬭᬢᬸ᭞ᬲᬸᬭᬢ᭄ᬓᬢ᭄ᬭᬗᬦ᭄ᬳᬶᬤ᭞ᬓᭂᬦᬶᬯᬾᬦ᭄ᬢᭂᬦ᭄ᬫᬦᬳᬶᬦ᭄ᬢᬶᬢ᭄ᬬᬂᬤᬾᬯᬵᬕᬸᬂ᭞ᬤᬕᬶᬂᬧᬗᬦ᭄ᬤᬶᬓᬦ᭄ᬳᬶᬤ᭞ᬓᬤᬸᬃᬫᬗ᭄ᬕᬮᬵ ᬫᬗᬶᬭᬶᬂ
᭚᭜᭚ᬘᬭᬶᬢᬬᬂᬯᬾᬦ᭄ᬢᭂᬦ᭄ᬧ᭄ᬭᬕᬸᬂᬧᭂᬢᬂᬦᬵᬕᬭ᭞ᬕᬕ᭄ᬮᬂᬲᬶᬗ᭄ᬳᬵᬲᬭᬶ᭞ᬤᭂᬳᬫ᭄ᬯᬂᬓᭀᬭᬶᬧᬦ᭄᭞ᬲᬫᬶᬲᬫ᭄ᬧᬸᬦ᭄ᬫᬧᬸᬢ᭄ᬭ᭞ᬭᬶᬂᬓᭀᬭᬶᬧᬦ᭄ᬓᬂᬯᬶᬦᬃᬡ᭄ᬦᬶ᭞ᬫ
ᬧᬸᬢ᭄ᬭᬓᬃᬯ᭞ᬦᬾᬤᬸᬳᬸᬭᬦ᭄ᬮᬦᬂᬧᭂᬓᬶᬓ᭄᭟ᬦᬾᬳᬮᬶᬢᬦ᭄ᬳᬶᬲ᭄ᬢ᭄ᬭᬶᬳᬬᬸᬮ᭄ᬯᬶᬃᬳ᭄ᬬᬂᬭᬾᬓᬵ᭞ᬓᬸᬓᬸᬤᬂᬤ᭄ᬯᬕᬸᬂᬧᬸᬢ᭄ᬭᬵᬤᬶ᭞ᬤᬶᬦᬵᬕᬭᬤᭂᬳᬵ᭞ᬓᬧ᭄ᬭᬦ
Kaca:Bali-lontar-gaguritan-galuh-deha-350ppi.pdf/3
Kaca puniki sampun kauji-wacén
