[᭑᭘ 18 B]
᭑᭘
ᬦ᭄ᬲᬂᬫᬗᬶᬭᬶᬂ᭞ᬮᬮᬬᬗᬦᭂᬗ᭄ᬕᬕᬡᬵ᭞ᬳᬯᭀᬭᬶᬂᬫᬾᬖᬦᬾ ᬧᬸᬢᬶᬄ᭞ᬳᬶᬤ᭄ᬯᬕᬸᬂᬧᬸᬢ᭄ᬭᬓᭂᬜᬶᬂ᭞ᬓᬳᬓ᭄ᬱᬶᬘᭀᬓᭀᬃᬤ᭄ᬥᬵᬩᬕᬸᬲ᭄᭞
ᬓᭀᬃᬤ᭄ᬥᬵᬩᬕᬸᬲ᭄ᬫᬢᬗ᭄ᬬ᭞ᬲᬩ᭄ᬭᬶᬬᬸᬓ᭄ᬫᬗᬫᭂᬮ᭄ᬢᬮᬶ᭞ᬳᬦᬲᬶᬬᬸᬫᬗᬶᬭᬶᬂᬢ᭄ᬭᬶᬤ᭄ᬯᬕᬸᬂᬧᬸᬢ᭄ᬭ᭟ᬗᬫᭂᬮ᭄ᬢᬮᬶᬦ᭄ᬍᬮᬬᬗᬦ᭄᭞ᬮᬶᬮᬸᬲ᭄ᬩ᭄ᬭᬸᬯᬂᬫᬦᭂᬓᬳᬶ
ᬦ᭄᭞ᬳᬧᬦ᭄ᬧᬦᬶᬢᬳᬶᬂᬲᬸᬓᬵ᭞ᬧᬜᬢ᭄ᬭᬶᬦ᭄ᬲᬂᬤᬸᬫᬤᬶ᭞ᬲᬸᬓᬤᬸᬓᬢᬦ᭄ᬕᬶᬗ᭄ᬲᬶᬃ᭞ᬓᬕ᭄ᬭᬓ᭄ᬧᬦᬶᬢᬄᬳ᭄ᬬᬂᬢᬸᬤᬸᬄ᭞ᬍᬮᬬᬗᬦᬾ ᬗᬸᬫᬤ᭄᭞ᬢᭀᬂ
ᬲᬶᬤᬩᬳᬦ᭄ᬦᬗ᭄ᬕᭂᬳᬶᬦ᭄᭞ᬳᬶᬤᬾᬯᬕᬸᬂ᭞ᬧᬸᬢ᭄ᬭᬲᬋᬂᬓᬓᭂᬩᬸᬭᬂ᭟ᬲᬯᬫᬸᬗ᭄ᬕᬄᬫᬗᬕᬡᬵ᭞ᬘᭀᬓᭀᬃᬤ᭄ᬥᬩᬕᬸᬲ᭄ᬫᬗᬶᬭᬶᬂ᭞ᬫᬗ᭄ᬭᬭᬶᬲ᭄ᬫᬦᬶᬗ᭄ᬕ
[᭑᭙ 19 A]
ᬮ᭄ᬤᬾᬰ᭞ᬦᬾ ᬗᬶᬭᬶᬂᬫᬗᬶᬲᬶᬢᬮᬶ᭞ᬧ᭄ᬭᬫᬾᬦᬓ᭄ᬮᬶᬬᬸᬗᬶᬭᬶᬂ᭞ᬫᬘᭂᬧᭀᬮ᭄ᬲᬓᬳᬸᬓᬸᬤ᭄᭞ᬧᬢ᭄ᬭᬾᬩᬾᬲ᭄ᬩᬶᬮᬂᬤᬗ᭄ᬓ᭞ᬯᬾᬦ᭄ᬢᭂᬦ᭄ᬤᬶᬕᬸᬦᬸᬂᬤᬶᬧᬲᬶᬄ᭞
ᬳᬶᬤᬾᬯᬕᬸᬂᬘᭀᬓᭀᬃᬤ᭄ᬥᬭᬶᬂᬲᬯᬾᬮ᭟ᬳᬤᬚᬸᬭᬂᬧᬗ᭄ᬓᬸᬂᬮᬶᬗ᭄ᬕᬄ᭞ᬭᬶᬂᬢᭂᬗᬄᬧᬗ᭄ᬓᬸᬗᬾᬫᬶᬲᬶ᭞ᬓᬬᬸᬫᭂᬩᬸᬦ᭄ᬧᬲᬸᬭᬫ᭄ᬩ᭄ᬬᬄ᭞ᬳᭂᬦ᭄ᬢᭀᬫᬜᬗ᭄ᬮᬓ᭄
ᬲᬂᬓᬮᬶᬄ᭞ᬤᬸᬃᬕᬫᬮᬶᬦ᭄ᬢᬂᬲ᭄ᬭᬶᬧᬶᬢ᭄᭞ᬦᬸᬚᬸᬳᬶᬤᬯᬬᬦ᭄ᬕᬸᬦᬸᬂ᭞ᬮᬸᬯᬲ᭄ᬫᬗᬮᬶᬄᬲᬳᬂ᭞ᬧᬘᬂᬳᬤᭂᬧ᭄ᬦᬾᬦᬾᬫᬦᬶ᭞ᬳᭂᬚᭀᬄᬲᬯᬢ᭄᭞ᬤᬤᭀᬲ᭄ᬫᬶᬋᬂᬲᭂᬲ
ᬫ᭄ᬩᬢᬦ᭄᭟ᬲᭂᬲᬫ᭄ᬩᬢᬦ᭄ᬲᬮᬶᬂᬢᬶᬫ᭄ᬩᬮ᭄᭞ᬧᬥᬫᬦᬕᬶᬄᬚᬕ᭄ᬚᬕᬶᬦ᭄᭞ᬲ᭄ᬬᭂᬕ᭄ᬫᬳᬶᬓᬾᬚᬸᬯᬂᬢ᭄ᬬᬂ᭞ᬚᬮᬦ᭄ᬩᬋᬂᬚᬦᬶᬫᬢᬶ᭞ᬳᬫᬶᬗ᭄ᬕᬶᬭᬶᬂᬬᬫᬦᬶ᭞ᬲᬸᬓᬬᬦ᭄ᬚᬦᬶ
Kaca:Bali-lontar-gaguritan-galuh-deha-350ppi.pdf/19
Kaca puniki sampun kauji-wacén
