[᭑᭓ 13B]
᭑᭓
ᬦ᭄ᬳᬶᬕᬭᬸᬥᬳ᭄ᬫᬲ᭄᭞ᬲᬂᬓᬢ᭄ᬭᬶᬡᬶᬭᬭᬶᬲ᭄ᬳᬶᬤᬫᬦᬗᬶᬲ᭄᭞ᬲᬲᬫ᭄ᬩᬢᬾᬓᬯ᭄ᬮᬲ᭄ᬬᬸᬦ᭄᭞ᬩᬧᬩ᭄ᬬᬂᬘᬶᬗᬓ᭄ᬢᬶᬢ᭄ᬬᬂᬤᬤᬶᬓᬕ᭄ᬬᬢ᭄ᬧᬤᬡ᭄ᬥᬳᬶᬲ᭄ᬢ᭄ᬭᬶᬫᬗ᭄ᬭᬸᬗᬸ᭞
ᬓᬘᬶᬗᬓ᭄ᬭᬭᬾᬫᬕᬸᬬᬂ᭞ᬳᬬᬸᬳᬬᬸᬮ᭄ᬯᬶᬃᬳ᭄ᬬᬂᬭᬢᬶᬄ᭟ᬧᬤᬡ᭄ᬥᬦᬶᬫ᭄ᬩᬮ᭄ᬫᬗᭂᬫ᭄ᬩᬦ᭄᭟ᬤ᭄ᬯᬬᬸᬳᬦᭀᬫ᭄ᬓᬳᬶᬫ᭄ᬩᬮ᭄ᬧᬶᬦᬶᬄᬭᬶᬳᬶᬦ᭄᭞ᬲᬳᬧᬗᬦ᭄ᬤᬶᬓ
ᬳᬮᬸᬲ᭄᭞ᬦᬾᬤᬾᬯᬬᬸᬮᬶᬤᬶᬚ᭞ᬜᬾᬦ᭄ᬫᬗᭂᬮᬄᬳᭀᬓᬦᬾᬳᬶᬤᬾᬯᬳᬬᬸ᭞ᬳᭂᬚᬶᬫ᭄ᬫᬦᬸᬱᬤᬾᬯ᭞ᬦᬄᬢᬸᬢᬸᬭᬂᬳᬧᬂᬚᬢᬶ᭟ᬓᬮᬶᬄᬳ
ᬧᬲᬥ᭄ᬬᬦ᭄ᬳᬶᬤ᭞ᬢᭂᬓᬵᬫᬳᬶᬬᬸᬮᬶᬤᬶᬚᬦᭂᬕᬭᬶ᭞ᬳᬶᬤ᭄ᬯᬕᬸᬂᬳᬶᬲ᭄ᬢ᭄ᬭᬶᬫᬳᬢᬸᬃ᭞ᬢᬶᬢ᭄ᬬᬂᬯᭀᬂᬓᬚᬦ᭄ᬢᬓᬵ᭞ᬢᬦ᭄ᬳᬸᬦᬶᬗᬭᬶᬂᬭᬫᬭᬾᬡᬦᭂᬕᬦ᭄ᬢᬸᬦ᭄
[᭑᭔ 14A]
ᬲᬫ᭄ᬩᬶᬮ᭄ᬦᬗᬶᬲ᭄ᬫᬳᬢᬸᬭᬾ᭞ᬲᬧᬲᬶᬭᬚᬧᬸᬦᬶᬓᬶ᭟ᬲ᭄ᬯᬾᬘ᭄ᬙᬵᬧᬶᬢᬓᬾᬦ᭄ᬭᬶᬂᬢᬶᬢ᭄ᬬᬂ᭞ᬭᬶᬲ᭄ᬗᬦ᭄ᬤᬶᬓᬳᬶᬤᬧᬤᬡ᭄ᬥᬳᬶᬲ᭄ᬢ᭄ᬭᬶ᭞ᬲᬾᬗᬸᬭᬄᬳᭂᬦᬾᬤᬬᬸᬅ᭄᭞ᬧ
ᬢᬶᬃᬣᬦ᭄ᬰ᭄ᬭᬶᬦᬭᬾᬦ᭄ᬤ᭄ᬭ᭞ᬦᬗ᭄ᬳᬶᬂᬮᬘᬸᬃᬫᬾᬗᬸᬭᬄᬓᬾᬦᬾᬩᭂᬓᬸᬂ᭞ᬫᬶᬍᬳᬦ᭄ᬫᬦᬸᬦᬲ᭄ᬧᬦᬓ᭄᭞ᬩᬳᬸᬚᬦᬶᬓᬲᭂᬫ᭄ᬧᭀᬮᬶᬄ᭟ᬫᬾᬗᬸᬭᬄᬫᬦᬸᬤᬸᬓ᭄ᬫᬓᭂ
ᬚᬂ᭞ᬲᬸᬳᬸᬤ᭄ᬲᭂᬥᬶᬄᬫᬾᬗᬸᬭᬄᬲᬸᬕᬶᬄᬕᬢᬶ᭞ᬳᬶᬤᬦᬲᬶᬚᬓ᭄ᬢᬢᭂᬮᬸ᭞ᬧᬤᬡ᭄ᬥᬕᭂᬤᬾᬧ᭄ᬭᬧ᭄ᬢ᭞ᬕᭂᬮᬸᬜᬶᬗᬓ᭄ᬲᬳᬧᬢᬓᬾᬦᬾᬳᬮᬸᬲ᭄᭞
ᬳᭂᬦᬾᬳᭂᬜᬾᬦ᭄ᬳᬚᬓ᭄ᬳᬶᬤ᭞ᬚᭂᬕᬾᬕᬾᬢᬦ᭄ᬲᬶᬧᬶᬲᬶᬧᬶ᭟ᬧᬤᬡ᭄ᬥᬳᬶᬲ᭄ᬢ᭄ᬭᬶᬫᬢᬸᬭ᭞ᬢᬶᬢ᭄ᬬᬂᬦᬸᬤᬸᬓ᭄ᬚᭂᬦᭂᬂᬧᬳᬶᬘᬦ᭄ᬯᬶᬥᬶ᭞ᬧᬮᬦ᭄ᬩ᭄ᬭᬢᬦ᭄ᬢᬶᬢ᭄ᬬᬂᬤᬸᬫᬸᬦ᭄᭞
Kaca:Bali-lontar-gaguritan-galuh-deha-350ppi.pdf/14
Kaca puniki sampun kauji-wacén
