[᭗ 7B]
᭗
ᬦᬾᬧᭂᬗ᭄ᬓᬸᬂᬚ᭄ᬮᬾᬧᬶᬲᬦ᭄᭞ᬬᬦ᭄ᬤᬤᬶᬧᬸᬗ᭄ᬕᭂᬮ᭄ᬧᬸᬗ᭄ᬕᭂᬮᬶᬦ᭄᭞ᬲᬗ᭄ᬓᬦ᭄ᬧᬬᬸ᭞ᬲᬂᬕᬭᬸᬤᬜᬍᬕᬤᬕ᭄᭟ᬳᭂᬜᬾᬦ᭄ᬩᬸᬓᬲᬂᬕᬭᬸᬤ᭞ᬳᬦᬓ᭄ᬕᭂᬤᬾᬩ᭄ᬯᬶᬦ᭄ᬲᬓ᭄ᬢᬶ᭞ᬩᬲ᭄ᬲᬗᭂᬢ᭄ᬗᬸᬫᭂᬦ᭄ᬤᭂᬮᬯᬓ᭄᭞ᬓ᭄ᬭᬡ
ᬫᬦᭂᬧᬸᬓᬶᬦ᭄ᬲᬓᬶᬢ᭄᭞ᬩᬸᬯᬶᬦ᭄ᬩᬸᬓᬳᬶᬯᬦᬭᬶ᭞ᬮᬕᬸᬢ᭄ᬜᬦᬾᬩᭀᬚᭀᬕ᭄ᬮᬸᬘᬸᬢ᭄᭞ᬓᬤᬾᬦᬢ᭄ᬯᬭᬗ᭄ᬮᬄᬤᬾᬯ᭞ᬲᬶᬂᬧᬢᬸᬢ᭄ᬢᭀᬗᭀᬲᬶᬦ᭄ᬯᬶᬥᬶ᭞ᬳᬶᬧᬧᬓ᭞ᬤᭀᬱᬕ᭄ᬤᬾᬫᭀᬫᭀ
ᬫᬸᬃᬓ᭄ᬓ᭟ᬳᬶᬯᬦᬭᬶᬲ᭄ᬤᭂᬓ᭄ᬮᬸᬗ᭞ᬗᬮᬶᬄᬧᬧᬗᬜ᭄ᬚᬦᬶ᭞ᬳᬶᬧᬧᬓᬢᭀᬤᬾᬜ᭄ᬚᬸᬫᬄ᭞ᬳᬶᬬᬗᬶᬚᭂᬂᬲᬳᬶᬲᬳᬶ᭞ᬮᬯᬸᬢ᭄ᬕᬯᬾᬧᬶᬭᬦ᭄ᬢᬶ᭞ᬳᬮᬲᬾᬢᬸᬜ᭄ᬚᭂᬮᬶᬦ᭄ᬮᬯᬸᬢ᭄᭞ᬲᬸᬩᬧᬸᬳᬸᬦ᭄ᬫᬓ᭄ᬚᬂ᭞
ᬧᬦᬓ᭄ᬜᬦᬾᬳᬶᬯᬦᬭᬶ᭞ᬬᬓᬢᬸᬦᬸ᭞ᬓᬧᬗ᭄ᬕᬶᬄᬳᬾᬧᭀᬢ᭄ᬫᬗᬫᬄ᭟ᬤᬶᬲᬸᬩᬲᬸᬳᬸᬤ᭄ᬫᬗᬫᬄ᭞ᬲᬕᬾᬢ᭄ᬢᭂᬓᬳᬶᬯᬦᬭᬶ᭞ᬢᭂᬗ᭄ᬓᭂᬚᬸᬢ᭄ᬳᬢᬶᬦᬾᬩᭂᬗᭀᬂ᭞ᬩᬦᬮᬲᬾ
[᭘ 8A]
ᬮᬯᬸᬢ᭄ᬕᬤᬾᬂᬬᬫᬫᬸᬜᬶ᭞ᬳᬶᬯᬦᬭᬶᬲᬫ᭄ᬩᬶᬮ᭄ᬓᬜᬸᬂ᭞ᬳᬧᬢᭀᬩ᭄ᬮᬶᬫᬓᬤ᭞ᬓ᭄ᬭᬡᬩᬸᬓᬓᬾᬦᬾᬚᬦᬶ᭞ᬳᬶᬜᬧᬸᬯᬸᬦ᭄᭞ᬳᬮᬲᬾᬢᬦᭀᬯᬕᬦ᭄ᬢᬸᬮᬦ᭄᭟ᬳᬶᬧᬧᬓᬭᬭᬶᬲ᭄ᬗᬸᬘᬧ᭄᭞
ᬫᬗᭂᬢᭀᬃᬲᬵᬫ᭄ᬩᬶᬮ᭄ᬫᬗᬶᬮ᭄ᬕᬶᬮ᭄᭞ᬳᬧᬶᬦᬾᬲᬓᬶᬂᬢᬦᬦ᭞ᬭᬯᬸᬄᬗᬮᬸᬧᬸᬢ᭄ᬫᬭᬶᬓᬶ᭞ᬳᬫ᭄ᬧᬸᬭᬢᬶᬢ᭄ᬬᬂᬩᬶᬩᬶ᭞ᬲᬶᬲᬶᬧ᭄ᬢᬶᬢ᭄ᬬᬗᬾᬓᬤᬸᬭᬸᬲ᭄᭞ᬧ᭄ᬬᬦᬓ᭄ᬩᬶᬩᬶᬦᬾᬳᬶᬢᬸᬦ᭄ᬬᬦ᭄᭞ᬳᭂᬮᬾ
ᬩ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬶᬲᬶ᭞ᬩ᭄ᬬᬦᬓᭂᬦᬶ᭞ᬳᬦ᭄ᬢᬸᬓ᭄ᬢᬶᬢ᭄ᬬᬂᬫᬦᬸᬢᬸᬤᬂ᭟ᬳᬶᬯᬦᬭᬶᬭᬭᬶᬲ᭄ᬗᬸᬘᬧ᭄᭞ᬲᬸᬩᬓ᭄ᬭᬲᬫᬭᬶᬂᬳᬢᬶ᭞ᬬᬤᬶᬦ᭄ᬓᬾᬢᭀᬓᬾᬦ᭄ᬓᬾᬦ᭄ᬩᬳᬦ᭄᭞ᬲᬸᬩᬧᬦᬶᬢᬳᬶᬂᬯᬶᬤ᭄ᬥᬶ᭞
ᬢ᭄ᬯᬭᬤᬤᬶᬓᭂᬮᬶᬤᬶᬦ᭄᭞ᬤᬶᬕᬦ᭄ᬢᬶᬦ᭄ᬳᬯᬓᬾᬮᬘᬸᬃ᭞ᬳ᭄ᬤᬓᬸᬤᬫᬲᭂᬮ᭄ᬲᭂᬮᬦ᭄᭞ᬦᬶᬓᬶᬯᭀᬄᬯᭀᬳᬦ᭄ᬫᬦᬶᬲ᭄᭞ᬳᬶᬧᬧᬓ᭞ᬦᬭᬶᬫᬮᬯᬸᬢ᭄ᬫᬗᬫᬄ᭟ᬤᬶᬲᬸᬩᬦᬾᬲᬸᬳᬸ
Kaca:Bali-lontar-gaguritan-gagalihan-350ppi.pdf/8
Kaca puniki sampun kauji-wacén
