[᭓᭘ 38B]
᭓᭘
ᬳᬮᬓ᭄ᬱ᭞ᬢᬯᬸᬃᬯᬦ᭄ᬢᬄᬓᬮᬶᬄᬢᬮᬶ᭞ᬦᬾᬓᬸᬢᬸᬲ᭄ᬢᬮᬶᬓᬢᬕᬶᬳᬂ᭞ᬩᬲᬘᬶᬫᬦᬸᬫᬤᬶ᭟ᬧᬶᬢᬸᬢᬸᬃᬳᬗ᭄ᬕᬾᬦ᭄ᬫᬶᬤᬸᬮᬸᬃ᭞ᬧᬂᬤᬫᭀᬫᭀᬩᭂᬗ᭄ᬓᬸᬂᬧ᭄ᬭᬶᬧᬶᬢ᭄᭞ᬩᬾᬩᬲ᭄ᬜᬦᬾ
ᬫᬓ᭄ᬢᬳᬶᬯᬂ᭞ᬳᬤᬢᬸᬢᬸᬭᬦ᭄ᬯᭀᬂᬳᬮᬶᬢ᭄᭞ᬤᬲᬂᬳᬦ᭄ᬤᬶᬫᬦᬯ᭄ᬬ᭞ᬲᬤᬯᭂᬕᬾᬓᬭᬶᬳᬮᬶᬢ᭄᭟ᬲ᭄ᬦᭂᬂᬫᬗᬶᬓᬸᬳᬶᬜ᭄ᬘᬧᬸᬂ᭞ᬭᬶᬂᬲᬫ᭄ᬧᬸᬦ᭄ᬫᬦᬤᬶᬋᬱᬶ᭞ᬫᭀᬦᬩ᭄ᬭᬢᬭᬶᬂᬧᬢᬧᬦ᭄
ᬲ᭄ᬤᭂᬓ᭄ᬳᬦᬓ᭄ᬗᭂᬧᬸᬂᬫᬮᬶᬂ᭞ᬳᬶᬫᬮᬶᬂᬬᬫᬲᬶᬦᬸᬢᬦ᭄᭞ᬭᬶᬂᬧᬢᬧᬦᬾᬲᬂᬋᬱᬶ᭟ᬓᬢᬓᬾᬦᬶᬦ᭄ᬢᬦ᭄ᬫᬲᬯᬸᬃ᭞ᬓᬲᭂᬗ᭄ᬕᬸᬄᬫᬗᭂᬩᬂᬫᬮᬶᬂ᭞ᬤᬤᬶᬧ᭄ᬤᬶᬄᬲᬂᬫᬗᭂᬦ᭄ᬤᭂᬄ᭞ᬓᬳᬮᬶᬳᬂᬲᬸᬗ᭄ᬕᬮᬜᬶᬂ
ᬕᬕ᭄ᬭᬾᬧᬾᬦ᭄ᬓᬸᬭᬗᬦ᭄ᬫᬦᬄ᭞ᬓᬧᬘᭂᬓ᭄ᬱᬶᬮᬶᬢ᭄ᬲᬂᬋᬱᬶ᭟ᬫᭂᬦᭂᬂᬮᬶᬦ᭄ᬢᬂᬧᬕᭂᬄᬓᬬᬸᬦ᭄᭞ᬢ᭄ᬮᬲ᭄ᬯᬢᭂᬓ᭄ᬩ᭄ᬭᬳ᭄ᬫᬋᬱᬶ᭞ᬦᬓᬾᬦᬂᬭᬶᬂᬲᬗ᭄ᬳ᭄ᬬᬂᬬᬫ᭞ᬳᬧᬓᬯᬶᬳᬾᬦᬸᬫᬤᬶ᭞
[᭓᭙ 39A]
ᬲᬗ᭄ᬓᬦ᭄ᬫᬦ᭄ᬫᬸᬲᬗ᭄ᬲᬭ᭞ᬲᬂᬳ᭄ᬬᬂᬬᬫᬫᬜᬯᬸᬭᬶᬦ᭄᭟ᬳᬶᬯᬂᬤᬸᬓᬾᬳᬮᬶᬢ᭄ᬤᬸᬫᬸᬦ᭄᭞ᬗᬶᬓᬸᬳᬶᬜ᭄ᬘᬧᬸᬂᬢᬦ᭄ᬫᬭᬶ᭞ᬲᬗ᭄ᬓᬦ᭄ᬲᬶᬮᬶᬢ᭄ᬧᬘᭂᬓ᭄ᬱᬗ᭄ᬕ᭞ᬧᬤᬕᬶᬂᬘᬧᬸᬂᬳᬶᬓᬸᬢᬶᬦ᭄᭞ᬯᬢᭂᬓ᭄ᬩ᭄ᬭᬳ᭄ᬫ
ᬋᬱᬶᬤᬸᬄᬓ᭞ᬳᬶᬯᬂᬬᬫᬦᬾᬍᬯᬶᬄ᭟ᬦᬶᬩᬓᬶᬦ᭄ᬭᬭᬾᬤᬦ᭄ᬤᬳᬕᬸᬂ᭞ᬤᬸᬭᬸᬂᬲ᭄ᬤᭂᬂᬤᬦ᭄ᬤᬧᬢᬶ᭞ᬤᬾᬦᬶᬂᬤᬸᬭᬸᬂᬤᬰᬯᬃᬱ᭞ᬳᬮᬳᬬᬸᬤᬸᬭᬸᬂᬳᬸᬦᬶᬂ᭞ᬲᬗ᭄ᬳ᭄ᬬᬂᬬᬫᬓᬲᬶᬲᬶᬧᬂ᭞ᬭᬶᬂᬳᬲ᭄ᬦᬶᬦᬫ
ᬦᬸᬫᬤᬶ᭟ᬫᬗ᭄ᬤᬧᬾᬭᭀᬢ᭄ᬲᬓᬶᬂᬯ᭄ᬢᬸ᭞ᬗᬭᬦ᭄ᬲᬂᬧᬶᬥᬸᬭᬭᬶᬭᬶᬄ᭞ᬓᬾᬢᭀᬋᬓᭀᬓᬢᬸᬳᬸᬭᬦ᭄᭞ᬯᬢᭂᬲ᭄ᬢᬸᬯᬸᬯᬾᬗᬚᬓᬶᬦ᭄᭞ᬤᬰᬯᬃᬱᬦᬫᬤᬦ᭄ᬤ᭞ᬯᬶᬘᬭᬓᬤᬦ᭄ᬤᬧᬢᬶ᭟
ᬳ᭄ᬤᬓᬤᬸᬗᬫᬭᬸᬜᬸ᭞ᬳᬸᬮᬶᬘ᭄ᬭᬶᬓ᭄ᬓᬬᬂᬓ᭄ᬮᬶᬄ᭞ᬢᬦᬸᬭᬸᬂᬓᬳᭂᬫ᭄ᬧᬸᬄᬤᭀᬱ᭞ᬲᬮᬶᬂᬓᬾᬳᬕᭂᬗᬦ᭄ᬫᬮᬶᬄ᭞ᬫᬗᬶᬓᬸᬢᬶᬜ᭄ᬘᬧᬸᬂᬧᬤᬂ᭞ᬓᬤᬦ᭄ᬤᬬᬢᬶᬤᭀᬂᬕᬶᬕᬶᬲ᭄᭟ᬤᬗᬫᬢ᭄ᬬᬲᬂ
Kaca:Bali-lontar-gaguritan-gagalihan-350ppi.pdf/39
Kaca puniki sampun kauji-wacén
