[᭓᭕ 35B]
᭓᭕
ᬳᬕ᭄ᬦᬶᬬ᭟ᬢ᭄ᬯᬄᬢᭀᬂᬤᬤᬶᬲᬓᬾᬯᬮᬩᬳᬦ᭄ᬫᬸᬜᬶ᭞ᬬᬦ᭄ᬢᬦ᭄ᬫᬢᬧᬓᬦ᭄᭞ᬩᭀᬬᬚᬲᬓᬤᬶᬗᬸᬦᬶ᭞ᬫᬤᬲᬃᬳᬢᬸᬃᬓᬾᬯᬮ᭟ᬓᬾᬢᭀᬳᬸᬧᬄᬬᬦ᭄ᬭᬕᬧᬢᬶᬳᬶᬮᭀ
ᬦᬶᬦ᭄᭞ᬓᬦ᭄ᬤᬦᬾᬧᭂᬤᬲᬂ᭞ᬬᬤᬶᬦ᭄ᬩᬧᬜᬫᬳᬤᬶ᭞ᬮᬫᬸᬦ᭄ᬳᬶᬯᬂᬬᬧ᭄ᬮᬶᬳᬂ᭟ᬓᬢᬸᬢᬸᬕᬂᬢᬶᬗ᭄ᬓᬳᬾᬫᬧᬸᬢ᭄ᬭᬳᬮᬶᬢ᭄᭞ᬬᬦᬶᬂᬫᬜᬸᬋᬧᬂ᭞ᬤᬫ᭄ᬧᬶᬗᬶᬦ᭄ᬕᬕᬯᬦ᭄ᬫᬗ᭄ᬓᬶᬦ᭄᭞ᬲᬧᬢᬸᬢᬶ
ᬕᬕᬯᬦ᭄᭟ᬯᬶᬭᬾᬄᬳᬤᬲᬓᬤᬶᬲᬂᬧᬭᬶᬓ᭄ᬱᬶᬢ᭄᭞ᬳᬮᬶᬢ᭄ᬭᬶᬂᬧᬫᬺᬫᬦ᭄᭞ᬭᬶᬂᬕ᭄ᬦᬄᬲᬜ᭄ᬚᬢᬲᬫᬶ᭞ᬓᬍᬩᭀᬦᬶᬦ᭄ᬲᬂᬲ᭄ᬯᬢᬫ᭟ᬳᬦᬓᬾᬳᬮᬶᬢ᭄ᬤᬤᬶᬫᬸᬮᬶᬲᬄᬫ
ᬗ᭄ᬮᬶᬂ᭞ᬕᬦ᭄ᬢᬶᬢ᭄ᬯᬭᬭᬸᬲᬓ᭄᭞ᬤᬸᬓ᭄ᬳᬲ᭄ᬯᬢᬫᬗᬼᬩᭀᬦᬶᬦ᭄᭞ᬗᬯᬸᬂᬢᬦᬄᬓᬕᭂᬤᭀᬗᬦ᭄᭟ᬩᬲ᭄ᬜᬕᬸᬢᬶᬦ᭄ᬦᬶᬩᬓᬶᬦ᭄ᬧᬦᬄᬯᭀᬗᬮᬶᬢ᭄᭞ᬭᬭᬾᬦᬾᬫᬦᬶᬜ᭄ᬚᬓ᭄
[᭓᭖ 36A]
ᬧᬦᬳᬾᬤᬤᬶᬫᬩᬤᬶᬂ᭞ᬗᭂᬦᬾᬦ᭄ᬩᬯᭀᬂᬲᬂᬲ᭄ᬯᬢᬫ᭟ᬲᬧᬸᬦᬶᬓᬤᬸᬭᬸᬂᬕᬦ᭄ᬢᬶᬦ᭄ᬭᬭᬾᬫᬢᬶ᭞ᬳᭂᬦ᭄ᬢᭀᬜᬦ᭄ᬤᬂᬢᬸᬮᬤ᭄᭞ᬬᬦᬶᬂᬭᬭᬾᬓ᭄ᬦᬶᬕ᭄ᬭᬶᬂ᭞ᬤᬶᬓᬲᬾᬧᬦᬾᬦᬓᭀᬦᬂ᭟ᬗᬮᬶᬄᬩᬮ᭄ᬬᬦ᭄
ᬦᬸᬚᬸᬤᭀᬄᬓᬮᬶᬄᬯ᭄ᬗᬶ᭞ᬳᬸᬲᬤᬢᬸᬢᬸᬭᬦ᭄᭞ᬤᬫᬸᬦᬾᬫᬸᬄᬫᬶᬯᬄᬩᬸᬗ᭄ᬮᬶ᭞ᬤᬤᬶᬢᬫ᭄ᬩᬭᬭᬾᬧᬦᭂᬲ᭄᭟ᬮᬬᬄᬦᬕᬫᬮᬶᬄᬭᬾᬓᬓᬧᬲ᭄ᬢᬸᬦᬶᬦ᭄᭞ᬤᬤᬶᬤᬫᬸᬳᬬ᭞ᬳᬸᬲᬤᬯᭀᬂ
ᬓᬭᬶᬳᬮᬶᬢ᭄᭞ᬓᬾᬢᭀᬲᬗ᭄ᬓᬦ᭄ᬜᬦ᭄ᬤᬂᬢᬸᬮᬤ᭄᭟ᬬᬦᬶᬂᬲᬫ᭄ᬧᬸᬦ᭄ᬧᬸᬢ᭄ᬭᬦᬾᬩᬦ᭄ᬤᬦ᭄ᬯᬲ᭄ᬢᬦᬶᬦ᭄᭞ᬲᬫ᭄ᬧᬸᬦᬂᬫᬫᬤ᭞ᬧᬲᬾᬗᬦ᭄ᬤᬾᬯᬦᬾᬲᬫᬶ᭞ᬬᬦ᭄ᬢ᭄ᬯᬭᬳᬸᬦᬶᬂᬢᬓᭀᬦᬂ᭞ᬧᬂᬤᬘ
ᬘᬤ᭄ᬳᬦᬓ᭄ᬱᭂᬗ᭄ᬓᬫᬗᬤᬦᬶᬦ᭄᭞ᬳᬧᬂᬤᬫᬦᬸᬮᬤ᭄᭞ᬧᬸᬢ᭄ᬭᬦ᭄ᬳᬲ᭄ᬢᬶᬦᬦᬾᬗᬸᬦᬶ᭞ᬲ᭄ᬭᬶᬢ᭄ᬭᬗᬤᬘᬶᬢ᭄ᬭᬲᬾᬩ᭟ᬯᬶᬃᬬ᭄ᬬ᭟ᬓᬭᬸᬲᬓᬂᬳᬦ᭄ᬢᬸᬓ᭄ᬕᬦ᭄ᬤᬃᬯ᭄ᬯᬫᬶᬗ᭄ᬲᬶᬲᬶᬧ᭄᭞ᬤᬾᬦᬶᬂᬯᬢᬸᬄᬳᬤᬦ᭄᭞
Kaca:Bali-lontar-gaguritan-gagalihan-350ppi.pdf/36
Kaca puniki sampun kauji-wacén
