[᭓᭐ 30B]
᭓᭐
ᬫᬦᭂᬮᬲᬂᬧᬜ᭄ᬘᬾᬦ᭄ᬤ᭄ᬭᬶᬬ᭞ᬤᬾᬯᬶᬲᭀᬫᬓᬢᬶᬗ᭄ᬕᬮᬶᬦ᭄᭞ᬳᬶᬤᬓᬦ᭄ᬢᬸᬦ᭄᭞ᬭᬶᬂᬧᬢᬧᬦ᭄ᬧᬦ᭄ᬢᬶᬭᬚ᭟ᬯᬾᬦ᭄ᬢᭂᬦ᭄ᬦᬾᬫᬗ᭄ᬓᬶᬦ᭄ᬓᭀᬘᬧᬂ᭞ᬳᬶᬤᬤᬾᬯᬶᬩᬲᬸᬦ᭄ᬤᬳᭂᬳᬶ᭞ᬧᬸᬢ᭄ᬭᬦ᭄ᬲ
ᬗ᭄ᬳ᭄ᬬᬂᬳᬦ᭄ᬢᭂᬩᭀᬕ᭞ᬫᬗ᭄ᬮᬮᬸᬦᬶᬗ᭄ᬕᬮ᭄ᬦᬕᬭᬶ᭞ᬤᬾᬦᬶᬂᬳᬶᬤᬢᬦ᭄ᬗᬶᬭᬶᬂ᭞ᬧᬗᬦ᭄ᬤ᭄ᬤᬶᬓᬦ᭄ᬬᬬᬄᬳᬶᬩᬸ᭞ᬫᬭᬩᬶᬲᬂᬲᬶᬦ᭄ᬤᬸᬮ᭞ᬓ᭄ᬭᬫᬫᬦᬶᬗ᭄ᬕᬮ᭄ᬦᬕᬭᬶ᭞ᬤᬸᬓᬗ᭄ᬮᬯᬶᬢ᭄᭞ᬫᬧ᭄ᬮᬶ
ᬗ᭄ᬕᬶᬳᬦ᭄ᬓᬫ᭄ᬩᬶᬂᬳᬗ᭄ᬲ᭟ᬲᬍᬕᬶᬦ᭄ᬢᬶᬓᬮᬶᬗ᭄ᬕᬶᬳᬦ᭄᭞ᬗ᭄ᬭᬭᬶᬲ᭄ᬓᬲ᭄ᬯᬾᬢᬦᬕᬭᬶ᭞ᬫᬗᭀᬤᬗᬢᬸᬭᬂᬭᬕ᭞ᬢᬦ᭄ᬓᬬᬸᬦ᭄ᬋᬱᬶᬯᬺᬱ᭄ᬧᬢᬶ᭞ᬫᬢᬶᬗ᭄ᬕᬮ᭄ᬲᬓᬶᬂᬮᬸᬮᬸᬢᬲᬶᬄ᭞ᬫᬬᬰᬫ
ᬕᭂᬳᬂᬓᬬᬸᬦ᭄᭞ᬤᬾᬯᬶᬩᬲᬸᬦ᭄ᬤᬭᬶᬚᭂᬗᬄ᭞ᬳᬶᬲᬶᬦ᭄ᬢᬗ᭄ᬓᬄᬳᬗ᭄ᬲᬸᬦᬾᬓᬫ᭄ᬩᬶᬮ᭄᭞ᬓᬫ᭄ᬩᬶᬂᬲᬫ᭄ᬧᬸᬦ᭄᭞ᬮᬫ᭄ᬩᬸᬂᬲᬶᬂᬩ᭄ᬦᬦᬾᬓᬳᭀᬮᬄ᭟ᬳᬸᬮᬫ᭄ᬦᭀᬄᬬᬯᬲ᭄ᬢᬦ᭄ᬬ᭞ᬭᬾᬄᬓᬫ᭄ᬩᬶ
[᭓᭑ 31A]
ᬗᬾᬢᬦ᭄ᬓᬭᬶ᭞ᬮᬫ᭄ᬩᬸᬂᬲᬶᬃᬡ᭄ᬦᬢ᭄ᬓᬾᬂᬯ᭄ᬓᬲ᭄᭞ᬳᬶᬲᬶᬦ᭄ᬢᬗ᭄ᬓᬄᬜᬓᬳᬮᬶᬄ᭞ᬓᬘᬂᬫᬢᭀᬬᬢ᭄ᬯᬓ᭄ᬫᬦᬶᬲ᭄᭞ᬧᬸᬦᬶᬓᬚᬗᬦᬾᬧᬸᬧᬸᬢ᭄᭞ᬤᬤᬶᬲᬫᬶᬩ᭄ᬘᬶᬓ᭄ᬧᬶᬲᬦ᭄᭞ᬲᬂᬋᬱᬶᬳᬶᬤᬗᬫ᭄ᬩᬸᬦᬶᬦ᭄᭞ᬓ᭄ᬭ
ᬡᬯᬸᬭᬸᬦ᭄᭞ᬗᬫ᭄ᬩᬸᬳᭀᬮᬳᬦᬾᬫ᭄ᬮᬄ᭟ᬲᬓᬤᬶᬓ᭄ᬯᬶᬯᬶᬳᭀᬮᬲ᭄᭞ᬗᬸᬗ᭄ᬓᬩᬂᬢᬹᬃᬫᬦᬓᭀᬦᬶᬦ᭄᭞ᬲᬧ᭄ᬭᬢᬶᬗ᭄ᬓᬄᬦᬾᬓᬳᭀᬮᬄ᭞ᬫᬢᬸᬃᬤᬾᬯᬶᬩᬲᬸᬦ᭄ᬤᬭᬶ᭞ᬳᬸᬮᬫ᭄ᬦᭀᬳᬾᬗ᭄ᬲᬓ
ᬫ᭄ᬩᬶᬂ᭞ᬧᬘᬂᬓᬢᬸᬃᬭᬶᬂᬳᬶᬭᬢᬸ᭞ᬫᬤᬸᬮᬸᬭᬜ᭄ᬚᬗᬦ᭄ᬓᬘᬂ᭞ᬫᬢᭀᬬᬩᬦ᭄ᬲᬚᭂᬂᬫᬦᬶᬲ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬂᬋᬱᬶᬗᬚᭂᬗᬂ᭟ᬲᬂᬋᬱᬶᬗᬸᬗ᭄ᬓᬩᬂᬳᭀᬮᬄ᭞ᬓ᭄ᬦᬶᬢᬗᬦᬾᬓᬬᬸᬲᬶ
ᬦ᭄᭞ᬤᬤᬶᬧᬸᬢᬶᬄᬓᬤᬶᬩ᭄ᬮᬂ᭞ᬲᬫᬶᬧᬤᬓᬭᬬᬸᬦᬶᬦ᭄᭞ᬓᬕᬯᭀᬓ᭄ᬕᬶᬦ᭄ᬢᬶᬂᬩᭂᬘᬶᬓ᭄᭞ᬫᬗᭂᬓᭂᬮ᭄ᬮᬯᬸᬢ᭄ᬫᬫᬲ᭄ᬢᬸ᭞ᬲᬓᬲᭀᬭᬦᬾᬭᬶᬂᬳᬶᬤ᭞ᬳᬧᬂᬢᭀᬂᬤᬤᬶᬧᬤᬾᬦᬶᬦ᭄᭞ᬳᬸᬮ
Kaca:Bali-lontar-gaguritan-gagalihan-350ppi.pdf/31
Kaca puniki sampun kauji-wacén
