[᭘᭐ 80 B]
᭘᭐
ᬲᬃᬯ᭄ᬯᬶᬓ᭄ᬥᬾᬓ᭄ᬬᬫᬫᬸᬜᬶ᭞ᬫᬩ᭄ᬮᬩᬤᬦ᭄ᬗᭀᬫᭀᬂᬤᬶᬢᬸ᭞ᬤᬭᬶᬫᬦᬳᬲᬮ᭄ᬜᬮᬶᬦ᭄ᬢᬄ᭞ᬤᬭᬶᬲᬯᬄᬢᬸᬭᬸᬦ᭄ᬤᬶᬓᬮᬶ᭞ᬕᬭᬾᬂᬧᬗᬸᬲ᭄᭞ᬫᬜᬯᬸᬭᬶᬦ᭄ᬕᬕᬸᬬᭀᬦᬦ᭄᭟᭑᭕᭟ᬳᬓᬸᬢᬳᬸᬳᬲ
ᬮ᭄ᬜᬘᬶᬦ᭄ᬢ᭞ᬤᬭᬶᬫᬢᬢᬸᬭᬸᬦ᭄ᬤᬶᬳᬢᬶ᭞ᬚᬸᬮᬸᬓᬂᬦᬦᬂᬚᬸᬮᬸᬓᬂ᭞ᬳᬬᬫ᭄ᬫᬢᬚᬶᬳᬲᬶᬓᬶ᭞ᬗᭀᬤᬕ᭄ᬥᬶᬢᬸᬫᬗᬾᬩᭀᬕᬶᬦ᭄᭞ᬲᬶᬦᬄᬳᬶᬧᬸᬦ᭄ᬢᬢᬸᬦᬾᬲᬭᬸ᭞ᬫᬚᬸᬮᬸᬓ᭄ᬤᬶᬩᬢᬦ᭄ᬳᬗ᭄ᬓ
ᬩ᭄᭞ᬳᬶᬲ᭄ᬫᬃᬭᬭᬶᬲ᭄ᬜᬯᬸᬭᬶᬦ᭄᭞ᬳᭂᬦ᭄ᬤᬾᬦ᭄ᬫᬮᬸ᭞ᬤᬶᬫᭀᬲᭀᬳᬾᬫᬮᬗᬶᬦ᭟᭑᭖᭟ᬲᬂᬤ᭄ᬬᬄᬫᬜᬯᬶᬲ᭄ᬤᬩ᭄ᬤᬩ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬤᬸᬭᬸᬂᬳᬸᬦᬶᬂ᭞ᬲᬧᬲᬶᬭᬯᬦ᭄ᬢᬄᬳᬶᬤᬾᬯ᭞ᬢᬸᬦ
ᬲ᭄ᬢᬶᬢ᭄ᬬᬂᬲᬦᬾᬚᬵᬢᬶ᭞ᬢᬶᬗ᭄ᬕᬭᬂᬭᬢᬸᬦᬾᬫᬗ᭄ᬓᬶᬦ᭄᭞ᬲᬗᬦᭀᬫ᭄ᬜᬯᬶᬲ᭄ᬫᬳᬢᬹᬃ᭞ᬧᬵᬢᬹᬢ᭄ᬯᬘᬦᬦ᭄ᬳᬶᬫᬶᬭᬄ᭞ᬤ᭄ᬯᬦᬶᬂᬯᬯᬸᬭᬢᬸᬧᬗ᭄ᬕᬶᬄ᭞ᬳᬶᬩᬶᬫᬦ᭄ᬬᬸ᭞ᬚᬵᬢᬶᬯᬦ᭄ᬢᬄᬯ
[᭘᭑ 81 A]
ᬱ᭄ᬝᬶᬦ᭄ᬢᬶᬢ᭄ᬬᬂ᭟᭑᭗᭟ᬭᬯᬸᬄᬲᬓᬶᬂᬢᬦᬄᬚᬯ᭞ᬲᬂᬋᬱᬶᬫ᭄ᬯᬢᬂᬫ᭄ᬭᬶᬓᬶ᭞ᬫᬢᭂᬫ᭄ᬯᬂᬫᬚᬵᬢᬸᬓᬃᬫ᭄ᬫ᭞ᬭᬶᬂᬳᬶᬳᬤᬶᬲᬦᬾᬫᬗ᭄ᬓᬶᬦ᭄᭞ᬳᬶᬤᬧ᭄ᬭᬡ᭄ᬥᬮᬶᬦ᭄ᬢᬂᬲᬶᬥᬶ᭞ᬢᬶᬢ᭄ᬬᬂᬦᬸᬦᬲ᭄ᬳᬗ᭄ᬕᬦ᭄ᬳᬶᬭᬢᬸ
ᬇᬭᬶᬂᬢᬶᬢ᭄ᬬᬂᬫᬚᬢᬸᬓ᭄ᬭᬫ᭞ᬲᬂᬧᬸᬢ᭄ᬭᬶᬫᬜᭂᬫ᭄ᬩᬄᬳᬭᬶᬲ᭄᭞ᬗᬶᬭᬶᬂᬭᬢᬸ᭞ᬮᬾᬤᬂᬫᬫᬜ᭄ᬚᬓᬂᬢᬶᬢ᭄ᬬᬂ᭟᭑᭘᭟ᬯᬯᬸᬢᬶᬢ᭄ᬬᬂᬲᬮᬶᬢ᭄ᬢᬫ᭄ᬧ᭞ᬲᭂᬗ᭄ᬕᬸᬄᬢᬶᬢ᭄ᬬᬂᬳᬶᬤᬋᬱᬶ᭞ᬲᬦᬾᬚᬕᬗᬮ᭄ᬧ᭄ᬢᬶ᭠
ᬢ᭄ᬬᬂ᭞ᬤᬦᬾᬲ᭄ᬫᬃᬫᬜᬶᬧ᭄ᬢᬳᬶᬦ᭄᭞ᬩᬸᬗᬲ᭄ᬭᬗ᭄ᬓᬾᬕᬸᬗᬫ᭄ᬮᬢᬶ᭞ᬘᬫ᭄ᬧᬓᬚᬗᬦ᭄ᬤᬶᬳ᭠ᬧᬸᬲ᭄᭞ᬤᬦᬾᬕᬭᬾᬂᬭᬭᬶᬲ᭄ᬦᬶᬫ᭄ᬩᬮ᭄᭞ᬚᬗᬦ᭄ᬘ᭄ᬭᬳᬾᬳᬶᬤᬸᬧ᭄ᬫᬢᬶ᭞ᬚᬗᬦ᭄ᬗᬫ᭄ᬩᬸᬮ᭄᭞ᬰ᭄ᬯᬃᬕᬦ᭄ᬭ
ᬓᬚᬸᬕᬩᭂᬃᬤ᭄ᬯ᭟᭑᭙᭟ᬯᬸᬲ᭄ᬧᬸᬧᬸᬢ᭄ᬩᬩᬯᭀᬲ᭄ᬳᬶᬤ᭞ᬭᬶᬂᬧᬢᬸᬭᭀᬦ᭄ᬲᬮᬾᬂᬲᬸᬓᬦᬶ᭠ᬦ᭄᭞ᬯᬾᬦ᭄ᬢᭂᬦ᭄ᬯᬳᬸᬚᬫ᭄ᬧᬶᬂᬲᬗ᭞ᬳᬸᬫᬶᬚᬶᬮ᭄ᬳᬶᬤᬲᬂᬓᬮᬶᬄ᭞ᬫᬤᬦ᭄ᬤᬦ᭄ᬢᬗᬦ᭄ᬭᬶᬂᬲᬂᬧᬸᬢ᭄ᬭᬶ᭠
Kaca:Bali-lontar-gaguritan-dwala-300ppi.pdf/81
Kaca puniki sampun kauji-wacén
