[᭔᭓43B]
᭔᭓
ᬲᬶᬦᭀᬫ᭄᭟
ᬩᬵ᭞ᬅᬧᬦ᭄ᬧᬗ᭄ᬕᬶᬄ᭞ᬲᬓᬵᬮᬦᬶᬱ᭄ᬓᬵᬮᬓᭀᬘᬧ᭄᭟᭓᭗᭟ᬉᬭᬶᬧ᭄ᬳᬢᬶᬢ᭄ᬳᬸᬧᬫᬦ᭄ᬜᬵ᭞ᬢ᭄ᬯᬭᬮᬦᬩᬸᬯᬶᬦ᭄ᬫᬯᬮᬶ᭞ᬫᭀᬓ᭄ᬱᬫᬸᬮᬶᬄᬭᬶᬂᬢᬦ᭄ᬳᬦ᭞ᬓ᭄ᬭᬡᬚᬦᬶᬲᬸᬩᬧᬵᬢᬹᬢ᭄᭞ᬰᬸᬪᬓᬃᬫ
ᬦᬯᬗᬸᬦᬂ᭞ᬫᬭᬶᬂᬕᬸᬫᬶ᭞ᬳᬧᬂᬤᬵᬓᬲᬾᬧ᭄ᬤᬶᬚᬮᬦ᭄᭟᭓᭗᭟ᬬᬾᬦᬶᬂᬗᬯᬗᬸᬦ᭄ᬰᬸᬪᬓᬃᬫ᭄ᬫ᭞ᬫᬓᬵᬤᬶᬥᬃᬫᬦᬾᬳᬤᬶ᭞ᬬᬤ᭄ᬬᬧᬶᬳᬗᭂᬦ᭄ᬓᬾᬯᬮ᭞ᬲᬶᬦᬄᬨᬮᬦ᭄ᬜᬵᬓᬧᬗ᭄ᬕᬸᬄ᭞ᬅᬧᬦ᭄ᬥᬃ᭠
ᬫᬲᬵᬓ᭄ᬱᬵᬢ᭄ᬲᬹᬃᬬ᭄ᬬ᭞ᬯᬯᬸᬫᬶᬚᬶᬮ᭄᭞ᬗᬶᬮᬗᬂᬧᭂᬢᭂᬂᬭᬶᬂᬚᬕᬢ᭄᭚᭜᭚ᬧᬸᬄᬲᬶᬦᭀᬫ᭄᭟᭑᭞ᬰᬶᬦᭀᬫ᭄ᬳᬗ᭄ᬕᬾᬦ᭄ᬫᬗ᭄ᬮᬦ᭄ᬢᬸᬭᬂ᭞ᬲᬢ᭄ᬯᬦ᭄ᬢᬶᬗ᭄ᬓᬄᬲᬂᬤᬸᬫᬤᬶ᭞ᬲᬦᬾᬢᬦ᭄ᬢᭂᬧᭂᬢ᭄ᬫ
ᬭᬶᬂᬘᬶᬢ᭄ᬢ᭞ᬭᬶᬓᬵᬮᬲᬸᬓᬧᬶᬦᬗ᭄ᬕᬶᬄ᭞ᬕᬶᬭᬂᬜᬦᬾᬢᬦ᭄ᬲᬶᬦᬶᬧᬶ᭞ᬮᬮᬶᬭᬶᬂᬧᬯᬮᬶᬦᬶ᭠ᬧᬸᬦ᭄᭞ᬲᬸᬓᬦᬾᬫᬩᬮᬶᬓ᭄ᬤᬸᬄᬓ᭞ᬓᬤᬶᬘᬓ᭄ᬭᬦᬶᬂᬧᬤᬢᬶ᭞ᬫᭂᬦᬾᬓ᭄ᬢᬸᬳᬸᬦ᭄᭞ᬫᬧᬸᬢ᭄ᬭᬦ᭄ᬚᭂ᭠
[᭔᭔44A]
ᬗᭂᬢ᭄ᬧᬶᬲᬦ᭄᭟᭒᭟ᬭᬶᬢᬢ᭄ᬓᬵᬮᬦᭂᬫᬸᬮᬭ᭞ᬲᭂᬤᬶᬄᬜᬦᬾᬢᬦ᭄ᬲᬶᬦᬶᬧᬶ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬓᬭ᭄ᬯᬦ᭄᭞ᬯᬶᬥᬶᬦᬾᬢᬦ᭄ᬳᬾᬮᬶᬂᬤᬮᬶᬄ᭞ᬢ᭄ᬯᬭᬲ᭄ᬯᬾᬘ᭄ᬙᬫᬜ᭄ᬯᬾᬘᬦᬶᬦ᭄᭞ᬳᭂᬦ᭄ᬢᭀ
ᬚᬵᬢᬶᬳᬦᬓ᭄ᬢᬦ᭄ᬤ᭄ᬭᬸᬄ᭞ᬫᬭᬶᬂᬓᬃᬫᬦ᭄ᬜᬦᬾᬲᬸᬩ᭞ᬓ᭄ᬭᬡᬫᬗ᭄ᬕᬶᬄᬮᬭᬓᬶᬗ᭄ᬓᬶᬂ᭞ᬨᬮᬦᬶᬧᬸᬦ᭄᭞ᬅᬰᬹᬪᬓᬃᬫᬦ᭄ᬜᬦᬾᬧᬹᬃᬯ᭄ᬯ᭟᭓᭟ᬩᭀᬬᬲᬗ᭄ᬓᬦᬶᬂᬯᬶᬥᬶᬯᬰ᭞ᬫᬵᬯᬾᬄᬮᬭᬫᬭᬶᬂᬕᬸ᭠
ᬫᬶ᭞ᬲᬸᬓᬤᬸᬓᬲᬸᬚᬵᬢᬶᬦ᭄ᬜᬵ᭞ᬨᬮᬓᬃᬫᬦ᭄ᬜᬦᬾᬗᬹᬦᬶ᭞ᬓᬵᬭᬡᬳᬤᬮᭀᬓᬦ᭄ᬕᬸᬫᬶ᭞ᬲᬾᬮᬢᬦ᭄ᬥᬸᬃᬲᬾᬮᬧᬸᬧᬹ᭞ᬚᬕᬸᬂᬢᬦᭂᬫ᭄ᬚᬕᬸᬂᬧᬸᬧ᭄ᬯᬂ᭞ᬓᬾᬦ᭄ᬢᭀᬧᬱ᭄ᬝᬶᬢ᭄ᬯᬭᬧᭂᬮᬶᬄ᭞ᬩᭂᬮᭀᬕ᭄ᬧᬸᬗ᭄ᬕᬸᬂ
ᬜᭂᬮ᭄ᬲᭂᬮ᭄ᬯᬶᬥᬶᬧᬸᬭᬓᬺᬢ᭄ᬢ᭟᭔᭟ᬲᬗ᭄ᬓᬦ᭄ᬕᬫ᭄ᬧᬂᬫᬲᭂᬮ᭄ᬲᭂᬮᬦ᭄᭞ᬜᭂᬮ᭄ᬲᭂᬮ᭄ᬯᬶᬥᬶᬲᬳᬶᬲᬳᬶ᭞ᬲᬮᬄᬤᬮᬶᬄᬫᬗᬦᬹᬢᬂ᭞ᬗ᭄ᬭᬾᬓᬬᬂᬯᬶᬥᬶᬭᬶᬂᬳᬢᬶ᭞ᬓᬤᬶᬥᬾᬯᬾᬓ᭄ᬜᬦᬾᬧᬱ᭄ᬝᬶ
Kaca:Bali-lontar-gaguritan-dukuh-wanasari-300ppi.pdf/44
Kaca puniki sampun kauji-wacén
