[᭑᭓13B]
᭑᭓
ᬲ᭄᭞ᬪᬨᬗᬶᬤᬶᬄᬧ᭄ᬬᬦᬓ᭄᭞ᬳᬧᬂᬲᬶᬤᬵᬦᬸᬫᬳᬸᬭᬶᬧ᭄᭟ᬦᬄᬳᭀᬮᬲᬶᬦ᭄ᬦᬾᬦᬓ᭄ᬘ᭄ᬭᬶᬓ᭄ᬓᬦ᭄ᬭᬓᬦ᭄᭞ᬫᬾᬫᬾᬦ᭄ᬜᬵᬗᬮᬳᬶᬦ᭄ᬫᬢ᭄ᬣᬶ᭞ᬧᬜᭀᬜ᭄ᬯᬶᬦ᭄ᬳᭂᬫ᭄ᬧ᭄ᬯᬂ᭞ᬩᬸᬭᭀᬦᬾᬧᬤᬵᬦᬶ
ᬗᭂᬳᬵᬂ᭞ᬇᬲᬶᬗᬵᬩᬗᬸᬦ᭄ᬫᬗ᭄ᬭᬭᬶᬲ᭄᭞ᬗ᭄ᬯᬂᬲᬶᬢᬶᬦ᭄ᬳᬶᬓᬶᬤᬵᬂ᭞ᬤᬾᬦᬶᬂᬬᬫᬦᬓᬦ᭄ᬘᭂᬦᬶᬓ᭄᭟ᬬᬳᬶᬓᬶᬤᬵᬂᬜᬕ᭄ᬚᬕᬶᬦ᭄ᬳᭂᬫ᭄ᬧᬸᬤᬶᬩ᭄ᬬᬭᬚᬵ᭞ᬜᬤ᭄ᬬᬧᬘᬂᬫᬜᭀᬜ᭄ᬯᬶᬦ᭄᭞ᬳᭂ
ᬫ᭄ᬧᬸᬤᬶᬩ᭄ᬬᬵᬗᬡ᭄ᬥᬶᬓᬵ᭞ᬲᬶᬮᬤ᭄ᬭᬶᬓ᭄ᬫᬵᬲ᭄ᬭᬳᬵᬂ᭞ᬧᬦᬓ᭄ᬘᬳᬶᬦᬾᬦᬾᬚᬦᬶ᭞ᬲᬶᬮᬤ᭄ᬭᬶᬗᬶᬭᬶᬗᬂᬵ᭞ᬓᬶᬤᬂᬗᬾᬫ᭄ᬥᭂᬫ᭄ᬫᬜᭀᬜ᭄ᬯᬶᬦ᭄᭟ᬳᬶᬲᬶᬮᬤ᭄ᬭᬶᬮᬶᬯᬢᬼᬕᬵᬦᬾᬗᬦ᭄ᬢᭂᬡ᭄ᬦᬂ
᭞ᬧᬦᬓᬾᬫᬜᭀᬜᭀᬗ᭄ᬮᬦ᭄ᬢᬶᬂ᭞ᬓᬦ᭄ᬢᬶᬧᬸᬍᬲ᭄ᬫᬧ᭄ᬮᬾᬕ᭄ᬧ᭄ᬮᬾᬕᬦ᭄᭞ᬓᬶᬤᬂᬗᬾᬩᬗᬸᬦ᭄ᬦᭂᬮᬦᬵᬂ᭞ᬳᭂᬫ᭄ᬧᬸᬤᬸᬩ᭄ᬬ᭞ᬘᬳᬶᬲᬶᬮᬤ᭄ᬭᬶᬚ᭄ᬫᬓ᭄᭞ᬧ᭄ᬬᬦᬓᬾᬳᬚ
[᭑᭔14A]
ᬓ᭄ᬫᬸᬮᬶᬄ᭟ᬳᬶᬲᬶᬮᬤ᭄ᬭᬶᬜ᭄ᬫᬓ᭄ᬧ᭄ᬬᬦᬓᬼᬕᬵᬧᬶᬲᬦ᭄᭞ᬩᬸᬭᭀᬦᬾᬧᬤᬵᬫᬕ᭄ᬥᬶ᭞ᬳᭂᬫ᭄ᬧᬸᬤᬶᬩ᭄ᬬᬩᬸᬤᬮ᭄᭞ᬳᬶᬲᬶᬮᬤ᭄ᬭᬶᬫᬗᬶᬭᬶᬗᬵᬂ᭞ᬭᬭᬶᬲ᭄ᬯᬾᬦ᭄ᬢᭂᬦ᭄ᬫᬫ᭄ᬩᬸᬫᬶᬳᬶᬓ᭄᭞ᬲᬹᬃᬬ᭄ᬬᬵ
ᬫ᭄ᬓᬵᬮᬗᬦ᭄᭞ᬳᭂᬫ᭄ᬧᬸᬤᬶᬩ᭄ᬬᬃᬭᬚᭂᬗᬓ᭄ᬱᬶ᭟ᬤᬤᬶᬗ᭄ᬭᬱᬵᬘᬶᬄᬦᬡ᭄ᬦᬶᬂᬲᬫ᭄ᬧᬸᬦ᭄ᬧᬲ᭄ᬘᬢ᭄᭞ᬳ᭄ᬬᬂᬲᬦᬾᬭᬶᬂᬯᬦᬵᬕᬶᬭᬶ᭞ᬢᬦ᭄ᬤᬤᭀᬲ᭄ᬳᬦ᭄ᬥᭂᬕᬵᬂ᭞ᬫᬓᬵᬲ᭄ᬯᬾᬘᬵᬡ᭄ᬦᬶᬂᬲᬗ᭄ᬳ᭄ᬬᬂ᭞ᬧ᭄ᬕ
ᬯᬾᬦᬾᬧᬘᬂᬦᬫ᭄ᬧᬶ᭞ᬲᬸᬩᬵᬫᬯ᭄ᬯᬄᬢᬲᬓ᭄᭞ᬲᬂᬫᬦᬦ᭄ᬤᬸᬃᬫᬗᬮᬧᬶᬦ᭄᭟ᬦᬦᭂᬂᬩ᭄ᬗᭀᬂᬤᬶᬸᬳᭂᬫ᭄ᬧᬸᬤᬶᬩ᭄ᬬᬭᬚᬵᬗᬬᬸᬦᬂᬵ᭞ᬭᬭᬶᬲ᭄ᬳᬶᬤᬵᬗᬦ᭄ᬤᬶᬓᬵᬳᬶᬦ᭄᭞ᬲᬶᬮᬤ᭄ᬭᬶᬫ
ᬳᬶᬧᬳᬓ᭄ᬓᬂᬵ᭞ᬦᬾᬚᬦᬶᬩᬧᬵᬫᬦᬶᬗ᭄ᬕᬮ᭄᭞ᬢᬺᬲ᭄ᬡᬵᬦ᭄ᬩᬧᬵᬦᬾᬭᬶᬂᬘᬳᬶ᭞ᬢ᭄ᬯᬭᬵᬓᬢᬸᬢᬸᬕᬵᬦ᭄᭞ᬳᬧᬦ᭄ᬧᬦᬶᬢᬳᬶᬂᬘᬶᬥᬷ᭟ᬦᬾᬩᬶᬦ᭄ᬢᭂᬮᬸᬦ᭄ᬋᬤᬶᬢᬾᬯᬕᬾᬢ᭄ᬫᬸᬡ᭄ᬦᬶ
Kaca:Bali-lontar-gaguritan-dukuh-suladri-04-350ppi.pdf/14
Kaca puniki sampun kauji-wacén
