[᭑᭑11B]
᭑᭑
ᬗ᭄ᬦᭀᬢ᭄ᬫᬃᬕ᭄ᬕᬵ᭞ᬫᬃᬖ᭄ᬕᬵᬦᬾᬧᬢᬸᬢ᭄ᬚᬮᬦᬶᬦ᭄᭞ᬧ᭄ᬚᬮᬦᬾᬗᬯᬕ᭄᭞ᬧᬗ᭄ᬓᬸᬗᬾᬢᬕᬶᬄᬘ᭄ᬩᬸᬭᬶᬦ᭄᭟ᬬᬦ᭄ᬫᭂᬚᬮᬦ᭄ᬫᬦᬸᬳᬸᬦᬂᬫᬃᬕᬵᬓᬯᬄ᭞ᬬᬦ᭄ᬫᭂᬦᬾᬓᬂᬰ᭄ᬯᬃᬕᬵᬧᬗ᭄ᬕᬶᬄ᭞ᬢᭀᬤᬤ᭄ᬯᬩ᭄ᬯ
ᬢ᭄ᬣᬵ᭞ᬫ᭄ᬦᬾᬓ᭄ᬮᬯᬦᬸᬳᬸᬡᬵᬂ᭞ᬬᬦ᭄ᬢᬸᬳᬸᬦ᭄ᬳᬾᬗ᭄ᬕᬮ᭄ᬫᭂᬫᬃᬕ᭄ᬕᬶ᭞ᬬᬦ᭄ᬫᭂᬦ᭄ᬢᬲ᭄ᬫᬦᬾᬓᬂ᭞ᬲᭂᬗ᭄ᬓᭂᬳᬗᬾᬮ᭄ᬩᬦ᭄ᬜᬮᬦᬶᬦ᭄᭟ᬦᬄᬮᬯᬸᬢᬂᬕᬢ᭄ᬬᬂᬘᬳᬶᬫᬚᬮᬦ᭄᭞ᬲᬯᬦᬾᬮᬯᬸᬢ᭄ᬢᬸᬜ᭄ᬚᭂᬮᬶᬦ᭄᭞
ᬳᭂᬦ᭄ᬢᬲ᭄ᬧᬗᭂᬲᭂᬗᬦ᭄᭞ᬤᬸᬳᬹᬃᬧᬫᬸᬳᬸᬦᬦᬾᬚ᭄ᬫᬓ᭄᭞ᬲᬸᬩᬵᬳᬤᬵᬳᬸᬮᬶᬗᬸᬦᬶ᭞ᬲᬶᬮᬤ᭄ᬭᬶᬗᬶᬭᬶᬗᬵᬂ᭞ᬫᬜᬸᬫ᭄ᬩᬄᬭᬭᬶᬲ᭄ᬫᭂᬫᬃᬕ᭄ᬕᬶ᭟ᬢᬸᬳᬸᬦ᭄ᬓᭂᬮᭀᬤ᭄ᬥᬤᬵᬱᬫᬸᬳᬸᬳᬦ᭄ᬫ᭄ᬭᬢ᭄ᬣᬵ᭞ᬩᬵᬩᬢᬸ᭠
ᬭᬦ᭄ᬩᬢᬵᬫᬳᬸᬓᬶᬃ᭞ᬤᬶᬢᬸᬮᬳᬸᬢ᭄ᬓᬧ᭄ᬚᬂ᭞ᬧᬸᬧᬸᬢ᭄ᬲᬫ᭄ᬧᬸᬦ᭄ᬓᬳᭂᬦ᭄ᬢᬲ᭄᭞ᬢᬸᬫᬸᬮᬶᬭᬭᬶᬲ᭄ᬓᬩᬲ᭄ᬫᬶ᭞ᬳᬧᬶᬦᬾᬤᬸᬫᬶᬮᬄ᭞ᬳᬓ᭄ᬱᬡ᭄ᬦᬵᬲᬫ᭄ᬧᬸᬦ᭄ᬦᬲ᭄ᬫᬶ᭟ᬢᬹᬃᬓᬳᬶᬭᬶᬫ᭄ᬳᬯᬸᬦᬾᬭᬭᬶᬲ᭄ᬓᬜᬸ
[᭑᭒12A]
ᬤ᭄ᬥᬵᬂᬫ᭄ᬦᬾᬓᬚᬵᬤᬸᬳᬸᬃᬩᬸᬓᬶᬢ᭄᭞ᬢᭀᬬᬦᬾᬫᬸᬫ᭄ᬩᬸᬮ᭄ᬦᬶᬃᬫ᭄ᬫᬵᬮᬵ᭞ᬳᬯᬸᬦᬾᬤᬶᬢᬸᬓᬜᬸᬤᬂᬵ᭞ᬫᬳᭂᬫ᭄ᬩᬄᬮᬯᬸᬢ᭄ᬓᬧᬲᬶᬄ᭞ᬲᬕᬾᬢᭂᬦ᭄ᬲᬜ᭄ᬚᭂ᭞ᬲᬬᭀᬗᬾᬢ᭄ᬓᭂᬜᬧᬸᬳᬶᬦ᭄᭟ᬇᬲᬶᬮᬤ᭄ᬭᬶ
ᬭᬭᬶᬲ᭄ᬢᬸᬮᬓ᭄ᬓᬧᬲ᭄ᬭᬫᬦ᭄᭞ᬲᬢᬶᬦ᭄ᬤᬓ᭄ᬚᬗ᭄ᬕᭂᬮ᭄ᬫᬦᭀᬮᬶᬄ᭞ᬧ᭄ᬚᬮᬦᬾᬓᬫ᭄ᬩᬂᬓᬸᬫ᭄ᬩᬵᬂ᭞ᬲᬢ᭄ᬓᬦᬾᬤᬶᬧᬲ᭄ᬭᬫᬦ᭄᭞ᬤᬧᭂᬢᬂᬧ᭄ᬬᬦᬓᬾᬗ᭄ᬮᬶᬂ᭞ᬢᬹᬃᬓᬘᬗ᭄ᬓ᭄ᬭᬶᬫᬂ᭞ᬳᬦ᭄ᬢᬸᬓ᭄ᬳᬶᬤᬵᬲᬂᬩ᭄ᬬᬚᬶ
᭟ᬳᬶᬲᬶᬮᬤ᭄ᬭᬶᬓᬗᭂᬦ᭄ᬫᬦᬳᬾᬗᬦ᭄ᬢᭂᬦᬂ᭞ᬭᬭᬶᬲ᭄ᬫᬳᬢᬹᬃᬩᬓ᭄ᬢᬶ᭞ᬲᬶᬗ᭄ᬕᬶᬄᬭᬢᬸᬲᬲᬸᬳᬸᬦᬦ᭄᭞ᬫᬶᬢᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬗᬚᬓ᭄᭞ᬧᬜ᭄ᬭᭀᬯᬦ᭄ᬥᬸᬯᬾᬦᬾᬫᬮᬶᬢ᭄ᬇᬤᭂᬳᭂᬫ᭄ᬧᬸᬗᬦ᭄ᬥᬶᬓᬵᬳ᭄ᬬ
ᬵᬩ᭄ᬥᬓ᭄ᬭᬡᬵᬫᬗ᭄ᬮᬶᬂ᭟ᬦᬄᬦᬾᬚ᭄ᬫᬓ᭄ᬚᬮᬦ᭄ᬳᬮ᭄ᬬᬂᬬᬵᬅᭂᬫ᭄ᬧᭂᬳᬦ᭄᭞ᬳᬧᬂᬳ᭄ᬬᬲᬸᬳᬸᬤ᭄ᬫᬗ᭄ᬮᬶᬂ᭞ᬇᬲᬶᬮᬤ᭄ᬭᬶᬫᬗᬶᬭᬶᬗᬵᬂ᭞ᬧ᭄ᬥᬡ᭄ᬥᬵᬭᬭᬶᬲ᭄ᬫᭂᬫᬃᬕᬵ᭞ᬓᬳᬚᬓ᭄ᬧᬦᬓᬾᬘ᭄ᬦᬶᬓ᭄᭞ᬮᬢ᭄ᬗᬳᬶᬂ
Kaca:Bali-lontar-gaguritan-dukuh-suladri-04-350ppi.pdf/12
Kaca puniki sampun kauji-wacén
