[᭑᭔14B]
᭑᭔
ᬢ᭄ᬯᬄᬫ᭄ᬓᬤᬂᬵ᭞ᬲᬮ᭄ᬯᬶᬃᬭᬶᬂᬫ᭄ᬢᬸᬤᬶᬕᬸᬫ᭄ᬫᬶ᭞ᬬᬤᬶᬦ᭄ᬳᬤᬵᬲᭂᬗ᭄ᬓᬮᬵ᭞ᬳ᭄ᬤᬵᬩᬜᬗ᭄ᬮᬾᬬᬂ᭞ᬳ᭄ᬤᬵᬘᬳᬶᬇᬭᬶᬭᬸᬦ᭄ᬢᬶᬓ᭄᭞ᬬᬦ᭄ᬘᬳᬶᬳᭀᬮᬲ᭄᭞ᬢᬺᬲ᭄ᬦᬵᬧ
ᬫᬍᬲ᭄ᬧᬗ᭄ᬕᬶᬄ᭟ᬇᬰᬶᬮᬤ᭄ᬭᬶᬓ᭄ᬱᭂᬓᬂᬢᬦ᭄ᬫᬭᬶᬜᬸᬫ᭄ᬩᬄ᭞ᬳᭂᬫ᭄ᬧᬸᬤᬶᬩ᭄ᬬᬗ᭄ᬯᬭᬳᬶᬦ᭄᭞ᬫᬦ᭄ᬢ᭄ᬭᬵᬧᬗᬓ᭄ᬲᬫᬦ᭄᭞ᬧ᭄ᬗᬰᬶᬄᬲᬃᬯ᭄ᬯᬵᬫᬫ᭄ᬩᭂᬓᬦ᭄᭞ᬳᭂᬦ᭄ᬢᭀᬕ᭄ᬮ
ᬭᬂᬲᬳᬶᬲᬳᬶ᭞ᬫᭀᬫᭀᬤ᭄ᬭᭀᬯᬓᬦᬾᬓᬸᬢ᭄ᬣᬂᬵ᭞ᬩ᭄ᬯᬶᬦ᭄ᬳᭂᬤᬵᬫᭂᬫ᭄ᬫᬢᬶᬫᬢ᭄ᬣᬶ᭟ᬳᬧᬦ᭄ᬳᭂᬦ᭄ᬢᭀᬢᬶᬗ᭄ᬓᬄᬲᬲᬃᬚ᭄ᬮᬾᬧᬶᬲᬦ᭄᭞ᬳᬲᬶᬂᬗᭂᬦᭀᬢ᭄ᬕᭂᬤᭂ
ᬕ᭄ᬕᭂᬢ᭄ᬣᬶᬂ᭞ᬬᬵᬕᭂᬤᭂᬕ᭄ᬢᬶᬫ᭄ᬧᬮ᭄ᬜᬵ᭞ᬳᭂᬦ᭄ᬢᭀᬳᬶᬗᭂᬢ᭄ᬣᬵᬂᬤᬶᬳᬯᬓ᭄᭞ᬇᬢᬺᬲ᭄ᬦᭃᬫᬢᬶᬫ᭄ᬧᬮ᭄ᬳᬰᬶᬄ᭞ᬬᬦ᭄ᬩᬶᬲᬵᬳᭀᬮᬲ᭄᭞ᬚᬯᬢ᭄ᬭᬶᬂᬩᬸᬭᭀᬦᬾᬢ᭄ᬯᬶ
[᭑᭕15A]
᭟ᬬᬤᬶᬦ᭄ᬩᬸᬭᭀᬦ᭄ᬩᬶᬱᬬᬵᬫᬰᬶᬄᬗᬺᬱᭂᬧᬂᬵ᭞ᬫᬦᬫ᭄ᬧᬶᬳᬦᬓ᭄ᬳᬰᬶᬄ᭞ᬓᬾᬯᬮᬵᬩᬶᬦᬵᬫᬶᬜᬶᬦ᭄ᬜᬵ᭞ᬧᬗ᭄ᬭᬲᬦ᭄ᬜᬵᬦᬾᬢᬸᬗ᭄ᬕᬮ᭄᭞ᬫᬓ᭄ᬭᬡ᭄ᬦᬵ᭞ᬤ
ᬤᬶᬳᬚᬳᬶᬦ᭄᭞ᬳᬧᬦ᭄ᬲᬲᬭᬦ᭄ᬚᬤ᭄ᬫᬵ᭞ᬓᬾᬢᭀᬢᬢ᭄ᬯᬦ᭄ᬜᬵᬦᬾᬚᬢ᭄ᬣᬶ᭟ᬦᬄᬦᬾᬩᬧᬵᬚᬦᬶᬫᬗᬶᬤᬶᬄᬢᬸᬮᬸᬗᬦ᭄᭞ᬭᬶᬂᬓᬶᬤᬂᬩᬸᬭᭀᬦᬾᬲᬫ᭄ᬫᬶ
᭞ᬗᬶᬤᬶᬄᬬᬾᬄᬳᭂᬫ᭄ᬧᭂᬳᬦ᭄᭞ᬭᬭᬶᬲ᭄ᬫᬮᬶᬄᬫᬗᬦ᭄ᬤᬶᬓᬵ᭞ᬗᬦ᭄ᬤᬶᬓᬳᬭᬸᬫ᭄ᬫᬵᬫᬦᬶᬲ᭄᭞ᬪᬨᬗᬶᬤᬶᬄᬧ᭄ᬬᬦᬓ᭄᭞ᬳᬧᬂᬲᬶᬤᬵᬦᬹᬫᬳᬸᬭᬶᬧ᭄᭟
ᬦᬄᬳᭀᬮᬲᬶᬦ᭄ᬦᬾᬦᬓ᭄ᬘ᭄ᬭᬶᬓ᭄ᬓᬦ᭄ᬭᬓᬦ᭄᭞ᬫᬾᬫᬾᬦ᭄ᬜᬦᬾᬗ᭄ᬮᬳᬶᬦ᭄ᬫᬵᬢ᭄ᬣᬶ᭞ᬱᬜᭀᬜᭀᬯᬶᬦ᭄ᬳᭂᬫ᭄ᬧ᭄ᬯᬂ᭞ᬩᬸᬭᭀᬦᬾᬧᬤᬦᬶᬗᭂᬳᬵᬂ᭞ᬇᬲᬶᬗ
Kaca:Bali-lontar-gaguritan-dukuh-suladri-03-400ppi.pdf/15
Kaca puniki sampun kauji-wacén
