Kaca:Bali-lontar-gaguritan-dharmmawisesa-02-350ppi.pdf/57

Saking Wikisource
Kaca puniki sampun kauji-wacén

[᭕᭖ 56B]
ᬢᬾᬦ᭄ᬤ᭄ᬭᬶᬬᬢᬲᬶᬭ᭞ᬳᬲᬶᬄᬭᬶᬂᬯ᭄ᬯᬢᬸᬫᬸᬯᬸᬄ᭞ᬳᬶᬓᬵᬚᬮᬦ᭄ᬓᬧᬶᬂᬭ᭄ᬯᬵ᭟ᬧᬫᬃᬕ᭄ᬕᬶᬳᬶᬓᬂᬓᬧᬶᬂᬢ᭄ᬭᬶ᭞ᬢᬦ᭄ᬧ᭄ᬕᬢ᭄ᬫᬲᬥᬦᬥᬃᬫ᭄ᬫᬵ᭞ᬧᬭᬶᬧᬹᬃᬡ᭄ᬦᬧᬫᬃᬕ᭄ᬕᬦᬾ᭞ᬲᬓᬶᬂᬳ
ᬬᬸᬗᬃᬤ᭄ᬥᬶᬅᬃᬣ᭞ᬫᬸᬓ᭄ᬢᬶᬯᬶᬱᬬᬵᬭᬶᬂᬭᬩ᭄ᬬᬵ᭞ᬲᬫᬶᬲᬓᬶᬂᬥᬃᬫ᭄ᬫᬵᬳᬭᬸᬲ᭄᭞ᬢᬦ᭄ᬲᬗ᭄ᬓᬦᬶᬂᬧᬭᬶᬭᭀᬱ᭟ᬫᬶᬯᬄᬫᬬᬚ᭄ᬜᬳᬲ᭄ᬢᬶᬢᬶ᭞ᬢᬦ᭄ᬲᬄᬳᬫᬹᬚᬭᬶᬂᬤᬾᬯ᭞
ᬭᬶᬂᬧᬶᬢ᭄ᬭᬍᬯᬶᬄᬧᬸᬚᬦᬾ᭞ᬧᬸᬧᬸᬢ᭄ᬲᬫᬶᬓᬳᬢᬹᬭᬦ᭄᭞ᬨᬮᬦ᭄ᬚᬦ᭄ᬫᬵᬧᬸᬦᬶᬓᬵ᭞ᬫᬗ᭄ᬓᬶᬦ᭄ᬲᬸᬓᬦᬾᬓᬧᬗ᭄ᬕᬸᬄ᭞ᬢᬦ᭄ᬧ᭄ᬕᬢ᭄ᬓᬬᬂᬓᬯ᭄ᬓᬲ᭄᭟ᬓᬧᬶᬂᬧᬢᬾᬯ᭄ᬯᬂ
ᬢᬦ᭄ᬧᬵᬚᬶ᭞ᬦᭀᬭᬵᬢᬧᬢᬦ᭄ᬧᬫᬹᬚ᭞ᬦᭀᬭᬬᬚ᭄ᬜᬫ᭄ᬯᬄᬢᬦ᭄ᬩᬭᬾᬲ᭄᭞ᬓᬂᬕᬶᬦᬯᬾᬫᬦ᭄ᬥᬩᬕ᭄ᬬ᭞ᬢᬶᬯᬲ᭄ᬮᬸᬤ᭄ᬢᬦ᭄ᬧᬕᬸᬡ᭞ᬲᬂᬲᭀᬮᬳᬂ
[᭕᭗ 57A]
ᬤ᭄ᬭᬲᬦᬾᬧᬵᬢᬹᬢ᭄᭞ᬫᬜᬮᬦᬂᬤᬾᬦᬶᬂᬢᬶᬯᬲ᭄᭟ᬮᬶᬯᬢ᭄ᬮᬘᬸᬃᬓᬸᬘᬧ᭄ᬫᬢᬶ᭞ᬓᬾᬢᭀᬫᬲᬶᬄᬳᬶᬓᬂᬤᬾᬰ᭞ᬦᬵᬕᬭᬮᬦ᭄ᬯᬯᭂᬗ᭄ᬓᭀᬦᬾ᭞ᬧᬸᬦᬶᬓᬬᬦ᭄ᬢ
ᬦ᭄ᬧᬭᬢ᭄ᬯᬵ᭞ᬫᬲᬶᬄᬫᬢᬶᬳᬭᬦ᭄ᬬ᭞ᬫᬗ᭄ᬓᬵᬧᬶᬢ᭄ᬭᬢᬃᬧ᭄ᬧᬡᬾᬓᬸ᭞ᬲᬮ᭄ᬯᬶᬭᬶᬂᬳᬫᬹᬚᬵᬧᬶᬢ᭄ᬭ᭟ᬬᬦ᭄ᬢᬦ᭄ᬲᬂᬲ᭄ᬭᬾᬢ᭄ᬭᬶᬬᬫᬗᬚᭂᬗᬶᬦ᭄᭞ᬢ᭄ᬕᭂᬲᬾᬲᬂᬢᬢ
ᬲᬶᬂᬯᬾᬥ᭞ᬫᬢᬶᬚᬸᬕᬳᬭᬦᬾ᭞ᬫᬗ᭄ᬓᬦᬳᬶᬓᬦᬂᬬᬚ᭄ᬜᬵ᭞ᬬᬦᬶᬂᬢᬦ᭄ᬧᬥᬓ᭄ᬱᬶᬡ᭞ᬢᬍᬃᬫᬢᬶᬗᬭᬦᬶᬧᬸᬦ᭄᭞ᬲᬫᬶᬦᭀᬭᬲᬶᬤ᭄ᬥᬵᬓᬃᬬ᭄ᬬ᭟
ᬳᬦᬯ᭄ᬯᬂᬤᬭᬶᬤ᭄ᬭᬫᬮᬶᬄ᭞ᬢᬦ᭄ᬧᬵᬢᬹᬢᬶᬂᬧᬮᬓ᭄ᬱᬡ᭞ᬗᬫᬃᬕ᭄ᬕ᭄ᬬᬂᬲᬮ᭄ᬯᬶᬃᬧᬧᬦᬾ᭞ᬬᬾᬓᬪᬾᬓ᭄ᬱᬦᬶᬂᬳᬪᬾᬓ᭄ᬱ᭞ᬓ᭄ᬮᬾᬱᬦᬶᬂᬳᬓ᭄ᬮᬾ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-dharmmawisesa-02-350ppi.pdf/57&oldid=31456"