Kaca puniki sampun kauji-wacén
[᭙᭕95B]
᭙᭕
ᬯᬶᬰᬾᬱᬢᬸᬳᬸ᭞ᬳᬶᬘ᭄ᬘᬵᬗᬯᭂᬢ᭄ᬯᬂᬓᬢᬺᬱ᭄ᬡᬦ᭄᭟ᬢᬺᬱ᭄ᬡᬦᬾᬗᬤᬓᬂᬳᬮ᭞ᬫᬧ᭄ᬯᬭᬕ᭄ᬤᭂᬕ᭄ᬮᬦᬯ᭄ᬤᬶ᭞ᬤ᭄ᬫᭂᬦ᭄ᬜᬦᬾᬭᬶᬂᬢᬦ᭄ᬥᬃᬫ᭄ᬫ᭞ᬚᭂᬚᭂᬄᬤᬤ᭄ᬬᬵ
ᬧᬧᬧᬗ᭄ᬕᬶᬄ᭞ᬬᬦ᭄ᬢᬺᬱ᭄ᬡᬦᬾᬗᭂᬮᬶᬮᬶᬢ᭄᭞ᬓᬳᬸᬬᭂᬂᬢᬸᬃᬲᬮᬄᬲᭂᬗ᭄ᬕᬸᬄ᭞ᬦᭂᬲᭂᬓᬶᬦ᭄ᬲᬃᬯ᭄ᬯᬪᭀᬕ᭞ᬓᬢᭀᬦ᭄ᬗᭂᬜᬸᬤᭂᬜᬸᬤᬶᬦᬢᬶ᭞ᬓᬤᬶᬯ᭄ᬥᬸ
ᬲ᭄᭞ᬩᬭᬢ᭄ᬩᭂᬳᬭᬶᬢ᭄ᬤᭀᬢ᭄ᬭᬶᬂᬧᬥᬂ᭟ᬳᬦᭀᬫ᭄ᬕᬶᬦᬦ᭄ᬢᬶᬦᬶᬂᬢ᭄ᬯᬵ᭞ᬓᬾᬢᭀᬧ᭄ᬥᬸᬫᬾᬓᬢᬫ᭄ᬧᬶ᭞ᬳᬦᬾᬯᬭᬲ᭄ᬤᬤᬶᬳᬮᬭ᭞ᬲᬧᬸᬦᬶᬓᬢᬶᬓᬂᬳᬸᬭᬶ
ᬧ᭄᭞ᬫᭂᬲᭂᬄᬬᬤᬤᬶᬫᬢᬶ᭞ᬧᬶᬢᬺᬱ᭄ᬡᬦᬾᬦᭀᬭᬓᬦ᭄ᬢᬸᬦ᭄᭞ᬬᬦ᭄ᬫᬢᬶᬫᬶᬮᬸᬳᬶᬮᬂ᭞ᬳᬧᬦ᭄ᬧᭂᬥᬸᬫ᭄ᬲᬂᬳ᭄ᬬᬂᬯᬶᬥᬶ᭞ᬳᬮᬳᬬᬸ᭞ᬳᬦᬾᬳᬦ
[᭙᭖96A]
ᬦᭀᬭᬳ᭄ᬬᬵ᭟ᬓᬢᭀᬦ᭄ᬚᬦ᭄ᬫᬵᬢᬶᬓᬂᬢ᭄ᬯ᭞ᬕᬶᬕᬶᬳᭀᬕᬾᬮ᭄ᬲᬸᬩᬕᬜ᭄ᬚᬶᬄ᭞ᬭᬫ᭄ᬩᬸᬢ᭄ᬭᬸᬭᬸᬢ᭄ᬮᬲ᭄ᬳᬸᬩᬦ᭄᭞ᬓᬭᬶᬢᬺᬱ᭄ᬡᬵᬫᬭᬾᬂᬳᬸᬭᬶᬧ᭄᭞
ᬢ᭄ᬓᬾᬦ᭄ᬓᬲᬸᬕ᭄ᬬᬦ᭄ᬫᬮᬶᬄ᭞ᬦᭀᬭᬋᬋᬤ᭄ᬓᬭᬶᬓᬸᬓᬸᬄ᭞ᬲᬂᬳᬕᭂᬂᬢᬺᬱ᭄ᬡᬵᬦᬶᬭ᭞ᬦᭀᬭᬲᬶᬤ᭄ᬥᬵᬩᬦ᭄ᬗᭂᬩᭂᬓᬶᬦ᭄᭞ᬓᬤᬶᬮᬳᬸᬢ᭄᭞ᬢᬸᬲᬶᬂᬢᬳᬾᬦ᭄
ᬩᭂᬓ᭄ᬫᬮ᭄ᬯᬩ᭄᭟ᬓᬯᬶᬢᬺᬱ᭄ᬡᬵᬦᬾᬳᬕᭂᬗᬶᬂ᭞ᬓᬲᬸᬓᬦᬾᬫᬗᬚᬓᬶᬦ᭄᭞ᬓᬤᬶᬍᬫ᭄ᬩᬸᬬᬦᬸᬧᬫ᭞ᬳᬯᬓ᭄ᬮᬯᬦ᭄ᬢᬦ᭄ᬤᬸᬓ᭄ᬲᬳᬶᬄ᭞ᬗᬜ᭄ᬘᬦᬕᭂᬂᬳ
ᬯᬓᬶᬲᬫ᭄ᬧᬶ᭞ᬲᬬᬦ᭄ᬧᬜ᭄ᬚᬂᬢᬦ᭄ᬤᬸᬓᬶᬧᬸᬦ᭄᭞ᬫᬗ᭄ᬓᬦᬢᬾᬓᬂᬢᬺᬱ᭄ᬡᬵ᭞ᬤᬶᬫᭂᬦ᭄ᬢᭂᬓᬾᬬᬧᬸᬗ᭄ᬕᭂᬮᬶᬦ᭄᭞ᬳᬧᬦᬶᬧᬸᬦ᭄᭞ᬫᬨᬮᬬᬧᬧᬦ᭄ᬭᬓ᭟
