[᭘᭘ 88B]
᭘᭘
ᬦᭂᬂᬮᬸᬫᬭᬶᬲ᭄᭞ᬕᬦ᭄ᬢᭀᬲᬫᬓᬫᬦ᭄ᬩᬭᬸ᭞ᬳᬕᬦ᭄ᬢᭀᬲ᭄ᬮᬧᬶᬲ᭄ᬳᬾᬗ᭄ᬕᬮ᭄᭞ᬲᬸᬭᬸᬧ᭄ᬢᬸᬯᬳᬦᬾᬫ᭄ᬲᬓᬶᬂ᭞ᬳᬫᬶᬢᬸᬭᬸᬢ᭄ᬮᬮᬸᬳᬹᬃᬧᬥᬸᬓᬚᬯ᭟ᬓᬂᬳᬕᬫᬶᬩᬸᬤ᭄ᬥᬶᬩᬸᬤ᭄ᬥ᭞ᬓᭂᬤᬄᬘᭂᬢᬲᬳᬤᬢᬶᬂ᭞ᬬᬾᬦ᭄ᬢᬦ᭄ᬘᭂᬢᬵ
ᬲᬄᬤᬢᬶᬭ᭞ᬜ᭄ᬚᭂᬮ᭄ᬫᬤᬤᭀᬲ᭄ᬭᬚᬲᬸᬕᬶᬄ᭞ᬩᬦ᭄ᬤᬶᬦ᭄ᬢᭂᬦ᭄ᬤᬾᬦ᭄ᬕᭂᬩᬕᬶ᭞ᬮᬦ᭄ᬤᬾᬦ᭄ᬢᭂᬤᬶᬳᬸᬮᬫᬶ᭠ᬧᬸᬦ᭄᭞ᬮᬫᬸᬦ᭄ᬲᭂᬦᭂᬂᬢᬦ᭄ᬓᬾᬲᬄ᭞ᬗᬤᬢᭀᬦᬓᬸᬩᬸᬃᬩᬸᬫᬶ᭞ᬳᬫᬶᬢᬸᬭᬸᬢ᭄ᬲᬭᬾᬗᬢ᭄ᬦᬵᬪᬶᬫᬸᬳᬫᬵᬤ᭄
᭟ᬯᬚᬶᬩᬾᬫᬦᬸᬱᬧᭂᬚᬄ᭞ᬮᬬᭀᬦᬾᬧᬶᬦᭂᬦ᭄ᬤᭂᬫ᭄ᬫᬸᬫᬶ᭞ᬯᬗ᭄ᬲᬸᬮ᭄ᬫᬦ᭄ᬢᬸᬓᬫ᭄ᬭᬶᬂᬳᬲᬮ᭄᭞ᬳᬲᬮ᭄ᬲᬶᬢᬶᬫᬵᬦ᭄ᬢᬸᬓ᭄ᬲᬶᬢᬶ᭞ᬲᬮ᭄ᬖᭂᬦᬶᬫᬦ᭄ᬢᬸᬦ᭄ᬳᬧᬶ᭞ᬩᬭᬢ᭄ᬯᬗ᭄ᬲᬸᬮ᭄ᬳᬗᬶᬦᬶᬧᬸᬦ᭄᭞ᬩᬜᬸᬯᬗ᭄ᬲᬸᬮᬢᭀᬬ᭞ᬓᬂᬲᬸᬯᬸᬂᬯᬂᬲᬸ
ᬮᬲᭂᬧᬶ᭞ᬥᬢᭂᬂᬕᬳᬶᬩ᭄ᬓᬂᬯᬸᬚᬸᬤ᭄ᬢᬶᬮᬭᬳᬭᬦ᭄᭟ᬢᬶᬮᬭᬳᬭᬦ᭄ᬢᬸᬮᬶᬲᬦ᭄᭞ᬢᬶᬮᬲᬦ᭄ᬧᬦ᭄ᬤᬫᭂᬮ᭄ᬩᭂᬘᬶᬓ᭄᭞ᬤᬤᭀᬲᬢᭂᬧᬢᬸᬮᬤ᭞ᬳᬶᬂᬧᬸᬢ᭄ᬭᬯᬬᬄᬳᬶᬂᬯᬶᬗ᭄ᬓᬶᬂ᭞ᬫᬶᬮᬯᬚᬶᬩ᭄ᬗᬯ᭄ᬭᬸᬳᬶ᭞ᬲᬳ᭄ᬤᬢ᭄ᬓᬓᬮᬶᬧᬸᬦᬶᬓᬸ᭞
[᭘᭙ 89A]
ᬤᬶᬗᬶᬦ᭄ᬲᬤᬢ᭄ᬲᬭᬾᬗᬢ᭄᭞ᬮᬦ᭄ᬲᬤᬢ᭄ᬧᬗᬼᬩᬹᬃᬤᬶᬭᬶ᭞ᬯᬱ᭄ᬝᬦᬶᬧᬸᬦ᭄ᬲᬤᬢ᭄ᬓᬂᬢᬦ᭄ᬧᬮᬯᬦᬦ᭄᭟ᬲᬤᬢ᭄ᬧᬾᬮᬶᬂᬯᬱ᭄ᬝᬦᬶᬭ᭞ᬫᬸᬂᬜᬸᬗ᭄ᬓᭂᬫᬶᬲᬸᬧᬾᬳᬾᬮᬶᬂ᭞ᬬᬾᬦ᭄ᬲᬧᬾᬫᬦᬸᬱᬦᬶᬭ᭞ᬬᭂᬓ᭄ᬢᬶᬲᬾᬤᬜᬩᬶᬮ᭠
ᬳᬶ᭞ᬦᬲᬃᬫᬜ᭄ᬚᬶᬂᬬᬸᬫᬦᬶ᭞ᬬᬾᬦ᭄ᬳᬾᬮᬶᬂᬫᬦᬸᬱᬦᬶᬧᬸᬦ᭄ᬫᬸᬮ᭄ᬬᬢᬦ᭄ᬧᬳᬦ᭄ᬢᬭ᭞ᬳᬶᬂᬳᬯᬮ᭄ᬧ᭄ᬭᬧ᭄ᬢ᭠ᬦᬾᬗᬓᬶᬃ᭞ᬤᬢᬦᬾᬯᬄᬓᬧ᭄ᬭᬪᭀᬦ᭄ᬧᬥᬸᬓᬦᬵᬣ᭟ᬢᭂᬢᭂᬧᬶᬂᬳᬮᬫᬾᬮᬫ᭞ᬓᬲᭂᬩᬸᬢ᭄ᬤᬮᬶᬮ᭄ᬓᬸᬭᬵᬡᬶ᭞
ᬳᬮᬶᬧ᭄ᬮᬫ᭄ᬫᬶᬦ᭄ᬤᬮ᭄ᬮᬶᬓᬮ᭄ᬮᬵ᭞ᬓᬶᬢᬩᬸᬮ᭄ᬭᬳᬾᬩᬧᬫᬶ᭞ᬮᬭᬳᬸᬤᬦ᭄ᬮᬶᬮ᭄ᬫᬸᬢ᭄ᬓᬶᬫ᭄᭞ᬯᬮᬤᬶᬦᬢᭂᬕᭂ᭠ᬲᬶᬧᬸᬦ᭄᭞ᬳᬮᬶᬧ᭄ᬧᬸᬦᬶᬓᬰᬲ᭄ᬢ᭄ᬭ᭞ᬳᬸᬭᬶᬧ᭄ᬩᭀᬢᭂᬦ᭄ᬓᬾᬗᬶᬦ᭄ᬧᬢᬶ᭞ᬮᬫᬶᬮᬫᬶᬫᬸᬂᬗᬗ᭄ᬕᬾᬳᬮᬫᬾᬮᬫ᭟ᬳ᭠
ᬮᬫᬾᬮᬫ᭄ᬫᬶᬦ᭄ᬤᬮ᭄ᬮᬶᬓᬮ᭄᭞ᬬᬾᬦ᭄ᬯᬸᬭᬸᬜᭂᬗ᭄ᬓᬮ᭄ᬓᬂᬯᬤᬶ᭞ᬢᭂᬕᭂᬲᬶᬧᬸᬦ᭄ᬓᬶᬢᬩᬸᬮ᭄ᬮ᭄ᬲ᭄᭞ᬦᬢᬩ᭄ᬫᬼᬩᬸᬳᬮᬯᬤᬶ᭞ᬢᭂᬕᭂᬲᬾᬭᬳᬾᬩᬧᬶ᭞ᬭᬳᬩᬓᬂᬗᬗ᭄ᬕᬾᬲᬵᬫ᭄ᬧᬹᬃ᭞ᬳᬸᬤᬦ᭄ᬮᬶᬫᬸᬢ᭄ᬢᬓᬶᬫ᭞ᬬᬾᬦ᭄ᬯᬸᬲ᭄ᬯᬤᬚᬮᬸ᭠
Kaca:Bali-lontar-gaguritan-dharmma-gandul-300ppi.pdf/89
Kaca puniki sampun kauji-wacén
