[᭗᭙ 79B]
᭗᭙
ᬓᬲᬭᬸᬳᬶᬂᬧ᭄ᬭᬧ᭄ᬢᬦᬶᬭ᭞ᬲᬸᬦᬦ᭄ᬓᬮᬶᬳᬗᬪᬓ᭄ᬢᬶ᭞ᬲᬸᬫᬸᬗ᭄ᬓᭂᬫ᭄ᬧᬤᬲᬂᬦᬵᬣ᭞ᬗᬦ᭄ᬤᬶᬓᬰ᭄ᬭᬷᬦᬭᬧᬢᬶ᭞ᬳᬾᬄᬲᬳᬶᬢ᭄ᬲᬶᬭᬧ᭄ᬭᬧ᭄ᬢᬶ᭞ᬳᬧᬓᬵᬃᬬ᭄ᬬᬫᬸᬓᬂᬧᬺᬮᬸ᭞ᬦᬸᬢᬸᬢᬶᬳᬶᬂᬫᬦᬶᬭ᭞ᬳᬸᬫᬵᬢᬹᬃᬚᭂᬂᬲᬸᬦᬦ᭄ᬓᬮᬶ᭞ᬧ᭄ᬭᬧ᭄ᬢᬳᬸ
ᬮᬸᬦ᭄ᬓᬤᬸᬢᬧᬸᬢ᭄ᬭᬧᬤᬸᬓ᭟ᬦᬸᬯᬸᬦ᭄ᬫᬤᭀᬲᬶᬧᬥᬸᬓ᭞ᬓᬧᬗ᭄ᬕᬶᬳᬧᬸᬦ᭄ᬤᬶᬧᬸᬦ᭄ᬤᬶ᭞ᬳᬶᬂᬲᭂᬫ᭄ᬩᬄᬲᬸᬗ᭄ᬓᭂᬫ᭄ᬓᭀᬜ᭄ᬚᬸᬓ᭞ᬳᬶᬂᬧᬤᬧᬥᬸᬓᬳᬚᬶ᭞ᬳᬦᬸᬳᬸᬦ᭄ᬧᬗᬓ᭄ᬱᬫᬶ᭞ᬲᬤᬬᬓᬼᬧᬢᬦᬶᬧᬸᬦ᭄᭞ᬓᬫᬶᬧᬸᬭᬸᬦ᭄ᬳᬗᬺ
ᬩᬢ᭄᭞ᬓᬧ᭄ᬭᬪᭀᬦ᭄ᬧᬥᬸᬓᬳᬚᬶ᭞ᬳᬶᬗ᭄ᬕᬶᬄᬲᬓᬶᬂᬓᬮᬶᬫ᭄ᬧᬸᬢ᭄ᬬᬲ᭄ᬧᬸᬗ᭄ᬕᬸᬂᬫᬸᬤ᭄ᬥ᭟ᬓᬶᬭᬂᬧ᭄ᬭᬶᬓ᭄ᬱᬢᬢᬵᬓ᭄ᬭᬫ᭞ᬓᬲᭂᬂᬲᭂᬫ᭄ᬲᬗᭂᬢ᭄ᬓᬧᬾᬗᬶᬦ᭄᭞ᬫᭂᬗ᭄ᬓᬸᬧ᭄ᬭᬚᬳᬗ᭄ᬭᬾᬄᬯᬤ᭄ᬬ᭞ᬲᬶᬦᬶᬯᬶᬧᬭᬪᬸᬧᬢᬶ᭞ᬫᬗ᭄ᬓ᭄ᬬ
ᬧᬸᬢ᭄ᬭᬲᬂᬳᬚᬶ᭞ᬭᬸᬫᬳᭀᬲᬶᬂᬍᬧᬢᬶᬧᬸᬦ᭄᭞ᬤᬃᬩᬾᬩᬧᬢᬹᬃᬭᬚ᭞ᬭᬢᬸᬳᬕᬸᬂᬜᬓ᭄ᬭᬯᬢᬶ᭞ᬳᬜᭂᬗ᭄ᬓᬵᬓᭂᬦ᭄ᬲᬶᬂᬳᬦ᭄ᬤᬋᬧᬭᬶᬂᬧᬗᬦ᭄᭟ᬳᬶᬂᬥᭂᬫᬓ᭄ᬦᬫᬤᬶᬧᬢ᭄ᬬ᭞ᬢᭂᬫᬄᬓᬮᬶᬫ᭄ᬧᬸᬢᬶᬂᬕᬮᬶᬄ᭞
[᭘᭐ 80A]
ᬗᬺᬩᬢ᭄ᬧ᭄ᬭᬚᬳᬫ᭄ᬭᬶᬄᬲᬾᬤ᭄ᬥ᭞ᬢᬗ᭄ᬳᬾᬄᬫᬍᬲᬧ᭄ᬭᬬᭀᬕᬶ᭞ᬳᬶᬂᬲᬶᬄᬧᬥᬸᬓᬕᬸᬲ᭄ᬢᬶ᭞ᬫᬗ᭄ᬓ᭄ᬬᬧᬸᬢ᭄ᬭᬥᬍᬫ᭄ᬳᬾᬫᬸᬢ᭄᭞ᬤᬵᬃᬩᬾᬩᬧᬢᬹᬃᬭᬵᬚ᭞ᬭᬢᬸᬳᬕᬸᬂᬜᬓ᭄ᬭᬯᬵᬃᬢ᭄ᬣᬶ᭞ᬲᬄᬲᬶᬂᬧ᭄ᬭᬚᬢᬦ᭄ᬤᬸᬫᬸᬦᬸᬂᬧᬺᬡ
ᬳᬶᬭ᭟ᬭᬸᬫᬯᭀᬲ᭄ᬫᬗ᭄ᬕᬶᬄᬤᬤᬸᬓ᭞ᬫ᭄ᬭᬶᬂᬓᬂᬓᬵᬃᬬ᭄ᬬᬩᬸᬫᬶᬮᬗᬶᬢ᭄᭞ᬫᬶᬮᬓᬳᬸᬮᬤᬶᬦᬹᬢᬵ᭞ᬫ᭠ᬤᭀᬲᬶᬧᬥᬸᬓᬕᬸᬲ᭄ᬢᬶ᭞ᬓᬧᬗ᭄ᬕᬶᬄᬧᬸᬦ᭄ᬤᬶᬧᬸᬦ᭄ᬤᬶ᭞ᬧᬥᬸᬓᬗᬢᬸᬭᬦ᭄ᬓᬸᬦ᭄ᬤᬸᬃ᭞ᬭᬢᬸᬳᬶᬂᬫᬚᬍᬗ᭄ᬓ᭞ᬢᭂᬢᭂᬧᬓᬤ᭄ᬬᬳᬶᬂᬗᬹ᭠
ᬦᬶ᭞ᬫᭂᬗ᭄ᬓᬸᬧ᭄ᬭᬚᬲᬶᬦᬶᬯᬶᬧᬭᬧᬸᬗ᭄ᬕᬯ᭟ᬳᬯᬾᬢᬓᬶᬓᬵᬃᬬ᭄ᬬᬚᬶᬫᬢ᭄᭞ᬧᬶᬦᬸᬦ᭄ᬤᬶᬧᬸᬦ᭄ᬤᬶᬧ᭄ᬭᬲᬶᬯᬶ᭞᭠ᬯᬬᬄᬩᬸᬬᬸᬢ᭄ᬧ᭄ᬭᬲᬦ᭄ᬢᬦ᭞ᬓᬶᬦᬹᬃᬫ᭄ᬫᬢ᭄ᬲᬶᬦᬸᬯᬸᬦ᭄ᬳᬶᬤᬶ᭞ᬭᬳᬬᬸᬦᬾᬳᬦᬾᬂᬩᬸᬫᬶ᭞ᬫᬦᬯᬶᬧᬥᬸᬓᬓᭀᬦ᭄ᬤᬹᬃ᭞ᬧᬸ᭠
ᬢ᭄ᬭᬧᬥᬸᬓᬧᬲ᭄ᬭᬄ᭞ᬓᬧ᭄ᬭᬪᭀᬦ᭄ᬧᬥᬸᬓᬳᬚᬶ᭞ᬧᬸᬢ᭄ᬭᬥᬍᬫ᭄ᬜᬳᭀᬲᬓᭂᬦ᭄ᬧᭂᬚᬄᬕᭂᬲᬂ᭟ᬬᬾᬦ᭄ᬧᬋᬂᬓᬵᬃᬱᬧᬥᬸᬓ᭞ᬫᬸᬂᬜᬸᬯᬸᬦ᭄ᬗᬧᬸᬢᭂᬦ᭄ᬕᬸᬲ᭄ᬢᬶ᭞ᬲᬤᬬᬦᬶᬂᬓᬍᬧᬢᬦ᭄᭞ᬮᬦ᭄ᬜᬸᬯᬸᬦ᭄ᬧᬗ᭄ᬓᬢᬾᬮᬫᬶ᭞ᬥᭂ᭠
Kaca:Bali-lontar-gaguritan-dharmma-gandul-300ppi.pdf/80
Kaca puniki sampun kauji-wacén
