Kaca puniki sampun kauji-wacén
[᭑᭒ 12B]
᭑᭒
ᬓᬉᬘᬧ᭄ᬧᬹᬭᬵᬧᬫᬸᬢ᭄ᬭᬦ᭄᭞ᬧᬢᬶᬃᬢ᭄ᬢᬬᬦ᭄ᬗᬦᭂᬫ᭄ᬰᬰᬶᬄ᭞ᬓᬢᭂᬢᭂᬧᬂᬭᬯᬸᬄᬫᬗ᭄ᬓᬶᬦ᭄᭞ᬰᬦᬶᬲ᭄ᬘᬭᬓ᭄ᬮᬶᬯᭀᬦᬸᬚᬸ᭞ᬉᬓᬸᬦ᭄ᬜᬦᬾᬓᬸᬦᬶᬗᬦ᭄
᭞ᬲᬂᬩ᭄ᬭᬳ᭄ᬫᬵᬡᬫᬗᭂᬫ᭄ᬧᭀᬦᬶᬦ᭄᭞ᬲᬓᬶᬤᬸᬫᬸᬦ᭄᭞ᬫᬓᬵᬤᬶᬭᬯᬸᬄᬓᬯ᭄ᬓᬲ᭄᭟ᬫᬮᬶᬄᬯᬾᬦ᭄ᬢᭂᬦ᭄ᬓᬮᬶᬄᬧᬸᬭᬵ᭞ᬧᬸᬲᭂᬄᬤᬍᬫ᭄ᬓᬳᭂᬫ᭄ᬧᭀ
ᬦᬶᬦ᭄᭞ᬳᬦ᭄ᬢᬸᬓ᭄ᬳᬶᬤᬵᬲᬂᬩ᭄ᬭᬳ᭄ᬫᬵᬡᬵ᭞ᬫᬸᬗ᭄ᬕ᭄ᬯᬶᬂᬤᬶᬦᬦ᭄ᬧᬸᬚᬯᬮᬶ᭞ᬭᬶᬂᬧᬸᬲᭂᬄᬩᬸᬤ᭄ᬥᬵᬫᬦᬶᬲ᭄᭞ᬫ᭄ᬥᬗ᭄ᬲ᭄ᬬᬉᬓᬸᬦ᭄ᬳᬶᬧᬸᬦ᭄᭞ᬧᬹᬚᬯᬮᬶᬤᬍ
ᬫ᭄ᬲᬾᬢᬺ᭞ᬭᬶᬓᬵᬮᬯ᭄ᬭᬲ᭄ᬧᬢᬶᬫᬦᬶᬲ᭄᭞ᬦᬾᬓᬯᬸᬯᬸᬲ᭄᭞ᬉᬓᬹᬤᬸᬗᬸᬮᬦ᭄ᬧᬸᬦᬶᬓ᭟ᬘᬭᬶᬢᬭᬶᬤᬾᬰᬩᬸᬭ᭄ᬯᬦ᭄᭞ᬯᬾᬦ᭄ᬢᭂ
[᭑᭓ 13A]
ᬦ᭄ᬕᬸᬦᬸᬂᬦ᭄ᬧᬶᬓᬗᬶᬦ᭄᭞ᬳᬶᬭᬶᬓᬫᬸᬮᬧᬢᬧᬦ᭄᭞ᬯᬾᬦ᭄ᬢᭂᬦ᭄ᬧᬸᬭᬩᬸᬓᬶᬢ᭄ᬫᬡᬶᬓ᭄᭞ᬪᬝᬵᬭᬫᬫ᭄ᬩᬮ᭄ᬫᬓᬵᬃᬤ᭄ᬥᬶ᭞ᬪᬝᬵᬭᬮᭀᬃᬦᬾᬓᬲᬸᬂᬲᬸᬂ᭞ᬧᬹᬚ
ᬯᬮᬶᬦᬾᬳᬶᬭᬶᬓ᭞ᬧᬹᬃᬡ᭄ᬦᬫᬓᬧᬢ᭄ᬓᬧᬹᬚᬶ᭞ᬲᬓᬶᬂᬤᬸᬫᬸᬦ᭄᭞ᬓᬳᭂᬫ᭄ᬧᭀᬦᬶᬦ᭄ᬭᬶᬂᬩ᭄ᬭᬳ᭄ᬫᬵᬡ᭟ᬪᬝᬵᬭᬭᬶᬂᬫᬦᭀᬯᬪᬵ᭞ᬧᬸᬢᬸᬦ᭄ᬪᬝᬵ
ᬭᬰᬓ᭄ᬢᬶ᭞ᬧᬸᬦᬶᬓᬫᬗ᭄ᬓᬶᬦ᭄ᬳᬸᬘᬧᬂ᭞ᬧᬗ᭄ᬭᬶᬧ᭄ᬢᬲᬗ᭄ᬳᬭᬩᬮᬶ᭞ᬘᬘᬗ᭄ᬓ᭄ᬭᬶᬫᬦ᭄ᬫᬫ᭄ᬤᬶ᭞ᬜᬶᬤᬬᬂᬳᬶᬤᬵᬫᬦᬸᬭᬸᬦ᭄᭞ᬓᬳᬸᬗ᭄ᬕ᭄ᬯᬦ᭄ᬥᬸᬭᬤᬃᬰᬡ
᭞ᬲᬓᬶᬂᬲᬸᬓᬳᭂᬢ᭄ᬓᬳᬓ᭄ᬱᬶ᭞ᬲᬦᬾᬤᬸᬫᬸᬦ᭄᭞ᬬᬸᬤ᭄ᬥᬦᬾᬭᬶᬂᬩ᭄ᬮᬂᬢᬗᬦ᭄᭟ᬫᬓᬵᬤᬶᬳᬶᬤᬵᬪᬝᬵᬭ᭞ᬦᬸᬚᬸᬭᬶᬕᬾᬮ᭄ᬕᬾᬮ᭄ᬫᬦᬗ᭄ᬓᬶ
