[᭕᭑ 51 B]
᭕᭑
ᬢᬦ᭄ᬮᬾᬦᬾᬦᬾᬫᬗᬸᬩᬸᬕ᭄᭞ᬦᬸᬦ᭄ᬤᬾᬦ᭄ᬗᬓᬸᬤᬾᬯ᭞ᬫᬗ᭄ᬤᬾᬦ᭄ᬩᬧᬓ᭄ᬦᭂᬳᬾᬧᬮᬶᬗ᭄᭞ᬚᬦᬶᬫᬦᬄᬢ᭄ᬬᬂᬮᬫ᭄ᬧᬸᬲ᭄᭞ᬲᬧᬮᬦ᭄ᬢ᭄ᬬᬂᬮᬘᬸᬃ᭞ᬤ᭄ᬬᬧᬶᬦ᭄ᬢ᭄ᬬᬂᬦ᭄ᬫᬸᬲᬮᬄ᭞ᬓᬤᬸᬂᬓᬾᬦᬾᬓ᭄ᬦᭂᬳᬾᬩᬸᬳᬸᬢ᭄
᭞ᬢᬦ᭄ᬢ᭄ᬬᬂᬫᬮᬶᬄᬫᬢᬸᬮᬓ᭄᭞ᬢ᭄ᬓᬾᬦᬶᬂᬳᬶᬩᭀᬢᭀᬄᬮᬭ᭟ᬧᬦ᭄ᬫᬮᬡ᭄ᬥᬂᬗᭂᬦᭂᬳᬂᬧᬵᬦᬓᬾᬧᬢᬸᬢ᭄᭞ᬳᬧᬦ᭄ᬢ᭄ᬯᬭᬵᬓᭂᬦᭂᬳ᭞ᬢᬶᬜᬓ᭄ᬢᬶᬜᬓ᭄ᬫᬲᬶᬄᬍᬫᭂᬲᬶᬦ᭄᭞ᬓᬦ᭄ᬢᭀᬲ᭄ᬗ᭄ᬮᬶᬂᬲ᭄ᬤᬶᬄᬩ᭄ᬓᬸᬢ᭄
᭞ᬤᬾᬯᬾᬓᬾᬢ᭄ᬯᬵᬫᬲᬶᬄᬫᬜᬸᬭᬸᬂ᭞ᬓᬾᬦ᭄ᬓᬾᬦᬂᬚᬦᬶᬜᬮᬳᬂ᭞ᬩ᭄ᬦᭂᬄᬚᬦᬶᬫᬓ᭄ᬦᭂᬄᬮᬫ᭄ᬧᬸᬲ᭄᭞ᬫᬾᬫᬾᬦ᭄ᬜᬦᬾᬭᬭᬶᬲ᭄ᬗᬸᬘᬧ᭄᭞ᬓᬤᬸᬂᬚᬓᬾᬢᭀᬓᬾᬦ᭄ᬓᬾᬦ᭄ᬩᬳᬦ᭄᭟ᬬᬩ᭄ᬦᭂᬄᬧ᭄ᬬᬦᬓᬾᬚᬦᬶ
ᬫᬗ᭄ᬮᬮᬸ᭞ᬳᬧᬦ᭄ᬢ᭄ᬯᬭᬵᬳᬶᬤᭂᬧ᭄᭞ᬳᬫ᭄ᬥᬂᬧᬶᬦᬭᬓ᭄ᬢᬶ᭞ᬳᬯᬓᬾᬢ᭄ᬯᬵᬫᬲᬶᬄᬫᬶᬮᬸ᭞ᬢ᭄ᬯᬭᬵᬲᬼᬕ᭄ᬧᬢᬶᬫᬫᬦ᭄ᬢᬸ᭞ᬩᭂᬲ᭄ᬢᬶᬗ᭄ᬓᬄᬳᬢᬸᬭᬵᬤᬫ᭄ᬮᬄ᭞ᬗ᭄ᬕᬯᬾᬩᭀᬩᬩ᭄ᬩ᭄ᬮᭀᬕ᭄ᬳᬚᬸᬫ᭄᭞ᬢ᭄ᬯ
[᭕᭒ 52 A]
ᬭᬤ᭄ᬫᭂᬦ᭄ᬫᬩ᭄ᬭᬬ᭞ᬮ᭄ᬬᬸᬳᬦᬓᬾᬜᭂᬗᬶᬢᬂ᭟ᬢᬦ᭄ᬓᭀᬘᬧᬦ᭄ᬲᬸᬩᬵᬮᬶᬗ᭄ᬲᬶᬃᬢ᭄ᬥᬸᬄ᭞ᬳᬶᬩᭀᬢᭀᬄᬮᬭᬓᭀᬘᬧ᭄᭞ᬲᬸᬩᬵᬲᬜ᭄ᬚᬫᬭᬫᬸᬮᬶᬄ᭞ᬓᬸᬫᬄᬫᬢ᭄ᬯᬦᬾᬦᬮᬸᬚᬸ᭞ᬢ᭄ᬯᬭᬵᬗᬩᬳᬦᬂ
ᬳ᭄ᬮᬸᬤ᭄᭞ᬢ᭄ᬭᬲ᭄ᬗᭀᬚᭀᬕ᭄ᬤᬦᬾᬫᬢ᭄ᬯᬵ᭞ᬫᬤᭂᬓᭂᬲᬦ᭄ᬜᬫ᭄ᬩᬢᬂᬢᬸᬬᬸᬄ᭞ᬧᬦ᭄ᬫᬮᬡ᭄ᬥᬂᬭᬭᬶᬲ᭄ᬗᬸᬘᬧ᭄᭞ᬯᬬᬦ᭄ᬢᭂᬓᬵᬳᬸᬮᬶᬤᬶᬚ᭟ᬳᬸᬦᬶᬂᬢᬸᬦᬶᬯᬬᬦ᭄ᬢ᭄ᬯᬭᬵᬓᬤᬸᬮᬸ᭞ᬮ᭄ᬯᬲ᭄ᬢᭂᬓᭂᬤ᭄ᬓᬶᬚ᭞ᬳᬶᬩᭀᬢᭀᬄ
ᬮᬭᬜᬯᬸᬭᬶᬦ᭄᭞ᬢ᭄ᬬᬂᬮ᭄ᬯᬲ᭄ᬩᬧᬵᬩᬳᬸ᭞ᬗᬮᬶᬄᬳᬸᬩᬤ᭄ᬢ᭄ᬯᬭᬵᬳᬦ᭄ᬢᬸᬓ᭄᭞ᬤᬶᬧᬩᬾᬬᬦ᭄ᬚᬸᬫᬄᬲᭂᬗ᭄ᬓᬾᬦᬾ᭞ᬗᬺᬋᬄᬫᬶᬜᬓ᭄ᬢᬫ᭄ᬩᬵᬢᬢᬸ᭞ᬦᬸᬚᬸᬲᬫᬶᬢ᭄ᬯᬭᬵᬗ᭄ᬮᬄ᭞ᬫᬗ᭄ᬓᬶᬦ᭄ᬩᬧᬫᬶᬦᬩ᭄ᬓᬾᬦᬓᬦ᭄
᭟ᬧᬦ᭄ᬫᬮᬡ᭄ᬥᬂᬧᬲᬳᬸᬢᬾᬲᬤᬳᬮᬸᬲ᭄᭞ᬩᬧᬵᬲ᭄ᬕᭂᬃᬫ᭄ᬮᬄ᭞ᬳ᭄ᬤᬵᬘᬳᬶᬕᬶᬲᬸᬧᬮᬶᬂ᭞ᬗᬮᬶᬄᬳᬸᬩᬤ᭄ᬧᬢᬶᬓᭂᬧᬸᬕ᭄᭞ᬘᬳᬶᬮᬸᬯᬲ᭄ᬫᬢᬸᬬᬸᬄ᭞ᬫ᭄ᬚᬂᬕᬳᬾᬫᬜ᭄ᬮᬦᬂ᭞ᬳᬶᬫᬦ᭄ᬢᬸᬭᬭᬶᬲ᭄ᬫᬲᬯᬸᬃ᭞ᬫᬗ᭄ᬓᬶᬦ᭄ᬩ
Kaca:Bali-lontar-gaguritan-curik-300ppi.pdf/52
Kaca puniki sampun kauji-wacén
