[᭒᭖ 26 B]
᭒᭖
ᬕᬯᬾᬦᬾᬳᬸᬮᬄᬓᭂᬧᬸᬂ᭞ᬳ᭄ᬤᬵᬗᬸᬮᬄᬧᬗᬗ᭄ᬕᭀᬫᬸᬭᬸᬩ᭄᭞ᬢᬗᬭᬶᬦ᭄ᬜᬳᬶᬫᬢᬶᬗ᭄ᬓᬄ᭞ᬳ᭄ᬤᬵᬩᬗ᭄ᬕᬶᬫᬸᬜᬶᬮ᭄ᬬᬸ᭞ᬧᬢᬸᬦᬳᬶᬦ᭄ᬗ᭄ᬕᬯᬾᬳᭀᬫᭀᬗᬦ᭄᭞ᬳ᭄ᬤᬵᬗᬓᬸᬤᬶᬩᬶᬱᬳᬦ᭄᭟᭠
ᬳ᭄ᬤᬵᬓᬺᬂᬓᬧᬶᬲᬕᬵᬤ᭄ᬫᭂᬦ᭄ᬫᬢᬸᬢᬸᬃ᭞ᬧ᭄ᬢᭂᬂᬤ᭄ᬬᬳᬶᬦ᭄ᬍᬫᬄ᭞ᬫᬸᬜᬶᬦ᭄ᬳᬦᬓᬾᬢᬗᬭᬶᬦ᭄᭞ᬤ᭄ᬬᬧᬶᬦ᭄ᬓ᭄ᬦᭂᬳᬾᬧᬢᬸᬢ᭄᭞ᬮᬫ᭄ᬧᬄᬢᬶᬦ᭄ᬤᬓ᭄ᬢ᭄ᬯᬭᬧᬢᬸᬢ᭄᭞ᬲᬶᬂᬜᬳᬦᬓ᭄ᬓᬕ᭄ᬭᬶᬗᬦ᭄᭞ᬜᬮ
ᬫᬲᬤᬾᬯᬾᬓᬾᬭᬯᬸᬄ᭞ᬓᬤᬸᬮᬸᬭᬶᬦ᭄ᬩᬦ᭄ᬮᬸᬳᬸᬦ᭄ᬚᬮᬦ᭄᭞ᬤᬤᬶᬕ᭄ᬭᬶᬗᬾᬬᬭᬳᬢ᭄᭟ᬢ᭄ᬯᬶᬓᬾᬢᭀᬤᬶᬰᬵᬲ᭄ᬢ᭄ᬭᬦᬾᬋᬓᬾᬫᬸᬗ᭄ᬕᬸᬄ᭞ᬓᬧᬶᬲᬕᬵᬜᬮᬫᬲ᭞ᬓ᭄ᬭᬡᬦ᭄ᬳᬦᬓᬾᬫ᭄ᬮᬧᬵ
ᬦᬶᬦ᭄᭞ᬳ᭄ᬤᬵᬦᬸᬭᬄᬳᬦᬓᬾᬤᬸᬤᬹ᭞ᬫᬮ᭄ᬬᬸᬦᬶᬦ᭄ᬩᬦ᭄ᬫᬸᬜᬶᬕᬗ᭄ᬲᬸᬮ᭄᭞ᬗ᭄ᬕᬯᬾᬋᬧ᭄ᬧᬶᬲᬕᬦᬾ᭞ᬢᬓᬸᬢ᭄ᬢᭂᬓᬾᬦ᭄ᬫᬸᬜᬶᬮ᭄ᬬᬸ᭞ᬳᭂᬦ᭄ᬢᭀᬚᬦ᭄ᬢᭂᬦ᭄ᬤᬤᬶᬧ᭄ᬢ᭞ᬓᬾᬢᭀᬜᬳᬶᬳᬧᬂᬢᬢᬲ᭄
[᭒᭗ 27 A]
᭟ᬫᬮᬶᬄᬳᬤᬫᬾᬫᬾᬦᭂᬧᬸᬓᬶᬦ᭄ᬢᬸᬢᬸᬃ᭞ᬲᬢ᭄ᬯᬦ᭄ᬳᬦᬔᭀᬤᬄ᭞ᬮ᭄ᬬᬸᬲᬸᬩᬵᬓ᭄ᬦᬵᬧᬶᬤᬾᬦᬶᬦ᭄᭞ᬳᬦᬓᬾᬢ᭄ᬯᬭᬗ᭄ᬭᬸᬗᬸ᭞ᬓᭂᬦᭂᬳᬾᬫᭂᬜ᭄ᬚᬸᬄᬧᬸᬗ᭄ᬓᬸᬃ᭞ᬢ᭄ᬯᬭᬳᬾᬮᬶᬂᬢ᭄ᬓᬾᬦᬵᬳᬶᬂᬓ᭄ᬭᬫ᭞ᬓ᭄ᬭᬫᬦ᭄ᬳᬵ
ᬦᬓᬾᬦᬾᬮ᭄ᬬᬸ᭞ᬳᬱ᭄ᬝᬶᬢᬶᬪᬓ᭄ᬢᬶᬭᬶᬂᬤᬾᬯ᭞ᬫᬶᬯᬄᬢ᭄ᬓᬾᬦᬶᬂᬓᬮᬶᬗᬦ᭄᭟ᬦᬸᬗ᭄ᬕᬮᬂᬫᬦᬄᬗᬮᬶᬄᬓᬃᬬ᭄ᬬᬗᬢᬶᬢᭂᬧᬸᬓ᭄᭞ᬍᬫᭂᬂᬫᬶᬯᬄᬍᬫᬄ᭞ᬧᬓᭀᬮᬶᬳᬾᬢ᭄ᬯᬭᬫᬲᬭᬶ᭞ᬓᭀᬳᭀᬲ᭄ᬩᭀᬭᭀᬲ᭄
ᬧᬩ᭄ᬮᬸᬲ᭄ᬩᬸᬲ᭄᭞ᬲᬓᬮᬦᬾᬗᭂᬦᬄᬮ᭄ᬬᬸᬧᬕᭂᬤᬶᬦᬾᬢ᭄ᬯᬭᬵᬢᬯᬂ᭞ᬤᬾᬦᬶᬂᬲᬭᬶᬪᬝᬭᬜᬩᬸᬤ᭄᭞ᬓᬾᬢᭀᬜᬳᬶᬳᬧᬂᬢᬯᬂ᭞ᬤᬶᬦᬶᬜᬳᬶᬫᬾᬫᬾᬩᬸᬤᬮ᭄᭟ᬫᬦᬸᬢᬸᬕᬂᬫᬫᬸᬜᬶ
ᬩ᭄ᬯᬶᬦ᭄ᬳᬓᭂᬢᬸᬮ᭄᭞ᬬᬦ᭄ᬫᬮᬓᬸᬤᬕᬂ᭞ᬫᬸᬜᬶᬧᬢᬸᬢ᭄ᬳᬗ᭄ᬕᭀᬦ᭄ᬤᬲᬭᬶᬦ᭄᭞ᬩᬗ᭄ᬕᬶᬚᬤᬶᬕ᭄ᬤᬤᬶᬫᬸᬲᬸᬄ᭞ᬧᬓᭀᬮᬶᬳᬾᬤᬤᬶᬳᬸᬯᬸᬂ᭞ᬫᬦᬄᬳᬦᬓ᭄ᬳᬓᬾᬄᬤᬸᬳ᭄ᬓᬶᬢ᭞ᬧᬥᬢᬓᬸᬢ᭄ᬭᬶᬂᬲ᭄ᬫᬸᬚᭂ
Kaca:Bali-lontar-gaguritan-curik-300ppi.pdf/27
Kaca puniki sampun kauji-wacén
