[᭗ 7B]
᭗
ᬦ᭄ᬫᬧᬶᬧᬶᬓᬢ᭄ᬫᬩᭀᬭᭀᬲ᭄ᬫᬜᬚᬄᬕᬸᬦᬸᬂᬗᬸᬦ᭄ᬢᬭᬂᬇᬧᬢᬶᬄᬭᬢ᭄ᬣᬵᬫᬫᬮᬾᬓᬳᬮᬲ᭄ᬢ᭄ᬭᬩᬶᬲ᭄᭟ᬓᬫᬭᭀᬂᬓᬋᬦ᭄ᬤᬂᬦᬗ᭄ᬓᬵᬤᬶᬢᬸᬓᬦ᭄ᬢᭂᬦ᭄ᬕᬕᬸᬦᬵᬦ᭄ᬜᬦᬾᬲᬫᬶᬫᬗᬍᬫ᭄ᬗᬲᬸᬩᬂᬗᬚᬸᬫ᭄ᬳ᭄ᬦᭂᬂᬗᬂᬜᬭᬶᬢᬬᬂᬤᬾᬦᬶᬂᬮᬫᬓᭀᬭᬢᬸᬳᬸᬘᬧᬂᬫᬦ᭄ᬢᬸᬓ᭄ᬤᬶᬩ᭄ᬚ
ᬯᬶᬫᬶᬫ᭄ᬬᬦᬶᬫ᭄ᬬᬦ᭄ᬳᬶᬧᬢᬶᬄᬭᬢ᭄ᬣᬵᬫᬗᬶᬭᬶᬂ᭟ᬚᬕ᭄ᬢ᭄ᬓᬤᬸᬢᬦᬾᬤᬤ᭄ᬯᬩᬩᬃᬗ᭄ᬭᬜ᭄ᬚᬶᬂᬢ᭄ᬯᬭᬳᬤᬦᬓ᭄ᬳᬸᬦᬶᬂᬓᭀᬭᬢᬸᬦᬸᬚᬸᬫᬮᬸᬗ᭄ᬕᬸᬄᬤᬶᬳᬫ᭄ᬩᬾᬦᬾᬫᬗ᭄ᬭᬕ᭄ᬕᬵᬧᬢᬶᬄᬭᬢ᭄ᬣᬵᬤᬶᬦᬢᬄᬫᬓᬹᬫ᭄ᬧᬸᬮ᭄ᬓᬸᬫ᭄ᬧᬸᬮ᭄ᬓᭀᬭᬢᬸᬜᬶᬗᬓ᭄ᬳᬶᬤᬸᬢ᭄ᬣᬵᬓᬤᬶᬓᬳᬸᬤᬦ᭄ᬫᬦᬶᬓ᭄᭞ᬭᬤᬾ
ᬦ᭄ᬓᬮᬶᬄᬕ᭄ᬮᬶᬲ᭄ᬫᬸᬗ᭄ᬕᬳᬦ᭄ᬘᭀᬓᭀᬃᬭᬢᬸᬮᬾᬤᬗᬾᬢᬦ᭄ᬲᬶᬦᬶᬧᬶᬓ᭄ᬜᭂᬫᬗᬦ᭄ᬤᬶᬓᬳᬮᬸᬲ᭄ᬧᬸᬦᬧᬶᬜᬶᬤᬬᬂᬭᬤᬾᬦ᭄ᬓᬮᬶᬄᬫᬜᬸᬫ᭄ᬩᬄᬫᬸᬜᬶᬦᬾᬳᬮᬸᬲ᭄ᬇᬗ᭄ᬕᬶᬄᬭᬢᬸᬫᬜᬶᬤᬬᬂᬳᬶᬬᬚᬶᬓᬧᬗ᭄ᬕᬶᬄᬲᬫᬶ᭟ᬲᬕᬾᬢ᭄ᬓᬳᬶᬘᬫ᭄ᬘᬶᬬᭀᬮᬦ᭄ᬳᬶᬤᬾᬦ᭄ᬳᬶᬯᬦᬺᬱ᭄ᬫᬶᬦᬓᬤᬶᬳᬶ
ᬤᭀᬓ᭄ᬢᬵᬫᬩᬭᬶᬬᬸᬓ᭄ᬕ᭄ᬮᬶᬲ᭄ᬳᬶᬧᬸᬦ᭄ᬫᬲᬮᬧ᭄ᬘᭀᬓᭀᬃᬭᬢᬸᬗᬦ᭄ᬤᬶᬓᬵᬤᭀᬓ᭄ᬫᬫᬮᬸᬳᬶᬘ᭄ᬧᬸᬕ᭄ᬳᬮᬶᬄᬳᬾᬗ᭄ᬕᬮᬂᬳᬶᬤᭀᬓ᭄ᬜᬸᬫ᭄ᬩᬄᬮᬸᬢ᭄ᬗᬢᬸᬭᬶᬦ᭄᭟ᬢᬸᬗᬸᬭᬄᬳᬬᬢ᭄ᬫᬫᬃᬕ᭄ᬕᬤᬶᬦᬢᬄᬳᬾᬧᬋᬓᬦ᭄ᬭᭀᬩᬦ᭄ᬢᬶᬢᬶᬩ᭄ᬦᬸᬗᬶᬮᭀᬫᬳᬸᬢ᭄ᬘᬘᬸᬦ᭄ᬤᬸᬓ᭄ᬦᬾᬤᬤ᭄ᬯᬢ᭄ᬯᬭᬧᬲᬄᬲ
[᭘ 8A]
ᬕᬾᬢ᭄ᬓᬳᬶᬤᭀᬓ᭄ᬳᬶᬤᭀᬓ᭄ᬜᬸᬫ᭄ᬩᬄᬫᬢᬸᬃᬳᬮᬸᬲ᭄ᬓ᭄ᬱᬾᬗᬦ᭄ᬳᬦ᭄ᬢᬸᬓ᭄ᬳᬶᬭᬓ᭄ᬓᬵᬦᬸᬦᬲ᭄ᬕ᭄ᬮᬶᬲ᭄ᬓᬩᬢᬯᬶ᭟ᬢᬸᬗᬸᬭᬄᬦᬾᬤᬤ᭄ᬯᬩᬸᬳᬸᬂᬮᬸᬯᬲ᭄ᬓ᭄ᬱᬾᬗᬦ᭄ᬓᬩᬢᬯᬶᬦᭀᬗᭀᬲ᭄ᬳᬶᬤᬤᭂᬚᬦᬶᬫᬶᬮᬸᬭᬭᬶᬲ᭄ᬳᬶᬤᬫᬫᬃᬕ᭄ᬕᬳᬶᬤᭀᬓ᭄ᬗᬶᬭᬶᬂᬳᬲᬓ᭄ᬱᬡ᭄ᬦᬲᬸᬩᬭᬳᬸᬄᬫᬗ᭄ᬭᬜ᭄ᬚᬶᬂᬳᬶᬤ
ᬫᬸᬗ᭄ᬕᬳᬦ᭄ᬲᬤᬦᬫ᭄ᬧᭂᬓᬂᬫᬮᬶᬗ᭄ᬕᬶᬄ᭟ᬗᬦ᭄ᬤᬶᬓᬳᬫ᭄ᬮᬤ᭄ᬧ᭄ᬭᬦᬢᬦ᭄ᬲᬶᬦᬶᬧᬶᬳᬸᬢᬂᬢ᭄ᬬᬂᬫᬢᬶᬦ᭄ᬤᬶᬄᬩ᭄ᬮᬶᬦᬸᬤᬸᬓ᭄ᬚᬓ᭄ᬚᬤ᭄ᬫᬮᬘᬸᬃᬮᬭᬓᬵᬧ᭄ᬮᬦ᭄ᬧ᭄ᬮᬦ᭄ᬭᬤᬾᬦ᭄ᬓᬮᬶᬄᬫᬳᬢᬸᬃᬫᬸᬜᬶᬦᬾᬳᬭᬸᬫ᭄ᬭᬢᬸᬦ᭄ᬜᬢᬦ᭄ᬤᬂᬩᬳᭀᬲᬂᬲᬫ᭄ᬧᬸᬦ᭄ᬲᬶᬤᬓ᭄ᬦᬶᬲᬫᬶ᭟ᬧᬸᬧᬸᬢ᭄ᬲᬸᬩᬓᬧᬶᬤᬃᬢ᭄ᬣᬵᬲ
ᬳᬧᭀᬮᬢ᭄ᬮᬲ᭄ᬓᬳᬢᬸᬃᬲᬫᬶᬳᬶᬤᭀᬓ᭄ᬳᬶᬘᬫ᭄ᬘᬶᬬᭀᬲᬫ᭄ᬧᬸᬦ᭄ᬦᬩ᭄ᬤᬩᬂᬧᬗ᭄ᬯᬾᬤᬗᬦ᭄ᬲᬃᬯ᭄ᬯᬧᬾᬮᬕ᭄ᬥᬶᬘᬶᬢ᭄ᬭᬕᭀᬮᬗᬧᬸᬧᬸᬢ᭄ᬭᬤᬾᬦ᭄ᬓᬮᬶᬄᬲᬸᬩᬫᬼᬲᬢ᭄ᬓᬘᬶᬢ᭄ᬭᬦᬾᬮᬗᬕ᭄ᬮᬶᬲ᭄᭟ᬓᭀᬭᬢᬸᬲᬋᬂᬢᬸᬗᬸᬭᬄᬫᬃᬫ᭄ᬫᬫᬃᬫ᭄ᬫᬗᬓ᭄ᬱᬶᬧᭀᬮᬦᬾᬲᬫᬶᬕᬶᬦᬦ᭄ᬢᬶ
ᬕᬦ᭄ᬢᬶᬲᬶᬦᬫ᭄ᬩᬸᬢ᭄ᬲᬬᬦ᭄ᬓᬗᭂᬦᬶᬂᬘᬶᬢ᭄ᬣᬤᬤᬶᬫᬮᬶᬂᬫᬫᬸᬜᬶᬫᬗᬚᬓ᭄ᬱᬸᬳᬸᬂᬧᭀᬮᬦᬾᬩᬸᬤᬂᬩᬤᬶᬗᬂᬳᬸᬓᬸᬢ᭄ᬳᬸᬓᬸᬢ᭄ᬧᬧᬲᬶᬳᬶᬦ᭄᭟ᬤᬸᬄᬫᬲᬶᬗ᭄ᬯᬗᬭᬶᬦᬶᬗ᭄ᬯᬂᬲᬶᬧᬶᬲᬶᬧᬶᬮᬭᬦ᭄ᬢᬫᬗ᭄ᬓᬾᬬᬬᬶᬳᬶᬗᬸᬦ᭄ᬤᬗᬂᬧᬭᬭᬢᬸᬕᬶᬦᬯᬾᬲᬾᬯᬫ᭄ᬩᬵᬭᬤᬸᬄᬓᬢᬸᬯᭀᬦ᭄ᬢ
Kaca:Bali-lontar-gaguritan-cokoratu-05-250ppi.pdf/8
Kaca puniki sampun kauji-wacén
