[᭕᭘ 58B]
᭕᭘
ᬓ᭄ᬱᬶᬮᬳᬸᬢ᭄ᬗᬦ᭄ᬤᬶᬓᬵᬗᬤᬾᬗᬂ᭟ᬧᬸᬕ᭄ᬧᬳᭂᬓᬂᬫᬳᬶᬚᬵᬢᬶᬢ᭄ᬬᬂᬤᭂᬲᭂᬓᬶᬦ᭄ᬮᬘᬸᬃᬧᬶᬲᬦ᭄ᬧᬶᬲᬦ᭄ᬦᬾᬳᬯᬦᬶᬦ᭄ᬳᬶᬬᬂᬫᬢᬶᬲᬸᬩᬵᬢᬶᬢᬄᬧᬶᬗᬦᬦ᭄᭟ᬭᬢᬸᬗᬸᬭᬄᬓᬧᬼᬕᬦ᭄ᬫᬲᬳᬸᬃᬢᬗᬶᬲ᭄ᬫ᭄ᬓᬸᬮ᭄ᬧᬶᬦᭂᬓᬸᬮᬦ᭄ᬳᬶᬤ᭄ᬯᬕᬸᬂᬕ᭄ᬥᬾᬕ᭄ᬮᬶᬲ᭄ᬫᬢᬸᬃᬳᬭᬶᬲ᭄ᬫ᭄ᬮᬤ᭄ᬧ᭄ᬭᬡᬵ᭟ᬲᬬ
ᬦ᭄ᬲᬬᬦ᭄ᬯᬘᬦᬵᬓᬲᬼᬓᬶᬂᬢᬗᬶᬲ᭄ᬤᬾᬯᬕᬸᬂᬢᬸᬗ᭄ᬓᬲᬂᬢᭂᬕ᭄ᬢᭂᬕᬂᬳᬶᬩ᭄ᬬᬗᬓ᭄ᬱᬶᬳᬚᬶᬓ᭄ᬧᬸᬦᬧᬶᬧ᭄ᬯᬭᬜ᭟ᬭᬾᬄᬳᬶᬂᬮᬶᬗ᭄ᬱᬶᬃᬦᬳᭂᬦ᭄ᬮᬭᬵᬫᬃᬯᬢᬶᬳᬶᬤᬾᬯᬕᬸᬂᬮᬦᬂᬫ᭄ᬦᭂᬂᬫᬫᬶᬦᭂᬄᬤᬶᬋᬤᬶᬲᬬᬦ᭄ᬳᬫ᭄ᬢᭂᬗᬶᬂᬦᬃᬬ᭄ᬬ᭟ᬲᭂᬲᭂᬓ᭄ᬱᬸᬫᬕ᭄ᬜ᭄ᬗ᭄ᬓᭂᬮ᭄ᬳᬦᬶᬩᬵᬓᬧᬢᬶᬦ᭄ᬕᬾᬕᬾᬃ
ᬳᬳᬸᬭᬳᬦ᭄ᬕᬾᬯᬃᬲᬧᬗᬶᬭᬶᬂᬲᬫᬶᬳᬤᬫ᭄ᬮᬳᬶᬩ᭄ᬓᬦᭂᬕᬭ᭟ᬗᬸᬦᬶᬗᬬᬂᬳᬤᬵᬫ᭄ᬘᭂᬮ᭄ᬫᬗᭂᬗ᭄ᬓᬳᬶᬦ᭄ᬢᬸᬗᬸᬭᬄᬦ᭄ᬤᭂᬯᬸᬳᬂᬗᬮᬶᬄᬧᬫᬶᬓᬸᬮᬦ᭄ᬕᭂᬮᬶᬲ᭄ᬢᬦ᭄ᬓᭀᬘᬧᬵᬲᬸᬩᬢ᭄ᬓᬵ᭟ᬲᬂᬓᬦ᭄ᬢᬓᬵᬳᬗ᭄ᬮᬶᬮᬶᬃᬳᬗᬸᬲᬧ᭄ᬳᬓ᭄ᬱᬶᬧᬭᬶᬗᭂᬢᬾᬫᭂᬫ᭄ᬩᬄᬳᬶᬤ᭄ᬯᬕᬸᬂᬕ᭄ᬥᬾᬗᭂᬧᭂᬢᬶᬦ᭄
ᬢᬸᬗᬸᬭᬄᬫᬢᬸᬃᬗᬤᬾᬗᬂ᭟ᬦᬸᬦᬲ᭄ᬤ᭄ᬯᬕᬸᬂᬫᬕᬶᬗ᭄ᬱᬶᬃᬓᬫᬬᬵᬰ᭄ᬭᬗ᭄ᬕᬶᬲᬫᬗ᭄ᬤᬾᬢᭂᬕ᭄ᬢᭂᬕᬦ᭄ᬳᬶᬤ᭄ᬯᬕᬸᬂᬕ᭄ᬥᬾᬫ᭄ᬭᬶᬬᬸᬓᬶᬦ᭄ᬫᬢᬸᬃᬩ᭄ᬭᬶᬬᬸᬓ᭄ᬱᬋᬂᬲᬫ᭄ᬬᬦ᭄᭟ᬓᬲᭂᬋᬂᬤ᭄ᬯᬕᬸᬂᬮᬦᬂᬫᬗ᭄ᬕᬗ᭄ᬕᬸᬢᬶᬦ᭄ᬤᬫ᭄ᬧᬵᬳᬸᬰ᭄ᬘᬸᬫᬤᬂᬢᬸᬫᬸᬮᬶᬫᬸᬗ᭄ᬕᬳᬦ᭄ᬕᭂᬮᬶᬲ᭄ᬗᬸᬗ᭄ᬓᬄᬗᬶᬭᬶᬂᬕᬕᬂᬲᬭ
[᭕᭙ 59A]
ᬦ᭄᭟ᬭᬢᬸᬗᬸᬭᬄᬳᬶᬤ᭄ᬯᬕᬸᬂᬕ᭄ᬥᬾᬫᬓᬤᬶᬳᬫᭂᬭᬶᬂᬤᬫ᭄ᬧᬵᬲᬓ᭄ᬱᬡᬵᬭᬶᬫᬬᬵᬰ᭄ᬭᬗ᭄ᬕᬶᬫᬗ᭄ᬭᬭᬶᬲ᭄ᬭᬶᬂᬲ᭄ᬫᬭᬮᬬᬵ᭟ᬓᬘᬭᬶᬢ᭄ᬣᬧ᭄ᬭᬧᬸᬢ᭄ᬭᬶᬫᬓᬸᬫ᭄ᬧᬸᬮ᭄ᬱᬫᬶᬮᬾᬤᬗᬾᬓᬮᬶᬦ᭄ᬢᬂᬫᬓᬤᬶᬲᬂᬯᬯᬸᬧ᭄ᬭᬧ᭄ᬢᬶᬲᬮᬶᬂᬢᬶᬫ᭄ᬩᬮ᭄ᬫᬗᬢᬸᬭᬂ᭟ᬓᬮᬗᭂᬦᬾᬤᬶᬢ᭄ᬕᬮ᭄ᬯᬶᬭᬵᬓᬲ᭄ᬫᬶᬭᬶᬂᬩᬸᬗᬦᬾᬫᬾᬦ᭄ᬤᬳᬦ᭄
ᬲᬂᬓᬮᬶᬄᬋᬱᭂᬧ᭄ᬢᬦ᭄ᬱᬶᬧᬶᬳᬬᬸᬅ᭄ ᬓ᭄ᬜᭂᬫᬗᬦ᭄ᬤᬶᬓᬵ᭟ᬚᬮᬦ᭄ᬧᬶᬤᬦ᭄ᬫᬮᬮᬶᬓ᭄ᬫᬵᬳᭂᬦ᭄ᬤᭀᬦᬶᬦ᭄ᬳᬕᬸᬂᬓ᭄ᬜᭂᬫ᭄ᬦᬶᬫ᭄ᬩᬮ᭄ᬦᬧᬶᬲᬾᬚᬕᬵᬧᬭᬦᬶᬦ᭄ᬦᬯᬶᬢ᭄ᬮᬲ᭄ᬢᬦ᭄ᬧᬲᬾᬰ᭟ᬳᬦᬓᬕᬸᬂᬳᬬᬸᬭᬳᬶᬫᬢᬸᬭᬭᬶᬲ᭄ᬬᬾᬗᬸᬤᬵᬲᬾᬢ᭄ᬮᬲ᭄ᬕᬾᬫ᭄ᬧᬾᬮ᭄ᬧᬸᬲᬸᬄᬧᬸᬲᬸᬄᬓᬭᬶᬩ
ᬦ᭄ᬢᬲ᭄ᬫᬮᬶᬄᬢᬶᬕᬂᬤᬶᬦᬵ᭟ᬦᭂᬤᭂᬂᬓᭂᬫ᭄ᬩᬂᬳᬶᬭᬶᬓᬵᬦᬸᬦᬲ᭄ᬧᬭᬦᬶᬦ᭄ᬳᬢᬸᬅ᭄ ᬲᬋᬂᬲᬫ᭄ᬬᬦ᭄ᬫᬗ᭄ᬭᬳᭀᬲᬮᬶᬂᬢᬶᬫ᭄ᬩᬮᬶᬦ᭄ᬓᬮᬗᬦ᭄ᬳᬶᬲᬶᬦᭀᬫ᭄ᬢ᭄ᬓ᭟ᬧᬗ᭄ᬓᬸᬃ᭟ᬧ᭄ᬭᬧᬸᬢ᭄ᬭᬶᬭᬭᬶᬲ᭄ᬓᬧᬸᬭᬵᬧᬭᬯᬶᬓᬸᬩ᭄ᬭᬶᬬᬸᬓ᭄ᬱᬗᬶᬭᬶᬂᬲᬫᬶᬳᬶᬤᬾᬯᬕᬸᬂᬕ᭄ᬥᬾᬳ᭄ᬦᬸᬗᬦ᭄ᬢᬶᬲᬂᬯᬳᬸᬧ᭄ᬭᬧ᭄ᬢᬵᬜᬦ᭄ᬥ᭄ᬬᬗᬤᭂ
ᬕ᭄ᬤᬶᬩᬢᬦ᭄ᬢᬗ᭄ᬕᬸᬮᬶᬓ᭄ᬢᬸᬃᬮᬾᬤᬂᬜᬤᬗᬂᬘᬘᬶᬗᬓ᭄ᬜᬜᭂᬃᬫᬢ᭄ᬭᬸᬄᬫᬤᬸᬕᭂᬦ᭄ᬤᬶᬲ᭄᭟ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵᬳᬫ᭄ᬧᬸᬭᬬᬂᬓᬲᬾᬧ᭄ᬦᬸᬦ᭄ᬤᬾᬦᬂᬗᬮᬶᬄᬩᬦᬾᬗ᭄ᬮᬄᬫᬃᬕᬵᬜᬸᬦᬸᬢ᭄ᬱᬤ᭄ᬬᬤᬶᬤᭀᬭᬶᬦ᭄ᬳᬸᬫᬄᬳᬦᬓᬕᬸᬂᬳᬕᬸᬂᬓ᭄ᬜᭂᬫᬢ᭄ᬭᬸᬄᬚᬸᬭᬸᬄᬢᬸᬫᬸᬮᬶᬭᬭᬶᬲ᭄ᬫᬸᬗ᭄ᬕᬳᬦ᭄ᬭᬶᬂᬜ
Kaca:Bali-lontar-gaguritan-cokoratu-05-250ppi.pdf/59
Kaca puniki sampun kauji-wacén
