[᭓᭕ 35B]
᭓᭕
ᬢᭂᬓ᭄ᬢᬫ᭄ᬬᬸᬦᬾᬫᬓ᭄ᬚᬂᬫ᭄ᬧᭂᬲᬗ᭄ᬕᬫᬧᬫᬶᬢ᭄ᬧᬤᬗ᭄ᬮᬜ᭄ᬘᬢ᭄ᬚᬭᬦ᭄ᬲᬸᬩᬗ᭄ᬮᬶᬦ᭄ᬢᬂᬦ᭄ᬕᬭᬯᭀᬂᬤᬾᬰᬧᬤ᭄ᬥᬫᬩᬮᬶᬄᬮᬶᬬᬸᬭᬦ᭄ᬢᬩᬦ᭄ᬩᬚᬂᬩᬚᬗᬾᬩᭂᬚᬶᬢ᭄᭟ᬲᬶ᭟ᬦ᭄ᬤᬾᬢᬦ᭄ᬓᬯᬃᬡ᭄ᬦᬵᬤᬶᬫᬃᬕ᭄ᬕᬲᬸᬩᬤᬸᬩᬦ᭄ᬯᬧ᭄ᬭᬧ᭄ᬢᬶᬓᬨᬮᬾᬤᬧᭂᬢᬗᬫ᭄ᬩ᭄ᬬᬃᬮᬶᬬᬸᬲᬸᬩᬧᬤᬗᬦ᭄ᬢᬶᬮᬾᬦ᭄ᬳᬤᬦᬼ
ᬲ᭄ᬦᭂᬧᬶᬗᭂᬦ᭄ᬢᭂᬕ᭄ᬥᬶᬚᬫ᭄ᬩᬢᬦ᭄ᬲᬫ᭄ᬧᬸᬦ᭄ᬳᬶᬤᬲᬂᬯᬶᬭᬃᬯᬫᬸᬗ᭄ᬕᬄᬓᬓᬨᬮ᭄ᬫᬗ᭄ᬭᬭᬶᬲ᭄ᬫᬩᬭᬶᬬᬸᬓ᭄ᬧᬗᬶᬭᬗᬾᬗᬶᬭᬶᬂᬫᬸᬗ᭄ᬕᬄ᭟ᬳᬶᬗᬦ᭄ᬰᬸᬩᬓ᭄ᬳᬓᬨᬮ᭄ᬫᬲᬸᬦ᭄ᬤᬸᬮ᭄ᬓᬨᬮ᭄ᬧᬭᬧ᭄ᬢᬶᬫᬩ᭄ᬭᬶᬬᬸᬓ᭄ᬫᬸᬗ᭄ᬕᬄᬓᬓᬨᬮ᭄ᬳᬧᬦ᭄ᬳᬦᬸᬢ᭄ᬲᬸᬩᬳᬰᬶᬄᬲᬋᬂᬧᬗᬶᬭᬶᬗᬾᬲᬫᬶᬢᬸᬤᬾᬅᬫᬓᬓᬮᬶᬄᬭ
ᬯᬸᬄᬫ᭄ᬓᬤᬶᬲᬂᬯᬯᬸᬧ᭄ᬭᬧ᭄ᬢᬵᬤᬤᬶᬳᬓᬨᬮ᭄ᬭᬭᬸᬲ᭄ᬧᬢᬶᬄᬭᬢ᭄ᬣᬫ᭄ᬓᬤᬶᬳᬶᬧᬸᬦ᭄ᬳᬶᬭᭀᬩᬦ᭄᭟ᬳᬶᬚᬸᬭᬕᬦ᭄ᬗᬩᬸᬢ᭄ᬫᬗ᭄ᬕᬃᬫᬕᭂᬭᬸᬂᬫᬮᬬᬃᬰᬵᬫᬶᬳᬦ᭄ᬤᬸᬲ᭄ᬫᬸᬫ᭄ᬩᬸᬮ᭄ᬫᬗᬫ᭄ᬩᬭᬧᬮᭀᬜ᭄ᬘᬢ᭄ᬱᬮᬶᬂᬮᬗ᭄ᬓᬸᬗᬶᬦ᭄ᬳᬶᬗᬦᬦ᭄ᬧᬲᬲᬸᬃᬤᬶᬭᬶᬓᬨᬮᬾᬫᬢᬸᬭᬸᬢᬸᬭᬸᬢ᭄ᬧᬸᬢᬶᬄᬮᬾᬦ᭄ᬱᬼᬫ᭄ᬩᬭᬓ᭄ᬦᬾᬧᬾ
ᬧᭀᬮᬾᬂᬕ᭄ᬥᬾᬗᬗᭀᬩᬶᬦ᭄ᬓᭀᬘᬧ᭄ᬦᬶᬓᬲᬂᬯᬶᬭᬓᬮᬶᬄᬫᬦᬸᬗ᭄ᬕᬮ᭄᭟ᬳᭂᬩᭂᬓ᭄ᬧᬲᬶᬄᬳᬾᬩᬳᬦ᭄ᬓᬨᬮ᭄ᬕ᭄ᬭᬸᬤᬸᬕᬦ᭄ᬫᬸᬜᬶᬜᬢᬶᬢᬶᬃᬧᬕ᭄ᬭᬾᬦ᭄ᬤᬂᬫᬦᬸᬢᬸᬧ᭄ᬓᬨᬮ᭄ᬳ᭄ᬦᭂᬗᬂᬫᬵᬮᬸᬤᬶᬧᬲᬶᬄᬓᭀᬭᬢᬸᬩᬶᬦ᭄ᬩᬮᬶᬓᬶᬦ᭄ᬤᬶᬳᬮᬲ᭄ᬕᬦ᭄ᬢ᭄ᬭᬸᬂᬢᬸᬫ᭄ᬥᬸᬦ᭄ᬢ᭄ᬯᬭᬳᬤᬗᬯᬭᬧᬗᬶᬭᬶᬂᬢᬸᬫ᭄ᬥᬸᬦ᭄ᬲᬫᬶ
[᭓᭖ 36A]
ᬘᭀᬓᭀᬃᬭᬢᬸᬫᬗ᭄ᬭᬭᬶᬲ᭄ᬓᬧᬲᬗ᭄ᬕ᭄ᬭᬳᬦ᭄᭟ᬯᬭᬸᬯᬭᬸᬅᬰ᭄ᬭᬶᬗ᭄ᬮᬸᬦᬂᬧᬕᭂᬃᬕᭂᬃᬦ᭄ᬬᬳᬭᬤᬶᬦ᭄ᬲᬍᬢ᭄ᬱᬍᬢ᭄ᬧᬲᬗ᭄ᬕ᭄ᬭᬳᬦ᭄ᬯᬢᭂᬓ᭄ᬚᬶᬫ᭄ᬱᬫ᭄ᬧᬶᬳᬾᬓᬗᬶᬦ᭄ᬦᬾᬮᬶᬓᬸᬃᬳᬮᬲ᭄ᬕᬦ᭄ᬤ᭄ᬭᬶᬂᬫᬜ᭄ᬚᬸᬃᬓᬚᬢᬸᬃᬫᬩᬶᬚᬸᬕ᭄ᬦᬾᬓᬳᬸᬄᬲᬸᬩᬧ᭄ᬭᬕᬢᭂᬓ᭄ᬫᬥᬸᬭᬦᭀᬗᭀᬲᬶᬦ᭄ᬘᭀᬓᭀᬃᬭᬢᬸᬢᬸ
ᬗᬸᬭᬄᬤᬶᬢ᭄ᬗᬄᬤᬶᬢ᭄ᬗᬄᬜ᭄ᬮᬕ᭄᭟ᬳᬤᬳᬶᬗᬦ᭄ᬧᬶᬢᬸᬂᬤᬶᬦᬵᬫᬫᭀᬦ᭄ᬤᭀᬓ᭄ᬤᬶᬳᬮᬲ᭄ᬕᬦ᭄ᬢ᭄ᬭᬶᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬤᬶᬧᬾᬢᬓ᭄ᬢ᭄ᬯᬭᬵᬤᬓᬸᬯᬗᬦ᭄ᬩᬸᬓ᭄ᬢᬶᬳᬶᬲᬶᬦ᭄ᬳᬮᬦ᭄ᬧᬲᬶᬄᬳ᭄ᬩᬾᬦᬵᬳᬾᬮᬶᬬᬸᬫᬤᬸᬕ᭄ᬤᬸᬕ᭄ᬓᬮᬶᬄᬲᬸᬩᬜᬮᬦᬂᬧᬢᬢᬲ᭄ᬧᬘᬂᬦ᭄ᬮᬶᬓᬶᬦ᭄ᬓᬦ᭄ᬕᬭᬢᬦ᭄ᬓᭀᬘᬧ᭄ᬱᬸᬩᬫᬚᬮᬦ᭄᭟ᬚᬵᬕ᭄ᬓᬧ
ᬮᬾᬲᬕᬾᬢ᭄ᬓᬗᬫ᭄ᬩ᭄ᬬᬃᬗ᭄ᬩᭂᬓᬶᬦ᭄ᬧᬲᬶᬄᬓᭀᬭᬢᬸᬮᬾᬤᬂᬩᬸᬜᬶᬗᬓ᭄ᬓ᭄ᬜᭂᬫᬗᬦ᭄ᬤᬶᬓᬳᬭᬶᬲ᭄ᬮ᭄ᬯᬶᬃᬫᬢ᭄ᬭᬸᬄᬫᬥᬸᬕᭂᬦ᭄ᬤᬶᬲ᭄ᬚᬮᬄᬓᬾᬚᬕ᭄ᬚᬕᬶᬦ᭄ᬫᬮᬸᬢᬸᬗᬸᬭᬄᬫ᭄ᬧᭂᬲᬗ᭄ᬕᬵᬫᬩ᭄ᬭᬶᬬᬸᬓ᭄ᬱᬫᬶᬫᬵᬗᬶᬭᬶᬂᬲᬓ᭄ᬱᬡ᭄ᬦᬵᬭᬯᬸᬄᬤᬶᬩ᭄ᬬᬵᬲᬾᬫᬗᬫ᭄ᬩ᭄ᬬᬃ᭟ᬓᬨᬮᬾᬕᬗ᭄ᬲᬃᬫᬓᬶᬬᬂᬲᬸᬩᬦᬦ᭄ᬤᭂᬲ᭄ᬬᬤᬶᬲᬶ
ᬲᬶᬳᬶᬚᬸᬭᬕᬦ᭄ᬧᬤᬕᬾᬯᬃᬫᬫᬶᬢᭂᬳᬂᬭᭀᬤ᭄ᬥᬵᬕ᭄ᬮᬶᬲ᭄ᬗ᭄ᬩᭂᬢᬕᬂᬫᬗ᭄ᬕᬃᬕ᭄ᬮᬶᬲ᭄ᬫᬲᬗᭂᬂᬚᬵᬫ᭄ᬩᬢᬦ᭄ᬧᬸᬧᬸᬢ᭄ᬲᬶᬢᬸᬩᬦ᭄ᬤᬜᬍᬩᬢ᭄ᬢᬸᬤᬾᬅᬳᭀᬓᬢᬸᬤᬾᬅᬭᬳᬶᬫᬤᬩ᭄ᬤᬩᬦ᭄ᬢ᭄ᬥᬸᬦ᭄ᬗᬚᬓᬶᬦᬾᬧᬢ᭄ᬧᬢ᭄᭟ᬧᬢᬶᬄᬭᬢ᭄ᬣᬵᬫᬶᬯᬄᬭᭀᬩᬦ᭄ᬫᬩ᭄ᬭᬶᬬᬸᬓ᭄ᬧᬤᬫᬗᬶᬭᬶᬂᬲᬓ᭄ᬱᬡ᭄ᬦᬵᬭᬚᬸᬄ
Kaca:Bali-lontar-gaguritan-cokoratu-05-250ppi.pdf/36
Kaca puniki sampun kauji-wacén
