[᭑᭖ 16B]
᭑᭖
ᬓᬚᬯᬮ᭄ᬯᬲ᭄ᬫᬜᬸᬲᬸᬧ᭄᭞ᬭᬾᬄᬗᬶᬥᭂᬧᬂᬫᬸᬜᬶᬦ᭄ᬲᬩ᭄ᬥᬵ᭞ᬘᭀᬓᭀᬃᬤᬳᬓᬾᬄᬫ᭄ᬭᬶᬬᬸᬓᬶᬦ᭄᭟ᬲᬂᬓᬮᬶᬄᬳᬶᬓᬲᬳᬬᬵ᭞ᬳ᭄ᬬᬂᬚᬦᬶᬮᬓᬃᬫᬮᬓᬸᬧ᭄ᬮᬶᬄ᭞ᬭᬾᬳᬶᬂᬧᬦᬓ᭄ᬩᬓᬢᬫ᭄ᬩᬸᬲ᭄᭞ᬦᬶᬓᬵᬳᬶᬭᬵᬢ᭄ᬦᬚ᭄ᬯᬶᬢ᭄ᬣᬵ᭞ᬫᬸᬮᬶᬄᬢ᭄ᬬᬂᬮᬓᬃᬦᬸᬢᬸᬕ᭄ᬧᬦᬓ᭄ᬮᬫ᭄ᬧᬸᬲ᭄᭞ᬦᬾᬧ᭄ᬭᬕᬢ᭄ᬗᬳᬳᭀᬧᬵ᭞ᬦᬾᬫ
ᬗ᭄ᬓᬶᬦ᭄ᬮᬭᬫᬢᬶᬦ᭄ᬤᬶᬄ᭟ᬓᬤᬶᬫᬗ᭄ᬓᬶᬦ᭄ᬢ᭄ᬬᬂᬢ᭄ᬯᬦ᭄᭞ᬫᬦᬯ᭄ᬕᬂᬲᬵᬫ᭄ᬧᬸᬦ᭄ᬧᬶᬲᬦ᭄ᬫᬸᬲᬶᬗᬶᬦ᭄᭞ᬗᬢᬸᬭᬂᬧᬓᭀᬩᭂᬢ᭄ᬓᬬᬸᬦ᭄᭞ᬢ᭄ᬯᬦ᭄ᬳᬢᬸᬭᬶᬦ᭄ᬢ᭄ᬬᬂ᭞ᬫᬓᬃᬬ᭄ᬬᬦᬂᬳᭀᬫᬓ᭄ᬦᬶᬳᬕᬾᬧᬸᬧᬸᬢ᭄᭞ᬭᬾᬄᬧᬸᬦᬶᬓᬶᬲᬂᬧᬮᬢᬺ᭞ᬫᬫᬦᬄᬧᬸᬧᬸᬢ᭄ᬳᬶᬭᬶᬓᬶ᭟ᬫᬶᬦᬓᬤᬶᬢ᭄ᬬᬂᬢ᭄ᬯᬦ᭄᭞ᬓᬾᬦ᭄ᬓᬾᬦ᭄ᬳᬶᬧᬸᬦ᭄ᬓ᭄ᬦᬶᬧᬸᬧᬸ
ᬢ᭄ᬳᬶᬭᬶᬓᬶ᭞ᬢ᭄ᬬᬂᬮᬶᬦ᭄ᬢᬂᬲᬢᬸᬭᬸᬢ᭄᭞ᬭᬶᬂᬧᬦᬓ᭄ᬦᬾᬦ᭄ᬢᭂᬦ᭄ᬧᬶᬯᬮ᭄᭞ᬭᬚᬵᬳᬦ᭄ᬯᬫ᭄ᬢᬦ᭄ᬓᬤᬶᬳᬶᬤᬵᬳᬶᬤ᭄ᬯᬕᬸᬂ᭞ᬧᬸᬢᬺᬗ᭄ᬳᬶᬂᬳᬱ᭄ᬝ᭄ᬭᬫᬸᬲ᭄ᬢᬧᬵ᭞ᬳᬮᬄᬤᬸᬤᬸᬢ᭄ᬓᬬᬸᬦ᭄ᬯ᭄ᬬᬓ᭄ᬢᬶ᭟᭚ᬤᬹᬃᬫ᭄ᬫᬵ᭚ᬩᬸᬫ᭄ᬬᬃᬱᬶᬧᬗᬦ᭄ᬤᬶᬓᬦ᭄ᬳᬚᬶᬩ᭄ᬬᬂ᭞ᬗᬰᬶᬳᬲᬶᬄᬢᬦ᭄ᬲᬶᬧᬶ᭞ᬢᬸᬭᬶᬂᬫᬱᬲᬫ᭄ᬩᬢ᭄᭞ᬦᬯᬸᬳᬶᬦ᭄ᬗᬃ
ᬬ᭄ᬬᬳᭀᬫᬵ᭞ᬕ᭄ᬮᬶᬲ᭄ᬫ᭄ᬓᬸᬮ᭄ᬩ᭄ᬬᬂᬳᬚᬶ᭞ᬫᬢᬸᬃᬫᬫ᭄ᬮᬤ᭄᭞ᬲᬃᬯ᭄ᬯᬳᬤᬸᬮᬸᬃᬢᬗᬶᬲ᭄᭟ᬭᬢᬸᬤ᭄ᬯᬕᬸᬂᬧᬫᬸᬲ᭄ᬢᬶᬬᬦ᭄ᬲᬲᬸᬳᬸᬦᬦ᭄᭞ᬢᬦ᭄ᬲᬓᬾᬂᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬢᬸᬮᬓ᭄ᬭᬶᬂᬯᬘᬦ᭞ᬤᬾᬯᬕᬸᬂᬫᭂᬦ᭄ᬤᬯᬸᬳᬂ᭞ᬫᬓᬃᬬ᭄ᬬᬳᭀᬫᬳᬶᬭᬶᬓᬶ᭞ᬧᬫᬦᬄᬢᬶᬢ᭄ᬬᬂ᭞ᬧᬢᭂᬄᬳᬢᬹᬃᬲᬂᬓᬮᬶᬄ᭟ᬓᬤᬶᬫ
[᭑᭗ 17A]
ᬗ᭄ᬓᬶᬦ᭄ᬫᬦᬄᬢᬶᬢ᭄ᬬᬂᬫᬗᬺᬋᬳᬂ᭞ᬢᬫ᭄ᬩᬤᬸᬫᬸᬦ᭄ᬳᬶᬭᬶᬓᬶ᭞ᬦᬧᬶᬤᬤᭀᬲ᭄ᬢᬯᬃ᭞ᬳᬦᬓ᭄ᬘᭀᬓᭀᬃᬳᬶᬤᬾᬯᬵ᭞ᬲᬂᬧᬮᬢ᭄ᬭᬫᬓᬓᬮᬶᬄ᭞ᬤᬸᬫᬤᬓ᭄ᬱᬶᬤ᭄ᬥᬵ᭞ᬯᬾᬦ᭄ᬢᭂᬦ᭄ᬧᬲ᭄ᬯᬾᬘ᭄ᬙᬵᬦ᭄ᬯᬶᬥᬷ᭟ᬬᬦ᭄ᬢᬦ᭄ᬲᬶᬤᬵᬢᬶᬢ᭄ᬬᬂᬗᬶᬭᬶᬂᬗᬃᬬ᭄ᬬᬳᭀᬫᬵ᭞ᬲᬂᬓᬮᬶᬄᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬭᬶᬂᬫᬧᬸᬧᬸᬢᬦ᭄᭞ᬧᬸᬧᬸᬢ᭄ᬗᬳᬶᬂᬳᭀ
ᬫᬵ᭞ᬧᬤᬓᬕ᭄ᬬᬢ᭄ᬲᬂᬫ᭄ᬬᬃᬱᬶ᭞ᬳᬢᬸᬃᬢ᭄ᬯᬦ᭄ᬭᬚᬵ᭞ᬭᬚᬫᬸᬱ᭄ᬝᬧᬫᬮᬶᬄ᭟ᬧᬘᬂᬩᬬᬭᬶᬂᬳᭀᬓᬵᬲᬦᬾᬧᬮᬢᬺ᭞ᬕ᭄ᬮᬶᬲ᭄ᬳᬶᬤ᭄ᬯᬕᬸᬂᬫᬗ᭄ᬓᬶᬦ᭄᭞ᬫ᭄ᬓᬸᬮ᭄ᬭᬚᬵᬳᬦ᭄ᬯᬫ᭄᭞ᬓᬮᬶᬄᬳᬶᬤ᭄ᬯᬕᬸᬂᬧᬸᬢ᭄ᬭ᭞ᬫᬸᬲ᭄ᬢᬧᬓᬧᬶᬦᭂᬄᬳᬲᬶᬄ᭞ᬯᬶᬢ᭄ᬢ᭄ᬓᬾᬂᬋᬤ᭄ᬥᬵ᭞ᬳᬤ᭄ᬯᬕᬸᬂᬲᬋᬂᬲᬫᬶ᭟ᬫᬗᬦ᭄ᬤᬸᬓᬵᬲᬳᬢᬗᬶ
ᬲ᭄ᬫᭂᬕᬢ᭄ᬫᭂᬕᬢ᭄᭞ᬧᬢᭂᬄᬧᬦ᭄ᬤᬶᬓᬵᬲᬫᬶ᭞ᬦᬓᬕᬸᬂᬢ᭄ᬯᬭᬚᬵ᭞ᬳᬭᬄᬦᬧᬶᬯᬱ᭄ᬝᬜ᭞ᬢᭀᬂᬩᬱᬢ᭄ᬬᬂᬗᭂᬦ᭄ᬳᬶᬦ᭄᭞ᬧᭂᬦ᭄ᬤᭂᬓᬦ᭄ᬢ᭄ᬯᬦ᭄᭞ᬦᬓᬕᬸᬂᬫᬶᬦᬓᬤᬶ᭟ᬓᬢ᭄ᬮᬜ᭄ᬚᬸᬃᬦᬶᬓᬵᬕᬸᬫᬶᬦᬾᬓᬃᬓᬸᬤ᭄ᬬᬂ᭞ᬢ᭄ᬯᬦᬕᬶᬄᬦᬶᬗ᭄ᬕᬮᬶᬦ᭄᭞ᬓᬮᬶᬄᬫᬄᬢ᭄ᬬᬄ᭞ᬦᬓᬕᬸᬂᬳᬚᬶᬩ᭄ᬬᬂ᭞ᬢᭂᬦ᭄ᬧᭂᬤᬍᬫ᭄ᬓᬮ᭄ᬦᬶᬗ᭄ᬓ
ᬮᬶᬦ᭄᭞ᬦᬧᬶᬯᬱ᭄ᬝᬜ᭞ᬲᬂᬓᬮᬶᬄᬫᭂᬧᭂᬲ᭄ᬫᬮᬶᬄ᭟ᬳᬢᬸᬃᬧᬢᭂᬄᬭᬵᬢᬸᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬶᬲᬦ᭄᭞ᬧᬘᬂᬓᬩᬦ᭄ᬥᬵᬕᬸᬫᬶ᭞ᬲᬓᬮᬶᬄᬭᬵᬚᬩ᭄ᬭᬡᬵ᭞ᬲᬓᬮᬶᬄᬳ᭄ᬫᬄᬢ᭄ᬬᬄ᭞ᬲᬫᬶᬗᬫᭂᬮ᭄ᬧᬸᬮᬵᬓᬺᬢᬶ᭞ᬲᬫᬶᬗᬯᬘᬧ᭄᭞ᬲᬯᭀᬲᬯᭀᬲ᭄ᬧᬫᬃᬕ᭄ᬕᬶ᭟ᬳᬶᬤᬾᬯᬕᬸᬂᬢᬦ᭄ᬧ᭄ᬕᬵ
Kaca:Bali-lontar-gaguritan-cokoratu-01-250ppi.pdf/17
Kaca puniki sampun kauji-wacén
