[ ᭒᭙ 29B]
᭒᭙᭞
ᬓᬾᬂᬳᬸᬢᬸᬲᬦ᭄᭞ᬳᬶᬤᬲᬂᬧ᭄ᬭᬪᬸᬮᬶᬗ᭄ᬲᬶᬃ᭟᭖᭟ᬓᬦ᭄ᬤᬶᬓᬬᬂᬗ᭄ᬭᬸᬲᬓ᭄ᬭᬳᬤᬾᬦ᭄ᬤᬾᬯ᭄ᬬ᭞ᬫᬓᬤᬶᬤᬾᬯᬵᬕᬸᬗᬮᬶᬢ᭄᭞ᬓᬦ᭄ᬢᭂᬦ᭄ᬕ᭄ᬦᬄᬭᬸᬲᬓ᭄᭞
ᬫᬯᬲ᭄ᬢᬧᬦ᭄ᬤᬦ᭄ᬲ᭄ᬓᬃ᭞ᬲᬶᬲᬶᬦ᭄ᬪᬗᬯᬦᬾ ᬓᬗᬶᬦ᭄᭞ᬢ᭄ᬮᬲ᭄ᬓᬢᬸᬭᬂ᭞ᬲᬳᬳᬸᬦᬶᬦᬶᬂᬢᬸᬮᬶᬲ᭄᭟᭗᭟ᬭᬵᬤᬾᬦ᭄ᬫᬦ᭄ᬢ᭄ᬭᬶᬧ᭄ᬤᬲ᭄ᬳᬶᬫᬫᬶᬋᬗᬂ᭞ᬫᬓᬤᬶᬲ᭄ᬯᬭ
ᬦ᭄ᬢᬸᬮᬶᬲ᭄᭞ᬋᬲᭂᬧ᭄ᬫᬸᬗ᭄ᬕ᭄ᬯᬶᬂᬳᬶᬤ᭞ᬫ᭄ᬦᭂᬂᬩ᭄ᬗᭀᬂᬓᬫ᭄ᬧᬼᬕᬦ᭄᭞ᬢᭀᬬᬦ᭄ᬳᬓ᭄ᬱᬶᬦᬾᬤᬺᬲ᭄ᬫᬶᬚᬶᬮ᭄᭞ᬭᬭᬶᬲ᭄ᬗᬦ᭄ᬤᬶᬓᬩᬶᬄᬳᬶᬩᬧᬥᬤᬶᬦᬶ᭟᭘᭟ᬓ᭄ᬫᬧᬋ
ᬓ᭄ᬳᬢᬸᬭᬂᬢ᭄ᬓᬾᬦ᭄ᬲᬂᬦᬵᬣ᭞ᬳᬢᬸᬭᬂᬓᬳᬶᬚᬦᬶ᭞ᬫᬧᬫᬶᬢ᭄ᬲᬧᬶᬲᬦ᭄᭞ᬳᬓᬾᬢᭀᬦᬄᬳᬶᬩᭂᬢᬂ᭞ᬳᬦᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬧᬸᬦ᭄ᬢᬓᬃᬣᬮ᭞
[ ᭓᭐ 30A]
ᬫᬫ᭄ᬓᬸᬮ᭄ᬭᬵᬤᬾᬦ᭄ᬫᬦ᭄ᬢ᭄ᬭᬶ᭟᭙᭟ᬭᬢᬸᬤᬾᬯᬵᬕᬸᬂᬳᬾᬮᬶᬗᬂᬓᬸᬤᬳᬾᬮᬶᬗᬂ᭞ᬤᬾᬯᬵᬕᬸᬂᬢᬦ᭄ᬜᬯᬸᬭᬶᬦ᭄᭞ᬚᬕ᭄ᬭᬭᬶᬲ᭄ᬫᬫᬵᬃᬕ᭄ᬕ᭞ᬳᬶᬧᬸᬦ᭄ᬢᬮᬦ᭄ᬓᬃᬣᬮ᭞
ᬢᬦ᭄ᬓᬾᬲᬄᬮᬓᬸᬦᬾᬗᬶᬭᬶᬂ᭞ᬩᬢᭂᬓᬶᬂᬢᬺᬱ᭄ᬡ᭞ᬢᬦ᭄ᬓᭀᬘᬧ᭄ᬳᬦᬾᬂᬫᬃᬕ᭄ᬕᬶ᭟᭑᭐᭟ᬲᬵᬫ᭄ᬧᬸᬦ᭄ᬭᬯᬸᬄᬤᬾᬯᬵᬕᬸᬂᬭᬶᬂᬧᬦ᭄ᬤᬦ᭄ᬲ᭄ᬓᬃ᭞ᬓᬧᬗ᭄ᬕᬶᬄᬤᬸᬓᬸᬄᬳᬶᬲ᭄ᬢ᭄ᬭᬶ᭞
ᬗ᭄ᬮᬶᬂᬫᬲᬲᬫ᭄ᬩᬢᬦ᭄᭞ᬦ᭄ᬤᬸᬮᬫᬾᬭᬵᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬓᬮᬶᬄᬳᬶᬤᬤᬾᬯᬕᬸᬂᬳᬶᬲ᭄ᬢ᭄ᬭᬷ᭞ᬲᬫ᭄ᬩᬶᬮ᭄ᬫᬗᭂᬫ᭄ᬩᬦ᭄᭞ᬤᬾᬯᬵᬕᬸᬂᬧᬸᬢ᭄ᬭᬳᬮᬶᬢ᭄᭟᭑᭑᭟ᬭᬵᬤᬾ
ᬦ᭄ᬫᬦ᭄ᬢ᭄ᬭᬶᬦᬗᬶᬲ᭄ᬲᬃᬯ᭄ᬯᬶᬗᬦ᭄ᬤᬶᬓ᭞ᬤᬸᬄᬩᬶᬩᬶᬤᬸᬓᬸᬄᬳᬶᬲ᭄ᬢ᭄ᬭᬶ᭞ᬤᬶᬚᬭᬵᬤᬾᬦ᭄ᬤᬾᬯ᭄ᬬ᭞ᬲᬫ᭄ᬩᬶᬮ᭄ᬫᬗᬫ᭄ᬩᬶᬮ᭄ᬫᬗᬫ᭄ᬩᬶᬮ᭄ᬧᬸᬢ᭄ᬭ᭞ᬦᬶᬤᬸᬓᬸᬄᬫᬢᬸᬃᬫᬗ᭄ᬮᬶᬂ᭞ᬲᬵᬫᬵᬧᬸᬦ᭄ᬤᬾᬯᬵ
Kaca:Bali-lontar-gaguritan-cilinaya-01-350ppi.pdf/30
Kaca puniki sampun kauji-wacén
