[ ᭑᭐ 10B]
᭑᭐᭞
ᬩ᭄ᬤ᭞ᬢ᭄ᬯᬶᬲᬚᬩᬶᬩᬶᬢ᭄ᬦ᭄ᬤᬸᬄ᭞ᬧᬸᬢ᭄ᬭᬶᬦ᭄ᬭᬢᬸᬦᬾᬤᬶᬚᬳ᭞ᬓᬸᬤᬕᬸᬲ᭄ᬢᬶ᭞ᬢᬸᬢᬸᬭᬂᬢ᭄ᬓᬾᬦᬶᬂᬢᬶᬢ᭄ᬬᬂ᭟᭒᭗᭟ᬦᬶᬤᬸᬓᬸᬄᬲᬶᬲᬶᬤ᭄ᬦᬓᭀᬦᬂ᭞ᬗᬦ᭄ᬤᬶᬓᬭᬳ
ᬤᬾᬦ᭄ᬤᬾᬯᬷ᭞ᬦᬗ᭄ᬳᬶᬂᬳ᭄ᬤᬩᬶᬩᬶᬯᬾᬭ᭞ᬲᬗ᭄ᬲᬭᬦᬶᬭᬦᬾᬫᬸᬧᬸᬢ᭄᭞ᬳᬸᬮᬶᬩᬸᬫᬭᬫᬜ᭄ᬚᬦ᭄ᬫ᭞ᬓᬬᬂᬚᬦᬶ᭞ᬦᬶᬭᬫᬦᬦ᭄ᬤᬂᬤᬸᬄᬓᬶᬢ᭟᭒᭘᭟ᬳᬶᬭ
ᬳᬶᬕᬮᬸᬄᬤᬶᬤᬳᬵ᭞ᬇᬦᬶᬲᬋᬂᬩ᭄ᬬᬂᬲᭀᬭᬶ᭞ᬓᬓᬸᬢᬂᬢ᭄ᬗᬳᬶᬗᬮᬲ᭄᭞ᬧᬕᬯᬾᬦ᭄ᬳᬶᬩᬶᬩᬶᬮᬶᬓᬸ᭞ᬳᬾᬮᬶᬂᬭᬶᬂᬩ᭄ᬬᬗᬾᬲᬾᬤ᭞ᬭᬭᬶᬲ᭄ᬦᬗᬶᬲ᭄᭞
ᬭᬵᬤᬾᬦ᭄ᬤᬾᬯᬷᬜᭂᬮ᭄ᬲᭂᬮ᭄ᬭᬵᬕ᭟᭒᭙᭟ᬦᬶᬤᬸᬓᬸᬄᬓᬗᭂᬦ᭄ᬦᬶᬗᭂᬳᬂ᭞ᬕᭂᬤᭂᬕ᭄ᬬᬩᬋᬂᬫᬗ᭄ᬓᬶᬦ᭄᭞ᬫᬫ᭄ᬓᬸᬮ᭄ᬭᬳᬤᬾᬦ᭄ᬤᬾᬯ᭄ᬬ᭞ᬤᬸᬄᬫᬵᬲ᭄ᬢᬶᬭᬄᬤᬾᬭᬢᬸ᭞
[ ᭑᭑ 11A]
ᬗᬸᬤᬮᬮᬶᬲᬂᬦᬵ ᬣ᭞ᬳᬤᬸᬄᬕᬸᬲᬶ᭞ᬮᬲ᭄ᬗᬸᬢᬂᬘᭀᬓᭀᬭᬶᬤᬾᬯ᭟᭓᭐᭟ᬭᬳᬤᬾᬦ᭄ᬕᬮᬸᬄᬳᬗᬸᬘᬧ᭄᭞ᬭᬾᬄᬧᬜᬢ᭄ᬭᬶᬦ᭄ᬲᬂᬳ᭄ᬬᬂᬯᬶᬥᬶ᭞ᬳᬤᬳ
ᬗ᭄ᬕᬾᬦ᭄ᬲᬲᬫ᭄ᬩᬢᬦ᭄᭞ᬉᬗ᭄ᬕᬸᬳᬂᬭᬶᬂᬓᬯᬶᬓᬶᬤᬸᬂ᭞ᬤᬤᬶᬧᬳᬸᬘᬧᬦ᭄ᬚᬕᬢ᭄᭞ᬓᬾ ᬢᭀᬩᬶᬩᬶ᭞ᬳ᭄ᬤᬲᬗᭂᬢ᭄ᬫᬦᬦ᭄ᬤ᭄ᬭᬸᬳᬂ᭟᭓᭑᭟ᬕᬦ᭄ᬢᬶᬕᬸᬫᬶᬦ᭄ᬢᬶ
ᬢᬶᬦᬓ᭄ᬯᬦ᭄᭞ᬫᬾᬄᬲᬸᬫᬸᬭᬸᬧ᭄ᬳ᭄ᬬᬂᬢ᭄ᬭᬶᬭᬰ᭄ᬫᬶ᭞ᬳᬦᬯᬶᬦᬃᬱᬶᬢᬫᬸᬯᬄ᭞ᬭᬢᬸᬳᬕᬸᬂᬢᬸᬭᬶᬂᬯᬶᬪᬸᬄ᭞ᬭᬢᬸᬭᬶᬂᬚᬗ᭄ᬕᬮᬦᬵᬣ᭞ᬧ᭄ᬭᬫᬾᬰ᭄ᬯᬭᬷ᭞ᬳ
ᬧᬸᬢ᭄ᬭᬮᬦᬂᬲᬦᬸᬗ᭄ᬕᬮ᭄᭟᭓᭒᭟ᬧ᭄ᬲᬾᬗᬦ᭄ᬚᬬᬲ᭄ᬫᬭ᭞ᬳᬦᭀᬫ᭄ᬯᬃᬡ᭄ᬦᬮᬶᬦ᭄ᬢᬂᬧ᭄ᬓᬶᬓ᭄᭞ᬢᬸᬮ᭄ᬬᬓᬤᬶᬲᬂᬳ᭄ᬬᬂᬲ᭄ᬫᬭ᭞ᬓᬾ ᬫᬦ᭄ᬭᬶᬂᬳᬶᬤᬲᬂᬧ᭄ᬭᬪᬸ᭞
Kaca:Bali-lontar-gaguritan-cilinaya-01-350ppi.pdf/11
Kaca puniki sampun kauji-wacén
