[ ᭑᭔ 14B]
᭑᭔᭞
ᬭᬸᬧ᭄᭞ᬢᬦ᭄ᬫᬓᬦ᭄ᬢᭂᬦ᭄ᬲᬫ᭄ᬧᬸᬦ᭄ᬢᭂᬮᬲ᭄᭟᭐᭟ᬦᬭᬦᬵᬣᬫᬯᬘᬦ᭞ᬦᬾ ᬩᬶᬦ᭄ᬧᬸᬯᬦ᭄ᬘᬳᬶᬫᬸᬮᬶᬄ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬦᭂᬫ᭄ᬩᬄ᭞ᬢᬶᬢ᭄ᬬᬂᬲᬦ᭄ᬤᬶᬓᬦ᭄ᬲᬗᬚᬶ᭞ᬲᬶᬓᬸᬢ᭄ᬧ
ᬬᬚ᭄ᬜᬦᬾᬫᬦᬶ᭞ᬫᬗᬶᬭᬶᬂᬳᬶᬤᬲᬂᬯᬶᬓᬸ᭞ᬳᬧᬂᬳᬾᬗ᭄ᬕᬮ᭄ᬯᬗᬸᬦ᭄ᬓᬸᬡ᭄ᬥ᭞ᬗᬯᬶᬢ᭄ᬜᬫ᭄ᬩᬸᬢ᭄ᬓᬃᬬ᭄ᬬᬲᬫᬶ᭞ᬓᭂᬦᭂᬄᬩᬧ᭞ᬳᬾᬦᬵᬕ᭄ᬕᬮ᭄ᬧᬘᬂᬫᬫᭂᬮᬲ᭄ᬧᬲ᭄᭟᭐᭟ᬲᬂᬦᬵᬣᬭᬭᬶ
ᬲ᭄ᬓᬧᬸᬭ᭞ᬯᭀᬂᬢᬗ᭄ᬓᬶᬮᬦ᭄ᬩᬸᬩᬃᬲᬫᬶ᭞ᬲᬂᬥᬃᬫ᭄ᬫᬬᬸᬤ᭄ᬥᬓᬧᭀᬦ᭄ᬤᭀᬓ᭄᭞ᬭᬶᬂᬳᬶᬧᬢᬶᬄᬫᬗ᭄ᬓᬸᬪᬸᬫᬶ᭞ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬯᭂᬗᬶ᭞ᬩᬾᬦᬵᬚᬂᬧᬲᭂᬫᭂᬗᬦ᭄ᬩᬗᬸᬦ᭄᭞ᬗᬭ
ᬭᬶᬲ᭄ᬜᬸᬭᬢ᭄ᬧᬬᬚ᭄ᬜᬵᬦ᭄᭞ᬫᬗᬶᬭᬶᬂᬳᬶᬤᬲᬂᬋᬱᬶ᭞ᬫᬦᬯᬲᬾᬦ᭄᭞ᬧᬘᬂᬫᬗ᭄ᬯᬗᬸᬦᬂᬓᬸᬡ᭄ᬥ᭟᭐᭟ᬲᬫ᭄ᬧᬸᬦ᭄ᬢᭂᬗᬳᬶᬭᬭᬶᬲ᭄ᬩᬸᬤᬮ᭄᭞ᬲᬋᬂᬧᬢᬶᬄᬫᬗ᭄ᬓᬸᬪᬸᬫᬶ᭞ᬭᬭᬶ
[ ᭑᭕ 15A]
ᬲ᭄ᬓᬧᭀᬦ᭄ᬤᭀᬓ᭄ᬗᬚᭂᬗᬂ᭞ᬧᬢᬫ᭄ᬬᬦᬾᬳᬍᬧ᭄ᬳᬰ᭄ᬭᬶ᭞ᬳᬭᬓ᭄ᬩᭂᬋᬫᬾᬢᬸᬫᬶᬦ᭄ᬤᬶᬄ᭞ᬳᬾᬦᬓ᭄ᬤᬶᬦᬭᬳᬦᬬᬸᬩ᭄᭞ᬓᭀᬧᬶᬮᬦ᭄ᬲᬲᬗᬦᬦ᭄᭞ᬯ᭄ᬯᬂᬚᭂᬭᭀᬲᬫᬶ
ᬗᬬᬳᬶᬦ᭄᭞ᬳᬰ᭄ᬭᬶᬳᬮᬸᬲ᭄᭞ᬧᬘᬵᬭᬳᬬᭀᬥ᭄ᬬᬧᬸᬭ᭟᭐᭟ᬯᬸᬲ᭄ᬧᬘᬵᬭᬤᬯᬸᬄᬮᬶᬫ᭞ᬲᬂᬥᬃᬫ᭄ᬫᬬᬸᬤ᭄ᬥᬦᬗ᭄ᬓᬶᬮ᭄᭞ᬲᬋᬂᬧᬢᬶᬄᬲᬸᬭᬚᬬ᭞ᬰ᭄ᬭᬶᬦᬭᬾᬦᬵᬤ᭄ᬭᬦᬸ
ᬮᬶᬫᬶᬚᬶᬮ᭄᭞ᬧᭂᬧᭂᬓ᭄ᬪᬸᬚᬗ᭄ᬕᬋᬱᬶ᭞ᬲᬂᬦᬵᬣᬗᬦ᭄ᬤᬶᬓᬳᬮᬸᬲ᭄᭞ᬘᬳᬶᬧᬢᬶᬄᬗᬯᬶᬮᬗᬂ᭞ᬩᭂᬮᬶᬧᬘᬂᬗ᭄ᬯᬗᬸᬦ᭄ᬋᬱᬶ᭞ᬫᬪᭀᬚᬦ᭞ᬫᬦᬸᬳᬸᬃᬧᬤᬡ᭄ᬥᬧᬢ᭄ᬧᬢ᭄
᭟᭐᭟ᬳᭂᬦᬾᬘᬳᬶᬥᬃᬫ᭄ᬫᬬᬸᬤ᭄ᬥ᭞ᬜᬮᬄᬘᬳᬶᬧᬘᬂᬫᬸᬮᬶᬄ᭞ᬤᬶᬲᬸᬳᬸᬤ᭄ᬫᬗᬺᬲᬶᬄᬩᬧᬵᬤᬶᬢᬸᬲᬳᬶᬮᬯᬸᬢ᭄ᬫᬸᬮᬶᬄ᭞ᬲᬂᬥᬃᬫ᭄ᬫᬬᬸᬤ᭄ᬥᬫᬢᬸᬃᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬗᬶ
Kaca:Bali-lontar-gaguritan-candi-kusuma-a-300ppi.pdf/15
Kaca puniki sampun kauji-wacén
