[᭖ 6B]
᭖
᭞ᬤᭂᬓ᭄ᬤᭂᬓ᭄ᬓᬳ᭄ᬬᬸᬦᬾᬓᬤᬸᬭᬸᬲ᭄᭞ᬳᬶᬤᬇᬲ᭄ᬢ᭄ᬭᬶᬲᬶᬦᬫᬶᬬᬦ᭄᭞ᬳᬓᬧᭂᬢᬦ᭄ᬳᬶᬤᬮᬮᬶᬫᬧᬸᬭᬸᬘᬸᬢ᭄᭞ᬬᬦ᭄ᬧᬓ᭄ᬱᬫᬮᬶᬄᬲᬂᬲᬵᬫ᭄ᬩ᭞ᬓᬢᬸᬯᭀᬦ᭄ᬫᬭᬕᬢᬧ᭄ᬧᬶ᭟
ᬧᬤᬡ᭄ᬥᬲᬵᬫᬶᬜᬭᬸᬯᬂ᭞ᬫᬋᬓ᭄ᬳᬶᬤᬲᬂᬭᬵᬚᬧᬸᬢ᭄ᬭᬫᬧ᭄ᬓᬶᬓ᭄᭞ᬯᬃᬡ᭄ᬦᬦᬾᬮ᭄ᬯᬶᬃᬳ᭄ᬬᬂᬗᬢᬦᬸ᭞ᬋᬫ᭄ᬧᬸᬄᬫᬦᬳᬶᬂᬧᬯᬾᬲ᭄ᬢ᭄ᬭ᭄ᬬ᭞ᬕᬢ᭄ᬭᬦᬾᬯᬮᬸᬬᬓᬤᬶᬫᬵᬲ᭄ᬢᬸᬃᬮᬸᬭᬸ᭞ᬘᬘᬶ
ᬗᬓᬾᬜᭂᬜᭂᬃᬕᬮᬓ᭄᭞ᬮ᭄ᬯᬶᬃᬦ᭄ᬬᬫᭂᬫᬥᬸᬕᭂᬦ᭄ᬤᬶᬲ᭄᭟ᬯᬃᬡ᭄ᬦᬦᬾᬤᬾᬯᬲᬓᬵᬮ᭞ᬢᬸᬳᬸᬢᬸᬯᬥᬃᬫ᭄ᬫᬵᬤᬾᬯᬗ᭄ᬭᬕᬦᬶᬦ᭄᭞ᬢᬶᬦᬫ᭄ᬬᬸᬲᬂᬲᬵᬫ᭄ᬩᬤᬶᬢᬸ᭞ᬤᬾᬦᬶᬂᬯᬢᭂ
ᬓ᭄ᬧᬡ᭄ᬥᬶᬣᬵ᭞ᬲᬾᬮᬚᬕᬸᬂᬲᬩ᭄ᬭᬂᬓ᭄ᬮᬤᬶᬦᬾᬓᬶᬦᬸᬮᬸᬲ᭄᭞ᬳᬾᬦᬓ᭄ᬧᭀᬮᬳᬾᬫᬚᭂᬗᬦ᭄᭞ᬫᬾᬄᬲᬸᬫᬸᬭᬸᬧ᭄ᬲᬗ᭄ᬳ᭄ᬬᬂᬭᬯᬶ᭟ᬲᬂᬭᬵᬚᬧᬸᬢᬺᬲᬵᬫ᭄ᬩ᭞ᬫᬦᬸᬕᭂᬲᬂᬭᬶᬂᬳᬶᬤ
[᭗ 7A]
ᬕ᭄ᬤᬾᬲᬵᬫᬶ᭞ᬦᬶᬓᬳᬶᬦ᭄ᬧᬸᬢᬸᬦ᭄ᬲᬂᬯᬶᬓᬸ᭞ᬳᬶᬲᬢ᭄ᬭᬸᬫᬧᬧᬭᬦ᭄᭞ᬳᬫ᭄ᬩᬸᬮ᭄ᬢᭀᬲᬂᬲᬵᬫ᭄ᬩᬫᬦᬸᬦᬲᬂᬤᬶᬢᬸ᭞ᬪᬕᬯᬦ᭄ᬲᬵᬫᬶᬗᬦ᭄ᬤᬶᬓ᭞ᬯᬯᬸᬲᬦ᭄ᬤᬾᬓᬵᬮᬧ᭄ᬭᬧ᭄ᬢᬶ᭟ᬳᬶᬬᬢ᭄ᬓ
ᬗ᭄ᬭᬸᬱᬓ᭄ᬧᬢᬧᬦ᭄᭞ᬲ᭄ᬥᭂᬓᬦ᭄ᬩᬵᬧᬤᬶᬢᬸᬫᬫᭀᬡᬲᬵᬫᬶ᭞ᬤᬶᬢᬸᬳᬶᬧᬸᬦ᭄ᬧᬥᬗᬫᬹᬓ᭄᭞ᬳᬤᭂᬗᬫᬸᬜ᭄ᬬᬂᬢᬗᬸᬭᬦ᭄᭞ᬳᬫ᭄ᬩᬸᬮ᭄ᬢᭀᬧᬤᬡ᭄ᬥᬦᬃᬕ᭄ᬕᬬᬂᬤᬶᬢᬸ᭞ᬫ
ᬓᬮ᭄ᬬᬩ᭄ᬧᬢᭂᬂᬳᬚᬦ᭄᭞ᬲᬸᬃᬬ᭄ᬬᬓ᭄ᬜᬵᬦᬾᬲᬤ᭄ᬥᬢᬭᬶᬓ᭄᭟ᬲᭀᬭᭀᬄᬳᬶᬭᬓ᭄ᬱᬲᬦᬶᬱ᭄ᬢᬵ᭞ᬲᬮ᭄ᬬᬸᬦ᭄ᬜᭂᬓᬓᭂᬜ᭄ᬘᬦ᭄ᬘᭀᬭᬳᬾᬲᬵᬫᬶ᭞ᬲᬂᬲᬵᬫ᭄ᬩᬧ᭄ᬭᬬᬢ᭄ᬦᬤᬶᬢᬸ᭞ᬢ᭠
ᬗ᭄ᬕᬂᬲᬂᬬᬥᬸᬯᬗ᭄ᬱ᭞ᬫᭂᬦ᭄ᬢᬂᬧᬦᬄᬫᬚᬸᬚᬸᬓ᭄ᬭᬶᬂᬭᬢ᭄ᬣᬦ᭄ᬳᬶᬧᬸᬦ᭄᭞ᬲᬂᬭᬵᬚᬧᬸᬢᬺ᭠ᬲᬵᬫ᭄ᬩ᭞ᬋᬗᬸᬗᬤᭂᬕᬾᬂᬧᬤᬢᬶ᭟ᬫᬕᬶᬬᬢ᭄ᬫᬵᬫᭂᬦ᭄ᬢᬂᬧᬦᬄ᭞ᬯᬚᬦ᭄ᬜᬦᬾᬫᬓ᭄ᬮᬾᬧ᭄ᬫ
Kaca:Bali-lontar-gaguritan-boma-300ppi.pdf/7
Kaca puniki sampun kauji-wacén
