[᭖᭐ 60B]
᭖᭐
ᬮ᭄ᬕᬶᬤᬦᬾᬲᬂᬓᬺᬱ᭄ᬡᬵ᭞ᬲᬶᬦᬸᬭᬢ᭄ᬕᬵᬭᬸᬥᬍᬯᬶᬄ᭞ᬫᬢᬫ᭄ᬧᬶᬕ᭄ᬘᬦ᭄ᬮᬃ᭞ᬯᬶᬫᬦᬤᬳᬢᬶᬂᬕᬮᬓ᭄᭞ᬲᬂᬦᬵᬣᬫᭂᬡ᭄ᬥᭂᬓ᭄ᬚᬜᬩᬶᬢ᭄᭞ᬘᬓᬺᬧ᭄ᬭᬤᬶᬧ᭄ᬢ᭞ᬲᬶᬧᬤ᭄ᬫᬵ
ᬦᬩᬧᬶᬦ᭄ᬤ᭄ᬭᬶᬄ᭟ᬤᬤᬶᬕᬳ᭄ᬮᬶᬲ᭄ᬲᬂᬦᬵᬣᬯᬶᬫᬦᬲᬶᬦᬓᬺ᭞ᬲᬢᬸᬲᬦ᭄ᬚᬦᬶᬫᬶᬚᬶᬮ᭄᭞ᬘᬓᬺᬫᬦᬓ᭄ᬳᬦᬓ᭄᭞ᬓᬾᬢᭂᬃᬧᬸᬦᬂᬯᬶᬫᬦᬵ᭞ᬘᬓ᭄ᬭᬦᬾᬮ᭄ᬯᬶᬃᬤᬤᬮᬶ
᭞ᬲᬵᬫᬶᬤᬸᬫᬶᬮᬄ᭞ᬲᬓᬶᬂᬢᬗᬦ᭄ᬤ᭄ᬭᬧᬢᬶ᭟ᬤᬤᬶᬜᬓ᭄ᬦᬩᬯᭀᬂᬜᬦᬾᬧᭂᬕᬢ᭄᭞ᬲᬂᬪᭀᬫᬤᬲ᭄ᬫᬵᬗᭂᬫᬲᬶᬦ᭄᭞ᬳᬬ᭄ᬯᬳᬓᭂᬧᬢᬦ᭄᭞ᬫᬢᬗ᭄ᬓᬶᬲ᭄ᬳᬦ᭄ᬢᬸᬓ᭄ᬮ᭠
ᬗ᭄ᬓᬧ᭄᭞ᬮᬗ᭄ᬓᬧᬾᬢᬕᭂᬮ᭄ᬦᬾᬫᬦ᭄ᬓᬶᬦ᭄᭞ᬓ᭄ᬦᬵᬓᬘᬶᬦᬓᬺ᭞ᬭᬶᬂᬲᬂᬦᬵᬣᬳᬭᬶᬫᬹᬃᬣᬶ᭟ᬲᬂᬦᬭᬓᬫᬓᭂᬘᭀᬲ᭄ᬦᬶᬗ᭄ᬕᬮ᭄ᬯᬶᬫᬦᬵ᭞ᬯᬶᬫᬦᬯᬸᬲ᭄ᬗᭂᬫᬲᬶᬦ᭄᭞ᬫᬸ
[᭖᭑ 61A]
ᬭᬂᬓᬂᬗᬾᬍᬫᬄ᭞ᬤᬾᬦᬶᬂᬓᬾᬢᭀᬲᬂᬪᭀᬫ᭞ᬫᬓᭂᬩᬸᬃᬫ᭄ᬫᬵᬗᬸᬗ᭄ᬲᬶᬮᬗᬶᬢ᭄᭞ᬤᬳᬢ᭄ᬗᬖᬍᬫᬶᬦ᭄ᬤᬸᬳᬸᬃᬢᬦ᭄ᬳᬶᬦᬓ᭄ᬱᬶ᭟ᬲ᭄ᬯᬭᬦ᭄ᬜᬦᬾᬫᬗ᭄ᬭᬓ᭄ᬫᬵᬓᭀᬦ᭄ᬧ᭄ᬭᬬ
ᬢ᭄ᬦᬵ᭞ᬗᬸᬦ᭄ᬤᬲ᭄ᬬᬫᭀᬖᬰᬓ᭄ᬢᬶ᭞ᬕ᭄ᬦᬶᬦ᭄ᬬᬮᬸᬫᬭᬧ᭄᭞ᬯᬮᬸᬬᬫᭂᬓᬤᬶᬮᬧ᭄᭞ᬳᬓᬸᬬᭂᬗᬦ᭄ᬫᬵᬭᬶᬮᬗᬶᬢ᭄᭞ᬲᬂᬦᬵᬣᬋᬱ᭄ᬡᬵ᭞ᬰᬶᬖᬺᬗᬥᭂᬕᬾᬂᬧ᭄ᬥᬣᬶ᭟ᬦᭀ
ᬭᬫᬋᬦ᭄ᬲᬂᬦᬵᬣᬫᬗᬸᬦ᭄ᬤᬘᬓᬺ᭞ᬫᬘᬶᬗᬓᬦ᭄ᬫᬵᬭᬶᬂᬮᬗᬶᬢ᭄᭞ᬩᬶᬗᬃᬭᬶᬂᬣᬣᬦ᭄ᬬ᭞ᬫᬕᬸᬢᬶᬓ᭄ᬱ᭄ᬩᬦᬾᬳᬸᬮᬢ᭄᭞ᬯᬬᬳᬧᬸᬣᬭᬳᬕ᭄ᬦᬶ᭞ᬕᭂᬂᬦᬶᬂᬩ᭄ᬭᬵᬳ᭄ᬫᬦ᭄ᬢ᭄ᬬ᭞ᬮ᭄ᬯᬶᬃ
ᬧᬃᬯ᭄ᬯᬢᬦᬵᬧᬸᬢᬶ᭟ᬢᬦ᭄ᬧᬦ᭄ᬢᬭᬳᬶᬤᬫᬜᬓ᭄ᬭᬳᬓᬰᬵ᭞ᬳᬲᬶᬫᬫᬸᬜᬶᬬᭂᬫᬜ᭄ᬭᬶᬢ᭄᭞ᬲᬂᬦᬵᬣᬓᬾᬰᬯ᭄ᬯᬵ᭞ᬫᬩᬶᬡ᭄ᬥᭂᬃᬲᬵᬫ᭄ᬩᬶᬮ᭄ᬜᬓᬺ᭞ᬓᬤᬶᬫᬲᭀᬮᬄ
Kaca:Bali-lontar-gaguritan-boma-300ppi.pdf/61
Kaca puniki sampun kauji-wacén
