[᭒᭔ 24B]
᭒᭔
ᬩ᭄ᬦᭂᬄᬢ᭄ᬯᬭᬚᭂᬳᬤᭂᬲᬵᬮᬄ᭞ᬩᬸᬓᭂᬭᬯᭀᬲ᭄ᬩᭂᬮᬶᬧᬢᬶᬄ᭞ᬳᭂᬦ᭄ᬢᭀᬚᬮᬦᬂᬢ᭄ᬯᬄᬚᬦᬶ᭞ᬲᭂᬓᬜ᭄ᬘᬦ᭄ᬯᬤ᭄ᬯᬦᬾᬮᬶᬬᬸ᭞ᬲᬦᬾᬜᬦ᭄ᬤᬂᬬᭂᬚᬮᬦᬂ᭞ᬲᬂᬦᬶᬲᬣᬫᬶ
ᬦᬓᬤᬶ᭞ᬲᬂᬗᬸᬮᬫᬸᬓᬭᬢᬸᬯᬶᬭᬭᬵᬚᬧᬸᬢ᭄ᬭᬵ᭟ᬫᭂᬓᬤᬶᬜᭂᬲᬂᬲᬢ᭄ᬬ᭠ᬓ᭄ᬓᬵ᭞ᬲᬂᬲᬵᬫ᭄ᬩᬲᬭᬡᬫᬮᬶᬄ᭞ᬩ᭄ᬯᬶᬦ᭄ᬢᭂᬮᬸᬦ᭄ᬧᬘᬂᬫᭂᬚᬮᬦ᭄᭞ᬭᬯᬶᬂᬢ᭄ᬥᬲ᭄ᬚᬵᬭᬦ᭄ᬲ
ᬫᬶ᭞ᬫᭂᬓᬤᬶᬬᭂᬭᬣᬳᬶᬓᬶ᭞ᬓᬾᬢᭀᬳᬶᬤᬲᬂᬧ᭄ᬭᬪᬸ᭞ᬦ᭄ᬤᬯᬸᬳᬶᬦ᭄ᬲᬦᬾᬫᬳᬗ᭄ᬓᬢ᭄᭞ᬓᬚ᭄ᬭᭀᬧᬸᬭᬶᬫᬗ᭄ᬭᬭᬶᬲ᭄᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬂᬓᬺᬱ᭄ᬡᬚ᭄ᬭᭀᬦᬶᬂ᭠
ᬓᬤᬢᬸᬦ᭄᭟ᬧᬺᬧᬢᬶᬄᬫ᭄ᬯᬄᬧᬭᬫᬜ᭄ᬘᬵ᭞ᬫ᭄ᬩᬸᬤᬮᬶᬦ᭄ᬩᬜ᭄ᬘᬶᬗᬄᬲᬵᬫᬶ᭞ᬫᭂᬓᬤᬶᬜᭂᬲᬂᬧᬃᬢ᭄ᬢᬶᬯ᭞ᬤᬦᬾᬢᬦ᭄ᬜᬦ᭄ᬤᬂᬤᬬᬦᬶᬦ᭄᭞ᬧᬘᬂᬫᬗᬤᬸᬯᬂᬚᬸᬭᬶᬢ᭄
[᭒᭕ 25A]
᭞ᬲᬶᬦᬫ᭄ᬬᬦ᭄ᬳᬾᬕᬃᬭᬶᬂᬓᬳ᭄ᬬᬸᬦ᭄᭞ᬫᭂᬓᬳ᭄ᬬᬸᬦ᭄ᬚᬵᬬᬾᬂᬭᬶᬂᬧ᭄ᬭᬂ᭞ᬦᬾᬫᬸᬮᬢᭀᬢᭀᬲ᭄ᬧ᭄ᬭᬚᬸᬭᬶᬢ᭄᭞ᬲᬶᬦᬶᬲᬸᬣᬲᬂᬲᬢ᭄ᬬᬓᬶᬢᭀᬧᬲᬾᬗᬦ᭄᭟ᬢ᭄ᬯᬭᬚᭂᬗᬶᬲ
ᬓᬾᬩᬸᬓᬦ᭄᭞ᬫᬗ᭄ᬓᬶᬦ᭄ᬓᬾᬭᬢᬸᬦᬾᬍᬯᬶᬄ᭞ᬚᬦᬶᬲᬸᬩᭂᬢᬶᬕᬂᬤᬶᬦᬵ᭞ᬭᬵᬚᬧᬸᬢᬺᬬᬥᬸᬲᬵᬫᬶ᭞ᬲᬵᬫ᭄ᬧᬸᬦ᭄ᬫᭂᬤᬩ᭄ᬤᬵᬩ᭄ᬳᬕ᭄ᬮᬶᬲ᭄᭞ᬳᬶᬧᬜ᭄ᬚᬓ᭄ᬮᬾᬦ᭄ᬚᬵᬭᬦ᭄ᬳᬶᬧᬸᬦ᭄
᭞ᬫᭂᬧᬫᬶᬢ᭄ᬭᬶᬂᬲᬂᬦᬭᬾᬦ᭄ᬥ᭄ᬭᬵ᭞ᬳᬕᬸᬗᬾᬢ᭄ᬯᬄᬓᬮᬶᬄᬤᬶᬭᬶ᭞ᬢ᭄ᬯᬭᬮᬶᬬᬦ᭄ᬢᬺᬧ᭠ᬓᬺᬱ᭄ᬡᬪᬵᬮᬤᬾᬯᬵ᭟ᬭᬣᬦᬾᬭᬶᬂᬕ᭄ᬮᬶᬲ᭄ᬫᬵᬫᬃᬕ᭄ᬕᬶ᭞ᬕᬚᬄᬓᬸᬤᬫᬶᬦᬓᬤᬶ᭞ᬧᬵᬥ
ᬢ᭄ᬯᬭᬓᭂᬦᬶᬯᬶᬮᬂ᭞ᬢᬵᬫ᭄ᬩᬸᬭᬾᬗᬋᬥᭂᬕ᭄ᬫᬸᬦᬶ᭞ᬘᬸᬗᬸᬦᬾᬢᬦ᭄ᬮ᭄ᬬᬦ᭄ᬕᭀᬂᬩᬾᬭᬶ᭞ᬫᬗᭂᬚᭂᬃᬚᬕᬢᬾᬤᬶᬢᬸ᭞ᬫᬗ᭄ᬭᬶᬬᬸᬓ᭄ᬓᬶᬦ᭄ᬜᬵᬩᬦ᭄ᬳᬸᬚᬦ᭄᭞ᬩᬋᬂᬢ᭄ᬓᭂᬦ᭄ᬳᬗᬶᬦ᭄ᬢᬵᬭᬶ
Kaca:Bali-lontar-gaguritan-boma-300ppi.pdf/25
Kaca puniki sampun kauji-wacén
