Kaca:Bali-lontar-gaguritan-bokah-01-400ppi.pdf/2

Saking Wikisource
Kaca puniki sampun kauji-wacén

[᭑ 1B]
᭚ᬧᬸᬧᬸᬄᬤᬗ᭄ᬤᬂ᭟ᬯᬾᬦ᭄ᬢᭂᬦ᭄ᬓᭀᬘᬧ᭄ᬢᬸᬢᬸᬭᬗᬶᬕᬸᬭᬶᬢᬦ᭄‌᭞ᬦᬾᬭᬶᬂᬅᬫᬦ᭄᭞ᬳᬶᬓ᭄ᬤᬶᬲ᭄ᬢᬗ᭄ᬓᬸᬭ᭞ᬦᭀᬗᭀᬲ᭄ᬤᬸᬳᬸᬃᬧᬜ᭄ᬘᭀᬭᬦᬾ᭞ᬦ᭄ᬳᬓ᭄ᬩᭂᬗᭀᬂᬫᬗᬗ᭄ᬕᬸᬃ
᭞ᬦᬸᬮᬶᬲ᭄ᬧᬸᬦᬓ᭄ᬳᬸᬮᬢᬾᬲ᭄ᬥᬸᬄ᭞ᬕᬸᬗ᭄ᬓᬸᬮᬦ᭄ᬦᬕᬧᬸᬲ᭄ᬧ᭞ᬦᬾᬧᬦ᭄ᬤᭂᬂᬲᬦ᭄ᬢᬸᬦ᭄᭞ᬳ᭄ᬢᬶᬲ᭄ᬓᬯ᭄ᬭᬶᬲ᭄ᬢᬶᬲᬦ᭄ᬢᭀᬬ᭞ᬦᬶᬂᬧᬜ᭄ᬘᭀᬭᬦ᭄᭞ᬫᬳᬶᬭᬶᬩ᭄ᬫᬶᬮᬸᬫᬗᬯᬶ᭞ᬤᬦ᭄ᬤᬶ
ᬗᬶᬦ᭄ᬫᬧᬧᬃᬍᬓ᭄᭟ᬳᬦ᭄ᬮ᭄ᬬᬦ᭄ᬲᬭᬶᬢᬬᬂᬤᬶᬕᬸᬭᬶᬢ᭄᭞ᬲᬂᬯ᭄ᬯᬲ᭄ᬓᬂ᭟ᬕᬯ᭄ᬯᬸᬃᬱᬦᬦᬾ᭞ᬦᬾᬦᬾᬤᬶᬢᬮᬕᬫᬤᬸ᭞ᬲᬯᬃᬡ᭄ᬦᬦᬶᬂᬧ᭄ᬗᬃ
ᬳᬗ᭄ᬭᬯᬶᬢ᭄᭞ᬳᬸᬃᬳᬓᭂᬫ᭄ᬩᬂ᭞ᬢᬦ᭄ᬲᬄᬢᭀᬦᬾᬩᬶᬭᬸ᭞ᬫᬲᬯᬂᬮ᭄ᬯᬶᬃᬭᬧᭂᬢᬦ᭄ᬫᬲ᭄᭞ᬫᬳᬸᬓᬶᬭᬦ᭄᭞ᬫᬳᬶᬲᬶᬧᬕᬦ᭄ᬤᬦ᭄ᬫᬶᬳᬶᬓ᭄᭞ᬮᬦ᭄‌ᬍᬗᬶᬲ᭄‌ᬘᬦ᭄ᬤᬸᬩᬸᬭᬢ᭄

[᭒ 2A]
᭒
᭟ᬬᬦ᭄ᬦᬾᬩᬭᬓ᭄ᬓᬮᬯᬦ᭄ᬦᬾᬧᬸᬢᬶᬄ᭟ᬧᬦ᭄ᬢᭂᬲ᭄ᬯᬥᬄᬲᬦᬦᬾ᭞ᬧᬬᬲᬦ᭄ᬲᬃᬯ᭄ᬯᬮᬸᬳᬸᬂ᭞ᬦᬾᬳᬸᬢᬫᬩ᭄ᬯᬢᬜ᭄ᬚᬢᬶ᭞ᬧᭂᬃᬫᬳᬾ
ᬲᬸᬯᬭᬶᬤᬾᬯᬗ᭄ᬕ᭞ᬮᬸᬗ᭄ᬲᬶᬃᬧ᭄ᬝᬓ᭄ᬳᬮᬸᬲ᭄᭞ᬕᬸᬕᬸᬮᬸᬂᬫᭂᬘᬢ᭄ᬧᬭᬤ᭞ᬘ᭄ᬧᬸᬓ᭄ᬓᭂᬫ᭄ᬩᬂ᭞ᬲᬫᬧ᭄ᬢᬚᬫᬂᬲᬶᬲᬶᬫ᭄ᬧᬶᬃ᭞ᬲᬫ᭄ᬧᬸᬦ᭄ᬲᬫᬶᬘᬸᬫᬦᬂ᭟ᬲᬓᬮ᭄ᬯᬶᬭᬶᬂᬲ᭄ᬓᬭᬾᬤᬶᬕᬶᬮᬶ᭞ᬦᬾ
ᬫᬯᬃᬡ᭄ᬦ᭞ᬤᬶᬢ᭄ᬗᬄᬢᬮᬕ᭞ᬳᬗ᭄ᬭᬯᬶᬢ᭄ᬧᬓᬯᭀᬦᬦᬾ᭞ᬲᬫᬶᬗ᭄ᬕᬯᬾᬳᬸᬮᬗᬸᬦ᭄᭞ᬫᬢᬸᬢᬸᬦ᭄ᬤᬫᬚᬚᬃᬩ᭄ᬘᬶᬓ᭄᭞ᬳᭀᬦᬾᬧᬃᬡ᭄ᬦᬫ᭄ᬮᬄ᭞ᬩᬮᬾᬬᬲᬗ᭄ᬮᬗᬸᬦ᭄
᭞ᬦᭀᬗᭀᬲ᭄ᬤᬶᬢ᭄ᬗᬄᬢᬮᬕ᭞ᬤᬶᬕᬶᬮᬶᬦᬾ᭞ᬫᬭᬳᬩ᭄ᬳᬗ᭄ᬲᭀᬓᬳᬱ᭄ᬝᬶ᭞ᬫᬮᬶᬮᬸᬂᬦᬶᬂᬚᬗ᭄ᬕ᭟ᬭᬭᬜ᭄ᬘᬗᬦ᭄ᬲᬃᬯ᭄ᬯᬲ᭄ᬓᬃᬫᬶᬳᬶ᭞ᬮᬫ᭄ᬩᬂᬳᬶᬧᬸᬦ᭄᭞ᬮᬯᬦᬶᬂᬘᭂ

Kapolihang saking "https://ban.wikisource.org/w/index.php?title=Kaca:Bali-lontar-gaguritan-bokah-01-400ppi.pdf/2&oldid=24545"