[᭘ 8B]
᭘
ᬲ᭄ᬳᬳᬾᬂᬕᭀᬩᬦᬾᬫᬾᬫ᭄ᬧᭂᬃᬗᬢ᭄ᬫᬚᬵ᭟ᬧᬧᬢ᭄ᬦᬸᬦᬾᬘ᭄ᬦᬶᬓᬦ᭄᭞ᬳᬸᬍᬲᬾᬫᬲᬯᬂᬕᬤᬶᬂ᭞ᬮᬾᬦ᭄ᬜᬦ᭄ᬤᬢ᭄ᬫᭂᬤᬧᬦ᭄ᬧᭀᬄ᭞ᬲ᭄ᬮᭂᬫ᭄ᬲ᭄ᬮᭂᬫ᭄ᬧᬤᬮᬗ᭄ᬲᬶᬂ᭞ᬬᬾᬦ᭄ᬢᬦ᭄ᬤᬂᬢᬦ᭄ᬤᬶᬂ᭞ᬕᭀᬩᬦ᭄ᬜᬦᬾᬩᬕᬸᬲ᭄ᬩᬕᬸᬲ᭄᭞ᬧᬮ᭄ᬬᬢᬾᬗᭂᬤᬄᬘᬓ᭄ᬘᬓ᭄᭞ᬢᬮᬶᬓᬸᬭᬦ᭄ᬧᬤ
ᬓᬸᬫᬶᬲ᭄᭞ᬫᬢᬸᬮᬮᬾᬂ᭞ᬚᬚᬫ᭄ᬩᬸᬮᬦᬾᬫᬕᭂᬦᬮ᭄᭟ᬲᭀᬓ᭄ᬘᬳᬶᬓ᭄ᬢᬸᬢ᭄ᬲᭂᬤᬬᬵ᭞ᬦᬾᬯᬯᬂᬢ᭄ᬯᬭᬵᬦᬦ᭄ᬤᬶᬗᬶᬦ᭄᭞ᬳᬯᬓᬾᬩᬢ᭄ᬓᭂᬮ᭄ᬩᭀᬗ᭄ᬓᭀᬢ᭄᭞ᬩᬸᬭᬶᬓ᭄ᬘᬧᬸᬄᬩᭀᬓᬾᬮᬶᬕ᭄ᬮᬶᬕ᭄᭞ᬚᬳᬂᬫᬲᬯᬂᬕᬤᬶᬂ᭞ᬩᬶᬩᬶᬄᬧᬦᬾᬳᬶᬲᬶᬢ᭄ᬪᬶᬭᬸ᭞ᬧᬮ᭄ᬬᬢᬾ
ᬦᬸᬗᬤᬄ᭞ᬫ᭄ᬮᬾᬤ᭄ᬭᬸᬫᬫᬢ᭄ᬣᬵᬓᬵᬫ᭄ᬩᬶᬂ᭞ᬕᬶᬕᬶᬕᬶᬗ᭄ᬲᬸᬮ᭄᭞ᬩᬢᬶᬲ᭄ᬢᬸᬩᬸᬕ᭄ᬓᬘᬶᬘᬶᬗᬦ᭄᭟ᬧ᭄ᬭᬤᬾᬦᬾᬳᬤᬵᬗᬸᬤᬶᬕᬂ᭞ᬓᬵᬮᬫᬓ᭄ᬩᬦᬾᬲᬸᬕᬶᬄ᭞ᬫᬧᬳ᭄ᬬᬲ᭄ᬫᬳᬗ᭄ᬕᭀᬳᬗ᭄ᬕᭀ᭞ᬫᬓᬦ᭄ᬤᭂᬮᬦ᭄ᬲᬶᬮᬶᬄᬳᬲᬶᬄ᭞ᬫᬲᬧᬸᬢ᭄ᬩᬶᬚᬸᬫᬲ᭄ᬗᭂᬦ᭄ᬤᬶᬄ᭞ᬫᬤᬗᬤᬦ᭄ᬫᬲᬲ᭄ᬮᬸ
ᬢ᭄᭞ᬢᬸᬮ᭄ᬬᬳᭂᬗ᭄ᬲᬸᬢ᭄ᬤᬶᬧᬕᭂᬳᬦ᭄᭞ᬫᬮᬫᬓᬦ᭄ᬩᬤᬾᬲᬸᬕᬶᬄ᭞ᬳᬤᬵᬗᬸᬕᬸ᭞ᬫᬲᬶᬄᬧᬬᬸᬫᬧᬸᬫᬳᬦ᭄᭟ᬲᬸᬩᬢᬸᬢᬸᬕ᭄ᬫᬧᬸᬫᬳᬦ᭄᭞ᬳᬗ᭄ᬓᬸᬳᬗᬮᬸᬄᬫ᭄ᬯᬦᬶ᭞ᬩᬦ᭄ᬩᬕ᭄ᬬᬦ᭄ᬜᬦᬾᬓᬾᬦ᭄ᬢᭀ᭞ᬲᬗ᭄ᬓᬦ᭄ᬜᬢᭀᬂᬳᬤᬵᬳᬶᬫ᭄ᬩᬶᬄ᭞ᬫᬦ᭄ᬫᬸᬲᬸᬓᬵᬲᬸᬕᬶᬄ᭞
[᭙ 9A]
ᬫᬲ᭄ᬫᬶᬭᬄᬲ᭄ᬮᬓᬵᬮ᭄ᬬᬸ᭞ᬮᬾᬦ᭄ᬢᭀᬦᬾᬳᬫᬄᬳᬗ᭄ᬕᭀ᭞ᬤᬾᬩᬸᬭᬬᬸᬢ᭄ᬮᬸᬄᬫ᭄ᬯᬦᬶ᭞ᬳᬗ᭄ᬕᭀᬦ᭄ᬢᬸᬢᬸᬃ᭞ᬲᬸᬩᬫᬫᬮᬶᬓᬶᬦ᭄ᬮᬫ᭄ᬧᬄ᭟ᬲᬸᬩᬲᬸᬳᬸᬤ᭄ᬗᬸᬧᬵᬤᬾᬱᬵ᭞ᬫᬜ᭄ᬚᬸᬯᬂᬓᬤᬾᬱᬵᬓᬗᬶᬦ᭄᭞ᬓᭀᬘᬧ᭄ᬭᬶᬂᬧᬗᬾᬭᬦ᭄ᬚᭂᬫ᭄ᬩᭀᬂ᭞ᬓᬕ᭄ᬭᬶᬬᬩᬜ᭄ᬚᬃᬫᬫ᭄ᬤᬶ᭞
ᬢ᭄ᬯᬄᬩᭀᬤᬦᬾᬲᬶᬤ᭄ᬟᬶ᭞ᬧᬭᬦᬓᬦ᭄ᬜᬦᬾᬮ᭄ᬬᬸ᭞ᬢᬸᬃᬫᬮᬶᬫ᭄ᬧᬤ᭄ᬮᬶᬫ᭄ᬧᬤᬦ᭄᭞ᬳᬗᬶᬂᬢᭀᬂᬳᬤᬦᬦ᭄ᬤᬶᬗᬶᬦ᭄᭞ᬚᬕ᭄ᬫᬗ᭄ᬤᭀᬕ᭄ᬧᬳᬶᬢᬸᬗᬦ᭄᭟ᬧᬗ᭄ᬯᭂᬭᬸᬄᬳᬗ᭄ᬕᭀᬦ᭄ᬜᬸᬕᬭᬂ᭞ᬫᬲᬶᬧ᭄ᬢᬵᬓᬶᬤᬸᬂᬓᬓᬯᬶᬦ᭄᭞ᬜᬓᬵᬜᬜᬓᬵᬢᬶᬤᭀᬂ᭞ᬓᬮᬫᬦ᭄ᬓᬢᭀ
ᬦ᭄ᬭᬶᬭᬶ᭞ᬰᬶᬰ᭄ᬬᬦ᭄ᬳᬦᬓ᭄ᬮᬶᬮᬶᬄ᭞ᬳᬚᬓ᭄ᬫᬧ᭄ᬢᬸᬓ᭄ᬧᬂᬗ᭄ᬯᭂᬭᬸᬄ᭞ᬳᭂᬫ᭄ᬩᬳᬶᬦ᭄ᬫᬸᬜᬶᬍᬫ᭄ᬧᭀᬂ᭞ᬳᬧᬗᬳᭂᬜᬓ᭄ᬫᭂᬲᬮᬶᬦ᭄᭞ᬫ᭄ᬲᬾᬄᬕᬸᬭᬸ᭞ᬳᬗ᭄ᬕᭀᬦ᭄ᬲᬫ᭄ᬢᭀᬦ᭄ᬤᬶᬤᬃᬫ᭄ᬫᬵ᭟ᬤᬾᬗᬸᬭᬬᬸᬢ᭄ᬤᬸᬓᬾᬗᬬᬧ᭄᭞ᬫᬦᬸᬦᬲ᭄ᬩᭂᬓᭂᬮᬾᬫᬢᬶ᭞ᬫᬧᬗᬸᬭᬶᬕᬵᬩᬦ᭄ᬩᭀᬓᭀᬃ᭞ᬤ
ᬤᬃᬲᬢᬓᬾᬤᬶᬚᬦᬶ᭞ᬮᬾᬦᬾᬦᬫ᭄ᬧᬵᬳᬩ᭄ᬲᬶᬓ᭄᭞ᬓᭀᬘᬧ᭄ᬳᬚᬶᬢ᭄ᬮᬸᬂᬗᬢᬸᬲ᭄᭞ᬳᬶᬘᬵᬧᬗᬾᬭᬦ᭄ᬢᭂᬫ᭄ᬩᭀᬂ᭞ᬧᬦᬸᬕ᭄ᬭᬳᬵᬲᬗᬸᬧᬢᬶ᭞ᬲᬸᬩᬧᬸᬧᬸᬢ᭄᭞ᬫᬗ᭄ᬮᬶᬯᬢᬶᬦ᭄ᬢᬶᬢᬶᬕᭀᬗ᭄ᬕᬸᬂ᭟ᬳᬗ᭄ᬳᬶᬂᬓᬢᬸᬤᬸᬄᬗᬬᬳᬂ᭞ᬩ᭄ᬭᬯᬦᬾᬢᭀᬂᬤᬤᬶᬕᬶᬧᬶᬄ᭞ᬲ
Kaca:Bali-lontar-gaguritan-berayut-02-300ppi.pdf/9
Kaca puniki sampun kauji-wacén
