[᭒᭑ 21B]
᭒᭑
ᬦ᭄᭞ᬓᬶᬤᬸᬂᬓᬓᬯᬶᬦᬾᬳᬸᬫ᭄ᬬᬂ᭞ᬲ᭄ᬓᬭᬸᬭᬵᬫᬦᬸᬮᬸᬭᬶᬦ᭄᭞ᬗᬫ᭄ᬩᬄᬓᬸᬮᭀᬦ᭄ᬯᬮᬾᬳᬕᬸᬂ᭞ᬫᬗᬮᬾᬭᬂ᭞ᬫᬫᬃᬕ᭄ᬕᬶᬗᬺᬋᬄᬧᬶᬬᬚ᭄ᬜᬵᬦ᭄᭚ᬭᬯᬸᬄᬭᬶᬂᬧᬬᬚ᭄ᬜᬦ᭄ᬫᬗ᭄ᬓᬶᬦ᭄᭞ᬫᬲᬗ᭄ᬕ᭄ᬭᬳᬦ᭄ᬭᬶᬂᬉᬢ᭄ᬢᬫᬵ᭞ᬭᬶᬂ
ᬯᬭᬸᬂᬧᬜ᭄ᬚᬗᬾᬳᬸᬗ᭄ᬕᬸᬄ᭞ᬧᬸᬱ᭄ᬧᬵᬮᬶᬗ᭄ᬕᬦᬾᬲᬫᬶᬬᬦ᭄᭞ᬲᬫᬶᬫᬗᬾᬮᬶᬗᬶᬦ᭄ᬮᬶᬗ᭄ᬕᬶᬄ᭞ᬤᬾᬦᬶᬂᬯᬸᬲ᭄ᬕᭂᬦᬳᬾᬫᬢᬹᬃ᭞ᬧᬦᬵᬫ᭄ᬩ᭄ᬭᬫᬵ᭞ᬳ᭄ᬬᬂᬧᬶᬢᬺᬱᬫ᭄ᬧᬸᬜ᭄ᬘᬸᬫᬤ᭄ᬥᬃ᭚ᬫᬗ᭄ᬓᬦᬵᬓ᭄ᬭᬫ᭄ᬫᬵᬧᬫᬃᬕ᭄ᬕᬶ᭞ᬤᬸᬓᬃᬬ᭄ᬬ
ᬦᬾᬫᬧᬧᬤᬦ᭄᭞ᬧᬸᬧᬸᬢ᭄ᬲᬢ᭄ᬯᬵᬫᭂᬦ᭄ᬤᬓ᭄ᬱᬫ᭄ᬧᬸᬦ᭄᭞ᬭᬶᬂᬢ᭄ᬓᬦᬶᬂᬫᬥ᭄ᬬᬵᬭᬢ᭄ᬭ᭄ᬬᬵ᭞ᬢᬢᬗ᭄ᬰᬷᬓᬃᬬ᭄ᬬᬦᬾᬫᬗ᭄ᬓᬶᬦ᭄᭞ᬦᬦᬧᬸᬄᬘᬦᬕᬵᬤᬸᬫᬸᬦ᭄᭞ᬫᬭᬶᬂᬲᬗ᭄ᬕᬃ᭞ᬧᬗ᭄ᬕᬸᬗᬦ᭄ᬲᬫᬶᬓ᭄ᬥᬲᬂ᭚ᬲᬳᬵᬲᬚᬶ
ᬦ᭄ᬬᬘᬸᬫᬯᬶᬲ᭄᭞ᬘᬦᬂᬲᬭᬷᬢᬥᬄᬲᬸᬓ᭄ᬮᬵ᭞ᬲᬸᬫ᭄ᬧᬶᬂᬓ᭄ᬮᬤᬶᬫᬦ᭄ᬤᬸᬮᬸᬃ᭞ᬭᬶᬓᬮᬵᬢᬢᬗᬷᬫᬸᬗ᭄ᬕᬄ᭞ᬧᬚᬢ᭄ᬬᬂᬭᬶᬂᬲᬂᬳ᭄ᬬᬂᬯᬶᬤ᭄ᬥᬶ᭞ᬧᬦᬦᬧᬸᬄᬫᬭᬶᬂᬧᬗ᭄ᬕᬸᬂ᭞ᬭᬶᬂᬧᬲ᭄ᬣᬦᬦ᭄᭞ᬳ᭄ᬬᬂᬧᬶᬢᬺᬓᬳᬸᬗ᭄ᬕ᭄ᬯᬵ
[᭒᭒ 22A]
ᬩᬾᬜ᭄ᬚᬂ᭚ᬕᭀᬂᬢᬫ᭄ᬩᬸᬃᬳᬸᬫᬸᬦ᭄ᬬᬢᬭᬶᬓ᭄᭞ᬓ᭄ᬢᬸᬗᬦ᭄ᬓᬸᬮ᭄ᬓᬸᬮ᭄ᬲ᭄ᬯᬭᬬᬂ᭞ᬘᬘᬶᬭᬾᬦ᭄ᬢᬢᬗᬶᬳᬶᬓᬸ᭞ᬓᬶᬤᬸᬂᬓᬓᬯᬶᬦᬾᬭᬫ᭄ᬩᬂ᭞ᬯᬃᬕ᭄ᬕᬵᬲᬭᬶᬦᬾᬦᬮᬶᬤᬶ᭞ᬭᬶᬓᬮᬵᬦᬧᬸᬄᬭᬶᬂᬮᬸᬳᬸᬃ᭞ᬫᬭᬶᬂᬲᬗ᭄ᬕᬃ᭞ᬯᬃᬕ᭄ᬕᬵᬲᬭᬷ
ᬦᬾᬳᬸᬜ᭄ᬘᬭᬂ᭚ᬯᬸᬲ᭄ᬢᬢᬗᬷᬲᭂᬧᬶᬫᬗ᭄ᬓᬶᬦ᭄᭞ᬭᬶᬲᬫ᭄ᬧᬸᬦᬶᬂᬳᬩᬂᬯᬾᬢᬦ᭄᭞ᬤᬾᬫᬗ᭄ᬓᬸᬲᬫᬶᬯᬸᬲ᭄ᬓᬸᬫ᭄ᬧᬸᬮ᭄᭞ᬧᬘᬂᬫᬗᬺᬫ᭄ᬩᬢ᭄ᬳᬢᬹᬭᬦ᭄᭞ᬦᬾᬓᬢᬹᬭᬶᬂᬲᬗ᭄ᬕᬃᬫᬗ᭄ᬓᬶᬦ᭄᭞ᬲᬸᬘᬶᬘᬢᬹᬭᬾᬓᬧᬸᬦ᭄ᬤᬸᬢ᭄᭞ᬫᬳᬸᬗ᭄ᬕᬳᬂ
ᬭᬶᬂᬲᬗ᭄ᬕᬃᬢᬯᬂᬳᬢᬹᬭᬂ᭚ᬭᬶᬂᬧᬗ᭄ᬕᬸᬂᬧᬸᬧᬸᬢᬂᬫᬗ᭄ᬓᬶᬦ᭄᭞ᬲᬮ᭄ᬯᬶᬃᬲᬚᬶᬲᬂᬳ᭄ᬬᬂᬧᬶᬢᬺ᭞ᬘᬭᬸᬲᭀᬃᬫ᭄ᬯᬂᬲᬸᬮᬸᬄᬳᬕᬸᬂ᭞ᬩᬦ᭄ᬢᭂᬦ᭄ᬧᬤᬦᬦᬾᬫᬸᬯᬄ᭞ᬭᬶᬂᬢᬶᬢᬶᬫᬄᬫᬳᬾᬫᬮᬶᬄ᭞ᬲᬮ᭄ᬯᬶᬃᬩᬩᬮᬶᬦᬾᬘᬸᬓᬸᬄ᭞ᬫ᭄ᬯᬂᬧᬶᬤᭂᬭᬦ᭄
᭞ᬲᬚᬶᬦᬼᬫ᭄ᬩᬸᬧᬦᬸᬦ᭄ᬢᬸᬦᬦ᭄᭚ᬤᬶᬦᬵᬓᬃᬬ᭄ᬬᬵᬋᬫ᭄ᬩᬢ᭄ᬫᬗ᭄ᬓᬶᬦ᭄᭞ᬓᬃᬬ᭄ᬬᬵᬧᬗᬸᬢ᭄ᬧ᭄ᬢᬶᬬᬦ᭄ᬳᬭᬦ᭄᭞ᬚᬫ᭄ᬲ᭄ᬮᬧᬦ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬚᬶᬲᬚᬶᬲᬫᬶᬫᬸᬗ᭄ᬕᬄ᭞ᬳᬸᬦ᭄ᬬᬵᬳᬸᬦ᭄ᬬᬵᬦᬾᬯᬸᬲ᭄ᬧ᭄ᬭᬧ᭄ᬢᬶ᭞ᬧᬤᬡ᭄ᬥᬗ
Kaca:Bali-lontar-gaguritan-bahligya-300ppi.pdf/22
Kaca puniki sampun kauji-wacén
