Kaca:Bali-lontar-gaguritan-bagus-diarsa-02-400ppi.pdf/31

Saking Wikisource
Kaca puniki sampun kauji-wacén

[᭓᭐ 30B]
᭓᭐
ᬩᬕᬸᬲ᭄ᬤ᭄ᬬᬵᬃᬱᬳᬗᬸᬘᬧ᭄᭞ᬩᭀᬦ᭄ᬘᬳᬶᬢᬦ᭄ᬤ᭄ᬭᬸᬄᬲᬦ᭄ᬩᬧᬵ᭟ᬳᬶᬯᬶᬭᬘᬶᬢ᭄ᬣ᭠ᬳᬲ᭄ᬫᬸᬕᬸᬬᬸ᭞ᬮᬮᬶᬓᬧᭀᬩᬧᬵ᭞ᬧᬦᬓᬾᬩ᭄ᬯᬶᬦ᭄ᬢᬦ᭄ᬤ᭄ᬭᬸᬳᬶᬦ᭄᭞ᬩᬕᬸᬲ᭄ᬤ᭄ᬬᬵᬃ᭠
ᬮᬯᬸᬢ᭄᭞ᬫᬗ᭄ᬮᬸᬢ᭄ᬫᬗᬸᬓᬸᬢ᭄ᬳᬸᬓᬸᬢ᭄᭞ᬧᬮᬶᬂᬲᬚᬵᬓᬧᭀᬩᬧ᭞ᬲᬕᬾᬢ᭄ᬲᬸᬩᬵᬓ᭄ᬮᬶᬄᬩᬕᬸᬲ᭄᭞ᬳᬦᬓᬾᬳᭀᬥᬄᬤᬶᬚᬳ᭞ᬳᬶᬯᬶᬭᬵᬘᬶᬢ᭄ᬣᬳᬗᬸᬘ
ᬧ᭄᭟ᬇᬗ᭄ᬕᬶᬄᬧᬸᬦᬶᬓᬵᬤᬦᬤᭀᬲ᭄ᬳ᭄ᬬᬂᬕᬸᬭᬸ᭞ᬧᬸᬦᬶᬓᬵᬧᬸᬭᬶᬦᬾ᭞ᬦᬸᬦᬲ᭄ᬓᬾᬩᬧᬫᬗ᭄ᬭᬭᬶᬲ᭄᭞ᬩᬕᬸᬲ᭄ᬤ᭄ᬬᬵᬃᬱᬩᬗᬸᬦ᭄᭞ᬮᬦ᭄ᬢᬲ᭄ᬫᬦᬸᬳᬸᬦᬂᬲᬧᬸᬢ᭄᭞ᬲᬳᬵᬦ
ᬍᬧ᭄ᬤᭂᬧ᭄ᬫᬚᬮᬦ᭄᭞ᬯᬶᬥ᭄ᬬᬤᬭᬶᬮ᭄ᬬᬸᬧᭂᬲᬸ᭞ᬫᬦᬩᬶᬂᬩᬶᬮᬂᬚᭂᬦ᭄ᬤᬾᬮ᭞ᬫᬩᬮᬶᬄᬩᬕᬸᬲ᭄ᬤᬶᬳᬵᬃᬱ᭟ᬲ᭄ᬮᬾᬂᬢᬶᬦ᭄ᬤᬶᬓ᭄ᬧᬫᬸᬜᬶᬦᬾᬤᬶᬢᬸ᭞ᬢᭀᬫᬢ᭄ᬯᬦ᭄ᬜᬳᬶ

[᭓᭑ 31A]
ᬦᬾ᭞ᬢ᭄ᬓᬵᬫᬳᬶᬗᬮᬶᬄᬜᬳᬶ᭞ᬭᬭᬶᬲ᭄ᬧᬥᬕᬸᬫᬸᬬᬸ᭞ᬧᬲᬮᬾᬂᬢᬶᬫ᭄ᬩᬢ᭄ᬫᬲᬯᬸᬢ᭄᭞ᬢ᭄ᬬᬂᬢᬾᬤᭀᬕᬾᬦ᭄ᬳᭀᬭᬳᬂ᭞ᬫᬫᬢ᭄ᬯᬢ᭄ᬓᬾᬦ᭄ᬳᬶᬩᬕᬸᬲ᭄᭞ᬳᬯ
ᬓᬾᬫᬲᬶᬄᬧᬥᬜ᭞ᬮᬾᬦ᭄ᬳᬤᬵᬫᬮᬶᬄᬳᬗᬸᬘᬧ᭄᭟ᬯᬤᬦᬶᬭᬦᬾᬦᬾ᭠ᬩᬳᬸᬭᬯᬸᬄ᭞ᬯᬬᬳᬦ᭄ᬳᬳᬸᬲᬧ᭄᭞ᬭᬸᬧᬦᬾᬫᬲᬶᬄᬢ᭄ᬯᬄᬩᬗ᭄ᬓᬶᬢ᭄᭞ᬧᬦ᭄ᬢᭂᬲ᭄ᬢ᭄ᬯᬄ
ᬳᬦᬓ᭄ᬳᬕᬸᬂ᭞ᬓᬸᬘᬶᬯᬩᬳᬦᬾᬓ᭄ᬭᬸᬤ᭄᭞ᬮᬾᬦ᭄ᬳᬤᬵᬫᬮᬶᬄᬳᬗᬸᬘᬧ᭄᭞ᬗᬸᬤᬵᬓᬾᬢᭀᬩᬦ᭄ᬫᬢᬸᬢᬹᬃ᭞ᬳᭀᬤᭀᬂᬩᬸᬓᬵᬦᬾᬜᬳᬶᬦᬾ᭞ᬤ᭄ᬫᭂᬦ᭄ᬢᭂᬓᬾ᭠
ᬦ᭄ᬦᬾᬦᬾᬩᬚᬂ᭟ᬬᬤᬶᬦ᭄ᬜᬦ᭄ᬤᬂᬧᬦᬓᬂᬬᬦᬸᬧ᭄ᬓᬸᬧ᭄᭞ᬧᬭᬓᬂᬮᬯᬦᬂ᭞ᬬᬾᬦ᭄ᬧᬗ᭄ᬭᬱᬦᬶᬭᬜᬳᬶ᭞ᬬᬤᬶᬦ᭄ᬯᬬᬳᬦ᭄ᬢᬸᬯᬸᬄ᭞ᬦᬾᬦᬾᬳᬩᬾᬲᬶᬓ᭄ᬢᭀᬧᬸᬧᬸ᭞

Kapolihang saking "https://ban.wikisource.org/w/index.php?title=Kaca:Bali-lontar-gaguritan-bagus-diarsa-02-400ppi.pdf/31&oldid=21860"