[ ᭒᭖ 26B]
᭒᭖
ᬦᬶᬂᬳᬶᬤᬧᬲ᭄ᬢᬶ᭞ᬲᬕᬾᬢ᭄ᬭᬯᬸᬄ᭞ᬲᬂᬦᬵᬣᬫᬩᬯᬳᬾᬭᬂ᭟ᬳᬶᬜ᭄ᬘᬸᬄᬲᬂᬓᬮᬶᬄᬫᬜᬧ᭞ᬲᬳᬳᬶᬤᬫᬗᬜ᭄ᬚᬮᬶ᭞ᬲᬂᬧ᭄ᬭᬪᬸᬭᬭᬶᬲ᭄ᬗᬦ᭄ᬤᬶᬓ᭞ᬳᬸᬤᬸᬄᬘ᭄ᬦᬶᬂᬫᬲ᭄ᬳᬶᬫᬦᬶᬓ᭄᭞ᬳᬢ᭄ᬫᬚᬶᬯᬦ᭄ᬩᬧᬘ᭄ᬦᬶᬂ᭞ᬲᬵᬫ᭄ᬧᬸᬦᬂᬜᭂ
ᬮ᭄ᬲᭂᬮ᭄ᬭᬶᬂᬓᬬᬸᬦ᭄᭞ᬩᬧᬢ᭄ᬯᬭᬍᬕᬜ᭄ᬭᬄ᭞ᬗᬢᬸᬭᬂᬓᬧᬸᬭᬷ᭞ᬧᬘᬂᬦᬸᬗ᭄ᬓᬸᬮ᭄᭞ᬲᬳᬫᬜᬓᬸᬧᬂᬮᬶᬫ᭟ᬮᬶᬗ᭄ᬕᬶᬄᬩᬧᬓᬧᬢᬸᬳᬂ᭞ᬭᬶᬗᬕᬸᬂᬩᬮᬦ᭄ᬜᬲᬫᬶ᭞ᬮᬤᬶᬯᬤ᭄ᬯᬲᬲᬾᬭᬾᬳᬦ᭄᭞ᬓ
ᬲ᭄ᬭᬄᬓᬫᬚᬧᬳᬶᬢ᭄᭞ᬳᬾᬭᬂᬩᬧᬦᬾᬢᬦ᭄ᬲᬶᬧᬶ᭞ᬜᬤ᭄ᬬᬩᬧᬤᬤᭀᬲ᭄ᬘᬭᬸ᭞ᬢᬦ᭄ᬲᬸᬓᬩᬧᬜᬭᬓ᭞ᬩᬧᬯᬦ᭄ᬢᬄᬲᬢ᭄ᬬᬚᬢᬶ᭞ᬫᬤᭂᬕ᭄ᬧ᭄ᬭᬪᬸ᭞ᬦᬶᬃᬕᬸᬡᬤᬤᭀᬲ᭄ᬧᬘᬸᬦ᭄ᬤᬂ᭟ᬫᬗ᭄ᬤᬦᬦᬓ᭄ᬫᬗᬶ
ᬤᭂᬧᬂ᭞ᬳᬶᬭᬶᬗᬂᬳᬶᬩᬶᬬᬂᬫᬗ᭄ᬓᬶᬦ᭄᭞ᬩ᭄ᬘᬶᬓ᭄ᬦᬦᬓ᭄ᬢᬸᬮᬓ᭄ᬩᬸᬤᬮ᭄᭞ᬫᬮᬶᬗ᭄ᬕᬶᬄᬦᬦᬓ᭄ᬭᬶᬂᬧᬸᬭᬷ᭞ᬲᬶᬤᬘ᭄ᬦᬶᬂᬫᬫᬗ᭄ᬕᬶᬳᬶᬦ᭄᭞ᬲᬤ᭄ᬬᬪᬕ᭄ᬬᬳᬸᬭᬶᬧ᭄ᬮᬦᬸᬲ᭄᭞ᬫᬬᬰᬤᬾᬯᬧᬕᭂᬳᬂ᭞ᬲᬵᬫ᭄ᬧᬸᬦ᭄ᬦᬦᬓ᭄ᬫᬸᬜᬃᬫ
[ ᭒᭗ 27A]
ᬜᬃ᭞ᬭᬕᬭᬢᬸ᭞ᬢᬢ᭄ᬯᬳᬚᬶᬦᬾᬳᬶᬜ᭄ᬘᭂᬧᬂ᭟ᬲᬂᬧ᭄ᬭᬪᬸᬭᬭᬶᬲ᭄ᬗ᭄ᬮᬦ᭄ᬢᬸᬭᬂ᭞ᬫᬦ᭄ᬢᬸᬓᬾᬭᬶᬂᬧ᭄ᬭᬫᬾᬰ᭄ᬯᬭᬷ᭞ᬫᬓᬅᬢ᭄ᬫᬚᬶᬯᬦ᭄ᬳᬶᬤ᭞ᬳᬾᬮᬶᬂᬭᬶᬂᬳᬶᬦ᭄ᬤᬶᬓᬾᬭᬶᬳᬶᬦ᭄᭞ᬲ᭄ᬯᬾᬘᬳᬲᬶᬗᬾᬫᬭᬩᬶ᭞ᬢᬦ᭄ᬫᬭᬶᬓᬬᬸᬦᬾᬳᬤᬸᬂ᭞ᬳ
ᬗᭂᬦ᭄ᬳᬶᬤᬧᬘᬂᬧᬲᬄ᭞ᬕᬶᬩ᭄ᬭᬲᬂᬓᬬᬸᬦᬾᬫᬗ᭄ᬓᬶᬦ᭄᭞ᬲᬶᬭᬧ᭄ᬭᬪᬸ᭞ᬫᬯᬘᬦᬲᬤᬩᬦ᭄ᬩᬦ᭄᭟ᬉᬤᬸᬄᬳᬤᬶᬤᬾᬯᬦ᭄ᬢᬶᬢ᭄ᬬᬂ᭞ᬫᬦ᭄ᬢᬸᬓ᭄ᬳᬤᬶᬲᬦᬾᬫᬗ᭄ᬓᬶᬦ᭄᭞ᬬᬢ᭄ᬦᬳᬶᬦ᭄ᬗ᭄ᬭᬓ᭄ᬱᬳᬶᬦᬦᬓ᭄᭞ᬫᬮᬶᬗ᭄ᬕᬶᬳᬤᬶᬭᬶᬂᬧᬸᬭᬷ᭞ᬳᬶ
ᬦᬦᬓ᭄ᬯᬮᬸᬬᬩ᭄ᬮᬶ᭞ᬩ᭄ᬮᬶᬫᬗ᭄ᬓᬶᬦ᭄ᬧᬫᬶᬢ᭄ᬫᬸᬧᬸᬢ᭄᭞ᬲᬶᬤᬳᬤᬶᬫᬫᬹᬃᬡ᭄ᬦᬬᬂ᭞ᬫᬧᬫᬶᬢ᭄ᬩ᭄ᬮᬶᬦᬾᬫᬗ᭄ᬓᬶᬦ᭄᭞ᬲᬶᬤᬮᬦ᭄ᬢᬸᬃ᭞ᬧᬫᬃᬕ᭄ᬕᬶᬦ᭄ᬩ᭄ᬮᬶᬦᬾᬩᬸᬤᬮ᭄᭟ᬓᬕ᭄ᬬᬢ᭄ᬳᬶᬤᬧ᭄ᬭᬫᬾᬰ᭄ᬯᬬ᭄ᬬ᭞ᬓᬳᬶᬭᬶᬂᬮᬦ᭄ᬭᬤᬾᬦ᭄ᬤᬾᬯᬶ᭞ᬢᭀ
ᬬᬦ᭄ᬧᬦᭀᬦ᭄ᬤᬺᬲ᭄ᬫᭂᬤᬮ᭄᭞ᬳᬢᬸᬭᬾᬫᬗᭂᬢᬸᬲ᭄ᬳᬢᬶ᭞ᬉᬤᬸᬄᬭᬢᬸᬰ᭄ᬭᬷᬪᬸᬧᬢᬶ᭞ᬮᭀᬕᬲᬵᬦ᭄ᬭᬢᬸᬭᬶᬂᬓᬬᬸᬦ᭄᭞ᬜᬤ᭄ᬬᬫᬦᬶᬗ᭄ᬕᬮᬶᬦ᭄ᬢᬶᬢ᭄ᬬᬂ᭞ᬫᬦᬄᬢᬶᬢ᭄ᬬᬂᬢᭂᬕᭂᬃᬚᬢᬶ᭞ᬜᬤ᭄ᬬᬫᬸᬧᬸᬢ᭄᭞ᬗᬶᬭᬶᬂᬧ
Kaca:Bali-lontar-gaguritan-babad-sunda-300ppi.pdf/27
Kaca puniki sampun kauji-wacén
