[᭕ 5 B]
᭕
ᬧᬃᬯ᭄ᬯᬵᬘᬭᬶᬢᬵ᭟ᬦᬾᬲᬓᬶᬢᭀᬂᬤᬤᬶᬲᬫ᭄ᬩᬢ᭄᭞ᬫᬲᬶᬄᬧᬕᬯᬾᬦᬾᬭᬶᬳᬶᬦ᭄᭞ᬫᬫᬸᬕ᭄ᬧᬸᬕ᭄ᬫᬫᬸᬜ᭄ᬚᬢ᭄ᬲᬗ᭄ᬕᬄ᭞ᬲᬗ᭄ᬓᬦ᭄ᬫᬦᭂᬫᬸᬯᬂᬲᬓᬶᬢ᭄᭞ᬦᬾᬢᭀᬂᬤᬤᬶᬳᬸᬩᬵ᭠
ᬤᬶᬦ᭄᭞ᬫᬯᬓ᭄ᬳᬸᬧᬲ᭄ᬘᭂᬢᬶᬓ᭄ᬭᬘᬸᬦ᭄᭞ᬓᬳᬸᬘᬧ᭄ᬗᬼᬢᭂᬳᬶᬦ᭄ᬚᬕᬢ᭄᭞ᬗᬯᬾᬲ᭠ᬬᬄᬢᬦ᭄ᬧᬩᬸᬓ᭄ᬢᬶ᭞ᬢ᭄ᬯᬄᬓᬢᬸᬤᬸᬄ᭞ᬓ᭄ᬭᬡᬵᬢᭀᬂᬓᬗ᭄ᬕᭀᬯᬂᬤᬾᬰ᭟ᬲᬦᬾᬩᭀ
ᬗ᭄ᬓᭀᬓ᭄᭞ᬧᭀᬦ᭄ᬤᬮ᭄ᬤᬾᬧᬓ᭄᭞ᬢᬸᬤᬸᬄᬧᬕᬯᬾᬦᬾᬗᬸᬦᬶ᭞ᬬᬵᬫᬫᬮᬶᬂᬲᬃᬯ᭄ᬯᬵᬯᬶᬚᬵ᭞ᬲᬗ᭄ᬓᬦ᭄ᬜᬓᬢᭂᬫᬸᬚᬦᬶ᭞ᬦᬾᬕᭀᬦ᭄ᬤᬾᬂᬩᭂᬗ᭄ᬓᬮ᭄ᬩᭂᬗ᭄ᬓᬶᬮ᭄᭞ᬩᭀᬦ᭄ᬢᬓ᭄ᬩᭂᬤᬸᬕ᭄ᬩᭂᬗ᭄ᬓᬸ
ᬓ᭄ᬩᬲᬸᬃ᭞ᬫᬫᬮᬶᬂᬩᬩᬸᬗ᭄ᬓᬶᬮᬦ᭄᭞ᬦᬾᬫᬳᬯᬓ᭄ᬧᬮᬳᬶᬦ᭄ᬢᬶᬮ᭄᭞ᬩᭂᬮᬂᬤᬤᬸ᭞ᬢᬸᬫᬶᬢᬶᬲᬦᬶᬂᬗᬮᬶᬫ᭄ᬧᬂ᭟ᬓᬸᬧᬶᬂᬧᭂᬭᬸᬢ᭄ᬫᬧ᭄ᬭᬶᬘᭂᬢᬦ᭄᭞ᬲᭀᬂᬦᬾᬤᬓᬾᬦᬼᬄᬗᬲᬶᬗᬶᬮ᭄
[᭖ 6 A]
ᬩᭀᬗᭀᬮ᭄ᬢ᭄ᬯᬭᬦ᭄ᬤᬶᬗᭂᬄᬧᬭᬦ᭄᭞ᬳᬧᬵᬕᬯᬾᬦ᭄ᬜᬦᬾᬗᬸᬦᬶ᭞ᬕᭂᬥᭂᬕ᭄ᬦᬶᬗᭂᬄᬓᬓᬯᬶᬦ᭄᭞ᬲᬮ᭄ᬯᬶᬃᬰᬵᬲ᭄ᬢ᭄ᬭᬓᬶᬥᬸᬂᬢᬸᬢᬹᬃ᭞ᬤᭂᬫᭂᬦ᭄ᬦᬶᬗᭂᬄᬦᬾᬓᭀᬢᭀᬃ᭞ᬧᭂᬢᬵᬫᬶᬲᬸᬄᬩᬧᬵᬓᬸᬫ᭄ᬧᬶ᭞
ᬲᬗ᭄ᬓᬦ᭄ᬧᭂᬭᬸᬢ᭄᭞ᬢᬸᬫᬶᬢᬶᬲᬦᬾᬫᬜ᭄ᬚᬤ᭄ᬫ᭟ᬦᬾᬦᬾᬮᬡ᭄ᬥᬸᬂᬲᬮᬄᬲᬸᬓᬢ᭄᭞ᬢᬶᬢᬄᬳᬕᬯᬾᬦ᭄ᬜᬭᬶᬳᬶᬦ᭄᭞ᬫᬜᭀᬮᭀᬂᬫᬗᭂᬗ᭄ᬓᬤ᭄ᬳᭂᬗ᭄ᬓᬤ᭄᭞ᬲᬸᬘᬶᬦᬾᬪᬓ᭄ᬢᬵᬳᬤᬸᬓᬶᬦ᭄᭞ᬚᬦᬶ
ᬢᭂᬓᬵᬦᬸᬫᬶᬢᬶᬲ᭄᭞ᬕᭀᬮᬾᬂᬮᬡ᭄ᬥᬸᬂᬲᬮᬄᬲᬶᬓᬸᬢ᭄᭞ᬩᬸᬓᬵᬳᭂᬚᬦᬾᬲᬤᬳᬂ᭞ᬲᬶᬂᬢᭂᬓᬵᬧᬥᬵᬗ᭄ᬤᬾᬓᬶᬦ᭄᭞ᬫᬗ᭄ᬮᬬᬂ᭞ᬢᬬᬸᬗᬦᬾᬫᬗᬮᬾᬯᬂ᭟ᬳᬤᬦᬾᬩᬕᬸᬲ᭄ᬫᬗ᭄ᬭᬡᬵᬂ᭞ᬗᬮᬾᬬᭀ
ᬕᬲᭂᬩᭂᬂᬓᭂᬜᬶᬂ᭞ᬢᬍᬓ᭄ᬢᭂᬓᬂᬳᬕᬸᬤ᭄ᬫᬢᬄ᭞ᬩᬬᬵᬧᬕᬯᬾᬦᬾᬗᬸᬦᬶ᭞ᬲᭀᬮᬄᬓᬫᬸᬮᬦ᭄ᬳᬧᬶᬓ᭄᭞ᬢ᭄ᬯᬭᬵᬤᬫᬗᬶᬢᬸᬂᬢᬸᬬᬸᬄ᭞ᬜᬫ᭄ᬧᬢ᭄ᬫᬋᬱᬶᬓ᭄ᬤᬶᬲᬗ᭄ᬕᬄ᭞ᬢ᭄ᬯᬭᬵᬳᬚᬶᬦ᭄ᬢᭂᬓᬾᬦ᭄ᬯᬶᬤ᭄ᬥᬶ᭞ᬤ
Kaca:Bali-lontar-gaguritan-atma-prasangsa-300ppi.pdf/6
Kaca puniki sampun kauji-wacén
