[᭙᭕ 95B]
᭙᭕
ᬭᬸᬭᬕᬲ᭄᭞ᬧᬓ᭄ᬱᬶᬲᬫ᭄ᬬᬵᬦᬦ᭄ᬤᬂᬲ᭄ᬤᬶᬄ᭞ᬭᬶᬂᬕᬶᬭᬶᬯᬦᬵ᭞ᬦ᭄ᬤᬸᬮᬸᬰ᭄ᬭᬷᬭᬵᬫᬳᬚᬶ᭚ᬳᬓᬢᬄᬬᬜ᭄ᬚᬶᬦᬢᬸᬃᬰᬾᬱᬶᬂᬩ᭄ᬯᬦᬵ᭞ᬓᬂᬫᬗᭂᬦ᭄ᬰ᭄ᬭᬷᬪᬸᬧᬢᬶ᭞ᬫᬗ᭄ᬓᬾᬰ᭄ᬭᬷᬦᬭᬾᬦ᭄ᬤ᭄ᬭ
᭞ᬳᬸᬯᬸᬲ᭄ᬧ᭄ᬭᬧ᭄ᬢᬦᬾᬂᬧᬧᬦ᭄᭞ᬧ᭄ᬭᬪᬸᬲᬸᬕ᭄ᬭᬷᬯᬓᬯᬃᬡ᭄ᬦᬶ᭞ᬯᬸᬲ᭄ᬳᬧᬧᬗ᭄ᬕ᭄ᬬ᭞ᬮᬦ᭄ᬤᬾᬢ᭄ᬬᬦᬾᬂᬯᬶᬯᬶᬬᬢᬶ᭚ᬚᬬᬮᬸᬤ᭄ᬭᬳᬰ᭄ᬭᬸᬄᬤᬾᬦᬶᬭᬵᬢᬢᬜ᭞ᬳᬾᬄᬩᭀ
ᬲᬾᬢ᭄ᬓᬶᬢ᭄ᬢᬧ᭄ᬭᬧ᭄ᬢᬶ᭞ᬗᬧᬳᬋᬧ᭄ᬯᬶᬭᬂ᭞ᬫᬭᬂᬲᬦᬓ᭄ᬫᬸᬲᬫ᭄ᬬ᭞ᬳᬶᬗᭀᬂᬳᬶᬓᬶᬳᬫᬦᬾᬦᬶ᭞ᬳᬗᬧᬵᬓᬶᬢ᭞ᬋᬋᬦᬸᬭᬸᬦᬶᬥ᭄ᬦᬶ᭚ᬲᬗᬧ᭄ᬭᬪᬸᬲᬹᬕ᭄ᬭᬷᬯᬮᬗ᭄ᬓᬸᬂᬩ᭄ᬭᬳ᭄ᬫᬵᬢ᭄ᬬ
᭞ᬗᬸᬘᬧ᭄ᬲᬃᬯ᭄ᬯᬶᬦᬸᬤᬶᬗᬶ᭞ᬳᬾᬄᬫᬸᬳᬶᬩ᭄ᬮᬶᬲ᭄ᬮᬅᬦᬢ᭄᭞ᬫᬫ᭄ᬫᬶᬢᬦᬾᬗᭀᬂᬧ᭄ᬭᬧ᭄ᬢ᭞ᬧ᭄ᬦᬶᬕᬲ᭄ᬫᬸᬃᬤ᭄ᬥᬫᬸᬓᬮᬶᬄ᭞ᬢᬦ᭄ᬯᭂᬤᬶᬳᬶᬗ᭄ᬯᬂ᭞ᬫᬭᬂᬭᬹᬧᬫᬸᬳᬶᬓᬶ᭚ᬮᬄᬯᬭᬳᭂᬦᬶᬗᭀᬂᬲᬧᬪᬶ
[᭙᭖ 96A]
᭙᭖
ᬰᬾᬓᬦ᭄ᬢ᭞ᬲᬂᬤᬾᬢ᭄ᬬᬳᬰ᭄ᬭᬸᬄᬳᬗ᭄ᬮᬶᬂ᭞ᬗᭀᬂᬭᬦ᭄ᬢᬬᬮᬸᬤ᭄ᬭ᭞ᬳᬭᬶᬗ᭄ᬓᬸᬓᬮᬵᬤᬹᬃᬕ᭄ᬕ᭞ᬕᭂᬕᭂᬤᬸᬕᬶᬂᬮᭀᬓᬵᬕᬶᬭᬶ᭞ᬓᬧᬸᬢ᭄ᬭᬤᬾᬭ᭞ᬰ᭄ᬭᬷᬓᬮᬵᬯᬷᬰᬾᬱᬵᬚᬶ᭞ᬓᬶᬢᬲᬧᬵ
ᬳᬭᬦ᭄ᬫᬸᬯᬭᬳᭂᬦᬶᬗ᭄ᬯᬂ᭞ᬲᬂᬲᬸᬕ᭄ᬭᬶᬯᬳᬦᬯᬸᬭᬶ᭞ᬮᬳ᭄ᬬᬯ᭄ᬭᬸᬳᬦᬶᬭ᭞ᬳᬶᬗᭀᬂᬧ᭄ᬭᬪᬸᬓᬶᬲ᭄ᬓᬶᬡ᭄ᬥ᭞ᬲᬂᬲᬸᬕ᭄ᬭᬷᬯᬓᬂᬯᬯᬗᬶ᭞ᬮᬄᬢ᭄ᬭᬧᬓ᭄ᬦᬵ᭞ᬓᬤᬶᬕ᭄ᬤᬬᬫᬸᬚᬸᬭᬶᬢ᭄᭚ᬲᬂᬤᬦ
ᬯᬲᬓᬭᭀᬦᬾᬲ᭄ᬕᬓ᭄ᬗᬸᬘᬧ᭄᭞ᬘ᭄ᬓᬧᬸᬩᭀᬲᬾᬢᬾᬓᬶ᭞ᬢᬦᬸᬭᬸᬂᬧᬮᬲ᭄ᬢ᭄ᬭ᭞ᬮᬄᬯᭂᬢᭀᬓᭂᬦ᭄ᬰᬓ᭄ᬢᬶᬦ᭄ᬢ᭞ᬲᬂᬯ᭄ᬯᬶᬫᬸᬢᭂᬃᬕᬥᬓᬮᬶᬄ᭞ᬤᬦ᭄ᬲᬂᬲᬸᬕ᭄ᬭᬶᬯ᭞ᬢᬭᬸᬂᬳᬕᬸᬂᬲᬶᬦᬩᬶ
ᬢ᭄᭚ᬤᬦ᭄ᬳᬢᭂᬫ᭄ᬧᬸᬄᬳᬧ᭄ᬭᬂᬯᭂᬦ᭄ᬢᭂᬦᬶᬂᬕᬕᬡᬵ᭞ᬭᬫᬾᬗ᭄ᬕᬶᬢᬶᬓ᭄ᬕᬶᬦᬶᬢᬶᬓ᭄᭞ᬲᬂᬧ᭄ᬭᬪᬸᬓᬶᬲ᭄ᬓᬶᬡ᭄ᬥ᭞ᬭᬶᬦᭂᬩᬸᬢ᭄ᬓᬾᬭᬶᬓᬦᬦ᭄᭞ᬧᬶᬦᬸᬓᬸᬮ᭄ᬲᬂᬤᬾᬢ᭄ᬬᬓᬮᬶᬄ᭞ᬳᬶᬂᬲᬂᬲᬸᬕ᭄ᬭᬶᬯ
Kaca:Bali-lontar-gaguritan-anuman-wetugangga-350ppi.pdf/96
Kaca puniki sampun kauji-wacén
