[᭒᭙ 29B]
᭒᭙
ᬳᬶᬂᬲ᭄ᬯᬃᬕ᭄ᬕᬶ᭞ᬲᬤᬸᬮᬸᬃᬳᬬᭀᬕᬳᬸᬫᬸᬂ᭞ᬳᬗᬶᬂᬲᬓᬾᬂᬕᬖᬡ᭞ᬫᬓᬫᬸᬓᬳ᭄ᬬᬂᬦᬭᬥᬳᬓ᭄ᬯᬾᬄᬤᬸᬮᬸᬃᬧᬶᬱ᭄ᬧᬯᬃᬱᬲᬸᬫᬭᬲᬄ᭞ᬳᬯᭀᬭᬶᬂᬚᭂᬩᬤ᭄ᬓᬲ᭄ᬢᬸᬭᬶ᭚
ᬍᬗᬶᬂᬯᬗᬶᬲᬸᬫ᭄ᬬᬃᬲᬸᬫ᭄ᬬᬃ᭞ᬦᬾᬂᬯᬬᬚ᭄ᬜᬵᬦ᭄ᬦᬸᬭᬸᬦ᭄ᬲᬓᬾᬂᬯᬶᬬᬢᬶ᭞ᬯᬶᬥ᭄ᬬᬥᬭᬶᬲᬫ᭄ᬬᬭᬯᬸᬄ᭞ᬫᬶᬩᭂᬃᬮᬸᬳᬸᬭᬶᬂᬬᬵᬚ᭄ᬜᬵ᭞ᬢᬸᬱ᭄ᬝᬋᬡᬲᬂᬳ᭄ᬬᬂᬳ᭄ᬬᬂᬗᬶᬂᬲ᭄ᬯᬃᬕ᭄ᬕᬮᬸᬳᬸᬃ᭞ᬫᬶᬯᬄ
ᬲᬂᬳ᭄ᬬᬂᬰᬲᬷᬯᬢ᭄ᬬ᭞ᬳᬦ᭄ᬤᬸᬮᬸᬲᬓᬶᬂᬯᬶᬬᬢᬶ᭚ᬳᬗᬶᬫ᭄ᬩᬂᬭᬶᬂᬦᬪᬱ᭄ᬝᬮ᭞ᬲᬂᬫᬶᬢᬮᬶᬗᬶᬭᬶᬂᬳ᭄ᬬᬂᬰᬘᬶᬯᬢᬶ᭞ᬢᬦ᭄ᬧ᭄ᬕᬢ᭄ᬓᭂᬫ᭄ᬩᬂᬮ᭄ᬯᬶᬃᬚᬯᬸᬄ᭞ᬚᬯᬸᬄᬭᬶᬭᬶᬲᬵᬕᬦ᭄ᬥ᭞ᬗᬮᬸ
ᬩᬮᬸᬩ᭄ᬯᭀᬂᬢᬶᬦᬶᬩᬦ᭄ᬕᬦ᭄ᬥᬚᬯᬸᬄ᭞ᬧ᭄ᬭᬲᬫᬢᬸᬱ᭄ᬝᬾᬂᬤ᭄ᬥᬬ᭞ᬢᬦ᭄ᬧ᭄ᬕᬢ᭄ᬫᬗ᭄ᬓᬾᬯᭀᬂᬧ᭄ᬭᬧ᭄ᬢᬶ᭚ᬲᬓ᭄ᬯᬾᬄᬓᬂᬮᬸᬗ᭄ᬕᬸᬄᬭᬶᬂᬦᬢᬃ᭞ᬦᬢᬓ᭄ᬳᬭᬸᬫ᭄ᬚᬯᬸᬄᬚ᭄ᬦᬸᬫ᭄ᬭᬶ
[᭓᭐ 30A]
᭓᭐
ᬓ᭄ᬫᭂᬗᬶᬂ᭞ᬲᬤ᭄ᬧᬤᬳᭀᬲᬄᬳᬗ᭄ᬭᬸᬭᬸᬄ᭞ᬗᬺᬂᬋᬂᬗᬸᬮᬢᬶᬢᬯᬂ᭞ᬓᬯᬸᬲᬗᬦ᭄ᬢᬓᭀᬮᬶᬄᬳᬗᬶᬲᭂᬧ᭄ᬲᬦ᭄ᬢᬸᬦ᭄᭞ᬫᬮᬶᬄᬳᬸᬫᬶᬗ᭄ᬲᭀᬭᬶᬂᬍᬫᬄ᭞ᬳᬦᬹᬢ᭄ᬲᬢᬶᬩᬦᬶᬂᬲ
ᬭᬶ᭚ᬯᬸᬯᬸᬄᬭᬳᬵᬃᬚ᭄ᬚᬾᬂᬯᬬᬚ᭄ᬜᬵᬦ᭄᭞ᬳᬶᬂᬓᬸᬲᬸᬫᬕ᭄ᬮᬭᬶᬂᬲᬶᬱᬶᬤᬭᬡᬶ᭞ᬢᬦ᭄ᬧ᭄ᬕᬢ᭄ᬢᬶᬩᬵᬮ᭄ᬯᬶᬃᬚᬯᬸᬄ᭞ᬳᬦᬸᬭᬸᬦ᭄ᬲᬓᬶᬂᬪ᭄ᬬᭀᬫ᭞ᬓᭂᬫ᭄ᬩᬗᬹᬭᬯᬢᭂᬓ᭄ᬱᬱᬶᬗᬲ᭄ᬢᬸᬧᬸᬗ᭄ᬓᬸ
ᬢᬸᬱ᭄ᬝᬦᬶᬃᬫ᭄ᬫᬮᬰ᭄ᬭᬷᬭᬵᬫ᭞ᬦ᭄ᬤᬸᬮᬸᬲᬫᬵᬭᬶᬂᬯ᭄ᬬᬢᬶ᭚ᬯᬸᬲ᭄ᬓᬢᭀᬦ᭄ᬢᬸᬱ᭄ᬝᬦᬶᬂᬳ᭄ᬬᬂᬫᬳᬾᬰ᭄ᬯᬭᬵᬮᬸᬗ᭄ᬕᬸᬄᬭᬶᬂᬰ᭄ᬯᬃᬕ᭄ᬕᬍᬯᬶᬄ᭞ᬳᬦᬭᬶᬫᬓᬵᬃᬬ᭄ᬬᬳᬬᬸ᭞ᬳᬬᬸᬫᬹᬃᬢ᭄ᬢᬶᬦᬶᬂᬳᬶᬬᬲ᭄
᭞ᬢᬶᬬᬲ᭄ᬩᬸᬗᬄᬩᬸᬗᬄᬢᬦ᭄ᬧᬩᬮᬶᬓ᭄ᬱᬸᬗ᭄ᬲᬸᬢ᭄᭞ᬲᬸᬗ᭄ᬲᬸᬢᬦ᭄ᬤᬤ᭄ᬬᬳᬵᬃᬡ᭄ᬦᬯ᭞ᬓᬳᬶᬮᬶᬢᬸᬩᬭᬶᬂᬢᬲᬶᬓ᭄᭚ᬧᬦ᭄ᬤᬸᬲ᭄ᬚᬗ᭄ᬓᭂᬧ᭄ᬲᬧ᭄ᬢᬤᬶᬦᬵ᭞ᬧᬸᬢᬸᬲ᭄ᬬᬵᬚ᭄ᬜᬵᬦ᭄ᬦᬶᬭ
Kaca:Bali-lontar-gaguritan-anuman-wetugangga-350ppi.pdf/30
Kaca puniki sampun kauji-wacén
