[᭕᭖ 56 B]
᭕᭖
ᬧ᭄ᬭᬯᬷᬭᬤᬦᬯᬲᭂᬓ᭄ᬢᬶ᭛ᬳᬚᬸᬚᬸᬮᬸᬓ᭄ᬳᬗ᭄ᬕᬶᬂᬰ᭄ᬭᬡ᭄ᬦ᭞ᬲ᭄ᬭᬸᬩ᭄ᬭᬫᬢ᭄ᬬᬗᬾᬯᬂᬗᬾᬳᬓᬾᬄᬫᬵᬢᬶ᭞ᬫ᭄ᬭᬶᬂᬭᬡᬰᬷᬖ᭄ᬭᬢᬸᬫᬦ᭄ᬥᬸᬓ᭄᭞ᬫᬶᬗᭂᬃᬲᬓᬶᬂᬳᬶᬭᬶᬂᬗᬦ᭄᭞ᬲᬶᬦᬭᬾᬫ᭄ᬧᬂᬚᬚᬦ᭄ᬦᬶᬭᬚᬬᬾᬂᬓᬯᬸᬄ᭞ᬢᬦ᭄ᬩᬸᬲᬶᬓ᭄ᬢᬸᬳᬸᬧ᭄ᬭᬯᬷᬭ᭞ᬳᬗ᭄ᬕᬶᬰ᭄ᬭᬡᬦᬸᬩ᭄ᬭᬸᬓ᭄ᬯᬦ᭄ᬦᬶ᭞
᭛ᬓᬶᬦᭂᬫ᭄ᬩᬸᬮᬦ᭄ᬳᬶᬂᬯᬮ᭄ᬓᬝ᭞ᬓᬶᬦᬃᬧᭂᬓᬦ᭄ᬚᬬᬾᬂᬓᬾᬯᬸᬄᬗᭂᬫᬲ᭄ᬲᬶ᭞ᬤᭂᬫᬂᬬᬓ᭄ᬱᬧᬢ᭄ᬬᬵᬦ᭄ᬤᬸᬮᬸ᭞ᬩ᭄ᬭᬫᬢ᭄ᬬᬦᬭᬶᬓ᭄ᬓᬤ᭄ᬕ᭞ᬫᬗ᭄ᬲᬄᬗᬫᬹᬓ᭄ᬓᬢᬄᬭᬸᬲᬓ᭄ᬓᬧᬮᬦ᭄ᬥᬸᬓ᭄᭞ᬤᬦᬯᬵᬓᬾᬄᬓᬢ᭄ᬭᬶᬯᬦ᭄ᬥᬦ᭄᭞ᬓᬶᬧᬢᬶᬄᬓᬸᬫ᭄ᬪᬮᬕᭂᬦ᭄ᬦᬶ᭛ᬳᬗ᭄ᬭᬶᬓ᭄ᬳᬗᬩᭂᬦ᭄ᬦᬶᬯ
ᬤ᭄ᬬ᭞ᬧᬋᬂᬢᬦ᭄ᬥᬂᬳᬶᬂᬭᬾᬄᬳᬗ᭄ᬕᬶᬕᬶᬮᬦ᭄ᬦᬶ᭞ᬲᬫ᭄ᬬᬫᬸᬢᭂᬃᬕᬤᬮᬶᬫ᭄ᬧᬸᬂ᭞ᬯᭂᬦ᭄ᬦᬾᬄᬳᬦᬶᬗ᭄ᬕᬶᬮ᭄ᬲᬾᬮ᭞ᬧᬋᬂᬗᬕ᭄ᬭᭀᬲ᭄ᬯᬭᬦ᭄ᬦᬮᬶᬃᬧ᭄ᬭᬩᬢᬭᬸᬕ᭄᭞ᬳᬯᭀᬃᬮᬾᬲᬸᬲ᭄ᬳᬮᬶᬫᬸᬦ᭄ᬦᬦ᭄᭞ᬬᭂᬓ᭄ᬱᬧᬢᬶᬳᬗᭂᬫᬲ᭄ᬲᬶ᭛ᬰᬹᬭᬾᬂᬭᬡᬓᬧ᭄ᬭᬘᭀᬦ᭄ᬥᬂ᭞ᬭᬵᬚᬧᬸ᭠
ᬢ᭄ᬭᬳᬶᬂᬩᬭᬢ᭄ᬫᬤ᭄ᬬᬕᬶᬭᬶᬲ᭄᭞ᬧᬸᬗ᭄ᬕᬯᬦ᭄ᬦᬶᬭᬵᬓᬾᬄᬮᬫ᭄ᬧᬸᬲ᭄᭞ᬯᬸᬲ᭄ᬳᬲᬶᬗᭂᬃᬢᬸᬭᭀᬗ᭄ᬕ᭞ᬯᬤ᭄ᬬᬦ᭄ᬦᬶᬭᬕᬸᬕᬸᬧ᭄ᬫᬯᬸᬃᬋᬩᬸᬢ᭄ᬥᬸᬘᬸᬂ᭞ᬲ᭄ᬭᬂᬲ᭄ᬭᬂᬗᬦ᭄ᬳᬲᬮᬂᬢᬸᬜ᭄ᬚᬂ᭞ᬓᬮᬸᬮᬸᬦ᭄ᬰ᭄ᬭᬷᬦᬭᬧᬢᬶ᭛ᬕᬸᬲᬶᬤ᭄ᬯᬤ᭄ᬬᬩᬭᬢ᭄ᬫᬤ᭄ᬬ᭞ᬧᬮᬬᬸᬦ᭄ᬦᬾᬓᬲᬧᬸᬢ᭄ᬤᬾᬦ᭄ᬦᬶᬂᬭᬢ᭄ᬭᬶ᭞ᬤ
[᭕᭗ 57 A]
ᬦᬯᬲᬤᬬᬫᬸᬦ᭄ᬤᬸᬃ᭞ᬫᬓᬸᬯᭀᬜ᭄ᬚ᭄ᬭᭀᬦ᭄ᬦᬶᬂᬧ᭄ᬭᬚ᭞ᬳᬾᬦᬵᬚᬶᬂᬳᬗ᭄ᬕᭂᬧ᭄ᬳᬂᬭᬡᬤᬦᬯᬤᬶᬬᬸ᭞ᬫᬗ᭄ᬲᬄᬳᬶᬂᬧ᭄ᬭᬂᬗᬫᬄ᭞ᬯ᭄ᬯᭀᬂᬕᬸᬩᬃᬚᬵᬦᬤᬄᬳᬶ᭛ᬓᬤ᭄ᬬᬭᬸᬕ᭄ᬳᬶᬓᬂᬧ᭄ᬭᬡᬢ᭞ᬩᭂᬤᬶᬮ᭄ᬳᬯᭀᬃᬧᬗ᭄ᬕᭂᬭᭀᬦ᭄ᬦᬶᬂᬭᬓ᭄ᬱᭂᬓ᭄ᬱᬶ᭞ᬳᬓᬾᬄᬯᬢᬂᬕᬜ᭄ᬚᬸᬃᬧᬸᬢᬸᬂ
᭞ᬓᬢ᭄ᬭᬚᬂᬳᬶᬂᬋᬓ᭄ᬱᬲ᭞ᬧ᭄ᬭᬓᬫ᭄ᬧᬶᬢᬳᬶᬂᬧᬩ᭄ᬭᬢᬦ᭄ᬢ᭄ᬭᬶᬕᬸᬫᬸᬭᬸᬄ᭞ᬧᬭᬧ᭄ᬭᬯᬷᬭᬕᬸᬩᬢ᭄ᬚ᭞ᬲᬤᬬᬲᬫ᭄ᬬᬗᬯᬓ᭄ᬓᬶ᭛ᬧᬸᬢᬸᬂᬯᬢᬂᬦᬭᬶᬓ᭄ᬓᬤ᭄ᬕ᭞ᬭᬫᬾᬘᬭᬸᬓ᭄ᬱᬶᬬᬸᬂᬓᬮᬯᬦ᭄ᬓᭂᬭᬶᬲ᭄᭞ᬓᬾᬄᬧ᭄ᬭᬯᬷᬭᬓᬩᬭᬸᬩᬸᬄ᭞ᬤᬸᬃᬪᬮᬶᬓᬦ᭄ᬤᬸᬃᬩᬮ᭞ᬲᬫ᭄ᬬᬓ
ᬦ᭄ᬦᬶᬦ᭄ᬓᬭᭀᬧᬋᬂᬤᬾᬦ᭄ᬦ᭄ᬬᬫᬸᬦ᭄ᬤᬸᬃ᭞ᬧ᭄ᬭᬳᬦ᭄ᬤᭂᬮ᭄ᬳᬦ᭄ᬤᭂᬮ᭄ᬓᬶᬤᭂᬫᬂ᭞ᬳᬶᬂᬋᬓ᭄ᬱᬲᬓᬾᬄᬗᭂᬫᬲ᭄ᬲᬶ᭛ᬭᬵᬚᬲᬸᬨᬮᬶᬲᬸᬨᬮ᭞ᬓᬧ᭄ᬭᬘᭀᬦ᭄ᬥᬂᬮᬦ᭄ᬕᬚᬄᬳᬗᭂᬫᬲ᭄ᬲᬶ᭞ᬧᬋᬂᬮᬯᬦ᭄ᬓᬶᬢᬸᬫᭂᬗ᭄ᬕᬸᬂ᭞ᬫᬫ᭄ᬫᬓᭂᬓᭂᬲ᭄ᬯᭀᬂᬕᬸᬩᬃᬚ᭞ᬗᬗ᭄ᬮᬂᬬᬸᬤ᭄ᬥᬓᬶᬦᭂᬫᬄ᭞
ᬤᬾᬚᬸᬭᬕᬯᬄᬤᬶᬢ᭄ᬬᬢᬸᬫᭂᬗ᭄ᬕᬸᬂ᭞ᬫᬂᬫ᭄ᬫᬓᭂᬓᭂᬲ᭄ᬯᭀᬂᬕᬸᬩᬃᬚ᭞ᬭᬤᬾᬦ᭄ᬧᬜ᭄ᬘᬤ᭄ᬬᬕᬷᬭᬶᬲ᭄᭛ᬫᬮᬬᬸᬳᬢᬶᬮᬃᬩᬮ᭞ᬩ᭄ᬭᬚᬰᬹᬭᬯᬶᬰᬾᬱᬵᬃᬱᬧᬸᬧᬸᬮᬶᬄ᭞ᬲᬶᬦ᭄ᬭᬂᬳᬶᬂᬯᬤ᭄ᬬᬮᬸᬫᬬᬸ᭞ᬤᬶᬧᭀᬗ᭄ᬕᬕᬶᬭᬕᬶᬭᬲ᭄᭞ᬗ᭄ᬭᬶᬓ᭄ᬳᬫ᭄ᬪᭂᬤᬮ᭄ᬲᬓᬶᬂᬲᬸᬄ
Kaca:Bali-lontar-gaguritan-anging-kusuma-250ppi.pdf/57
Kaca puniki sampun kauji-wacén
