[᭕᭔ 54 B]
᭕᭔
ᬓ᭄ᬱᬤᬶᬧᬓᬵᬮᬯᬺᬢᬶ᭞ᬫᬶᬬᭀᬲ᭄ᬲᬶᬦ᭄ᬦᬶᬯᬾᬂᬯᬤ᭄ᬬᬵᬕᬸᬂ᭞ᬧᬭᬫᬦ᭄ᬢ᭄ᬭᬶᬧᬸᬗ᭄ᬕᬯ᭞ᬢᬶᬜ᭄ᬚᬩ᭄ᬕᭂᬍᬕ᭄ᬯᬸᬄᬯᬸᬓᬶᬃᬭᬤ᭄ᬬᬾᬦ᭄ᬤᬶᬦᬸᬮᬸ᭞ᬭᬦ᭄ᬢᬸᬫᭂᬗ᭄ᬕᬸᬂᬫᬘᬦ᭄ᬕᬮᬓ᭄᭞ᬮᬦ᭄ᬤᭂᬫᬂᬓᬍᬦ᭄ᬢᬶᬂᬫᬸᬗᬶᬮ᭄᭛ᬫ᭄ᬬᬂᬢᬸᬫᭂᬗ᭄ᬕᬸᬂᬕᬸᬦᬸᬂᬋᬩᬄ᭞ᬤᭂᬫᬂᬚᬸᬭᬂᬘᬭᬯᬾᬄᬲᭀᬗ᭄ᬕᬮ᭠
ᬗᬶᬢ᭄ᬢᬦ᭄ᬭᭀᬗ᭄ᬕᬤᬯᬸᬂᬗᬯᬸᬲ᭄᭞ᬗᬩᬾᬄᬳᬶᬲᬶᬂᬳᬯ᭄ᬭᬗᬲ᭄᭞ᬤᭂᬫᬂᬋᬗ᭄ᬕᬸᬢ᭄ᬫᬸᬓᬭᭀᬗ᭄ᬕᬮᬶᬯᬂᬮᬶᬯᬸᬂ᭞ᬳᬗ᭄ᬮᬃᬓᬂᬧᬭᬫᬗ᭄ᬕᬮ᭞ᬯᬶᬮ᭄ᬕᬤᬯᬶᬮ᭄ᬫᬦᬦᬗ᭄ᬓᬶᬮ᭄᭛ᬓᬢᬓ᭄ᬬᬮᬦ᭄ᬓᬢᬓ᭄ᬬᬦ᭄ᬦ᭞ᬰᬸᬤ᭄ᬥᬦ᭄ᬦᬰᬮᬦ᭄ᬰᬸᬤ᭄ᬥᬤᬶᬓᬵᬮᬕ᭄ᬦᬶ᭞ᬫᬦ᭄ᬢ᭄ᬭᬶᬓ
ᬩᬬᬦ᭄ᬦᬶᬂᬤᬶᬬᬸ᭞ᬓᬵᬮᬓᬢᬸᬗ᭄ᬓᬮᬯᬦ᭄᭞ᬢᭀᬧᬾᬂᬭᬾᬕᬾᬲ᭄ᬢᬦ᭄ᬦᬧᬶᬓᬮᬸᬦ᭄ᬤᬸᬂᬯᬮᬸᬄ᭞ᬫᬦ᭄ᬢ᭄ᬭᬶᬚᬸᬭᬸᬧᬗᬮᬲ᭄ᬲ᭠ᬦ᭄᭞ᬳᬭᬦ᭄ᬤᭂᬫᬂᬕᭀᬩᬕ᭄ᬕᬩᬶᬕ᭄᭛ᬮᬸᬭᬄᬫᬭᬶᬂᬓᬃᬓᬲᬓ᭄ᬓᬦ᭄᭞ᬓᬮᬶᬄᬯᬲ᭄ᬢᬢᬸᬫᭂᬗ᭄ᬕᬸᬂᬓᭀᬯᬃᬓᬯᬶᬃ᭞ᬕᬕᬓ᭄ᬭᬸᬲᬶᬢ᭄ᬲᬶ
ᬲᬶᬄᬳᬶᬧᬸᬦ᭄᭞ᬳᬶᬓᬂᬲᬸᬫᬶᬯᬾᬂᬗᬃᬱ᭞ᬓ᭄ᬬᬦᬧᬢᬶᬄᬓᬸᬫ᭄ᬪᬮᬕᭂᬦ᭄ᬦᬶᬳᬸᬫᬢᬸᬃ᭞ᬧᬸᬓᬸᬮᬸᬦ᭄ᬰ᭄ᬭᬷᬦᬭᬦᬵᬣ᭞ᬓᬾᬗᬶᬂᬗ᭠ᬧᬸᬲ᭄ᬧᬤᬸᬓᬚᬶ᭛ᬲᬂᬦᬵᬣᬳᬶᬂᬩᬭᬢ᭄ᬫᬤ᭄ᬬ᭞ᬕᭂᬮᬄᬕᭂᬮᬄᬳᬶᬂᬢ᭄ᬬᬲ᭄ᬫᬤᬬᬾᬂᬚᬂᬚᬶ᭞ᬫᬗ᭄ᬓᬾᬫᬕᬸᬣᬶᬂᬧ᭄ᬭᬂᬧᬸᬧᬸᬄ᭞ᬳ
[᭕᭕ 55 A]
ᬦ᭄ᬢᬸᬓ᭄ᬳᬫᬶᬦ᭄ᬢᬰ᭄ᬭᬬ᭞ᬧᬭᬭᬵᬚᬲᬸᬫᬳᬩ᭄ᬲᬯᬤ᭄ᬬᬦ᭄ᬦᬶᬧᬸᬦ᭄᭞ᬓᬸᬫᭂᬭᬩ᭄ᬳᬃᬱᬗ᭄ᬭᬩᬲ᭞ᬳᬶᬂᬧᬤᬸᬓᬗᬺᬩᬯ᭄ᬦᬵᬕ᭄ᬭᬷᬪ᭛ᬳᬗ᭄ᬕᬺᬂᬲᬂᬤᬦᬯᬭᬵᬚ᭞ᬮᬶᬃᬕᬮᬸᬤᬸᬕ᭄ᬳᬲ᭄ᬭᬸᬤᬾᬦ᭄ᬦᬶᬭᬳᬗ᭄ᬮᬶᬂ᭞ᬤᬸᬤᬸᬮᬩᬸᬄᬳᬦ᭄ᬦᬶᬂᬭᬢᬸ᭞ᬫᬤᬬᬳᬶᬂᬯᬘᬦ᭄ᬦ᭞ᬳᬶᬗ᭄ᬲᬸᬦ᭄ᬤᬶ
ᬢ᭄ᬬᬓᬲᭂᬩᬸᬢ᭄ᬕᭂᬕᭂᬤᬸᬕ᭄ᬮᬫᬸᬦ᭄᭞ᬢᬦ᭄ᬳᬃᬱᬘᬶᬤ᭄ᬭᬾᬂᬳᬸᬪᬬ᭞ᬳᬾᬫᬦ᭄ᬧᬜ᭄ᬚᭂᬦ᭄ᬦᭂᬂᬗᬦ᭄ᬫᬫᬶ᭛ᬳᬾᬄᬳᬾᬄᬧᬢᬶᬄᬳᬗᬭᬄᬳ᭞ᬳᬶᬂᬗ᭄ᬲᬸᬦ᭄ᬳᬃᬱᬫᬶᬬᭀᬲ᭄ᬲᬶᬳᬶᬂᬗᬚᬸᬭᬶᬢ᭄᭞ᬰᬷᬖ᭄ᬭᬳᬢᬗᬭᬳᬸᬫᬸᬂ᭞ᬩᭂᬦ᭄ᬥᬾᬩᬾᬭᬶᬳᬸᬭᬄᬳᬦ᭄᭞ᬫ᭄ᬬᬾᬂ
ᬝᭀᬂᬝᭀᬂᬕ᭄ᬭᬶᬢ᭄ᬓᭂᬓᭂᬫᭀᬂᬮᬯᬦ᭄ᬓᭂᬓᭂᬦ᭄ᬝᬸᬂ᭞ᬓᬸᬫ᭄ᬭᬸᬢᬸᬕ᭄ᬯᬶᬮ᭄ᬳᭀᬜ᭄ᬚᬳᭀᬜ᭄ᬚ᭞ᬲᬓ᭄ᬯᬾᬄᬍᬍᬢᬶᬓ᭄ᬓᬶᬂᬩᬸᬫᬶ᭛ᬕᬸᬫ᭄ᬭᬸᬤᬸᬕ᭄ᬓᬂᬩᬃᬓᬲᬓ᭄ᬓᬦ᭄᭞ᬳᬶᬓᬂᬳᬦᬾᬂᬓᬬᬸᬕᬸᬫ᭄ᬭᬶᬧᬓ᭄ᬱᬫᬶ᭞ᬢᭂᬥᭀᬦ᭄ᬪᬦᬱ᭄ᬧᬢᬶᬦ᭄ᬦᬶᬧᬸᬦ᭄᭞ᬲᬓᬶᬂᬧ᭄ᬭᬓ᭄ᬱᬦᬸᬗ᭄ᬲᬂ᭞ᬚ
ᬚᬗ᭄ᬕᬶᬢᬦ᭄ᬮᬸᬯᬶᬮᬸᬯᬾᬯᬾᬳᬲᭂᬮᬸᬃ᭞ᬕᬦ᭄ᬥᬃᬯ᭄ᬯᭀᬤᬤᬶᬫᬗ᭄ᬕᬮ᭞ᬳᬗ᭄ᬕᬶᬮᬶᬯᬶᬮ᭄ᬳᬸᬘᬶᬳᬸᬘᬶ᭛ᬳᬶᬂᬗᬃᬱᬲᬾᬢ᭠ᬦ᭄ᬧᬧᬦ᭄ᬢᬦ᭄᭞ᬳᬸᬮᬶᬃᬳᬸᬮᬶᬃᬝᭀᬝᭀᬓ᭄ᬓᬦ᭄ᬤᬢᬦ᭄ᬓᬭᬶ᭞ᬮᬾᬫ᭄ᬧᭀᬂᬲᬫ᭄ᬪᬂᬫᬮᬸᬤᬸᬕ᭄᭞ᬫᬯᬤᬬᬸᬂᬢᭂᬍᬦ᭄ᬦᬦ᭄᭞
Kaca:Bali-lontar-gaguritan-anging-kusuma-250ppi.pdf/55
Kaca puniki sampun kauji-wacén
