[᭒᭐ 20B]
᭒᭐
ᬲ᭄ᬢᬫᬗ᭄ᬓᬾ ᬧᬸᬦᬂᬘᬭᬶᬢ᭞ᬫᬓᬶᬢᬮᬗ᭄ᬓᬾ ᬫᬶᬦ᭄ᬢᭀᬦᬶᬦ᭄᭞ᬳᬗᬶᬗ᭄ᬕᬳᬶᬂᬲᬂᬦᬣ᭞ᬫᬃᬯᬶᬳᬗᬸᬜ᭄ᬘᬮ᭄ᬢᬦᬄ᭞ᬓᭂᬦᬾᬂᬗᬲ᭄ᬢ᭄ᬭᬉᬫᬃᬫᬥᬶ᭞ᬫᬓᭂᬢᬮ᭄ᬫᬫᬦᬄ᭞ᬓᬭᬶᬫ᭄ᬧᬸᬲ᭄ᬢᬶᬩᬾᬂᬣᬶᬣᬶ᭟᭐᭟ᬕᬶᬦᭀᬲᭀᬗᬦ᭄ᬲ
ᬦᬢᬳᬾᬳᬗᬮᬦᬶᬭ᭞ᬲᬢ᭄ᬭᬾᬂᬓᭂᬫ᭄ᬩᬃᬫᬕᬸᬢᬶᬦ᭄᭞ᬧᬥᬲᬜ᭄ᬚᬃᬢᬕᬥ᭞ᬗᬫᬸᬓ᭄ᬢᭂᬗᬳᬶᬂᬮᬕᬵ᭞ᬳᬓᬾ ᬳᭀᬮᬶᬄᬳᬫᬢᬾᬦᬶᬦ᭄᭞ᬯᬦᬾᬄᬓᬩ᭄ᬭᬡᬦᬦ᭄᭞ᬯᬗ᭄ᬓᬾ ᬲᬸᬲᬸᬦᬢᬶᬦ᭄ᬤᬶᬄ᭟᭐᭟ᬉᬫ᭄ᬯᬂᬲᬸᬭᬓ᭄ᬩᬂ
ᬩᬗ᭄ᬭᬶᬓᬮᬯᬦ᭄ᬳᬭᬩ᭄᭞ᬩᬸᬭᬸᬩᬶᬦᬸᬭᬸᬓᬮᬶᬄ᭞ᬧᬢᬶᬄᬧᬸᬃᬯ᭄ᬯᬚᬕᬢ᭄᭞ᬳᬗᬸᬫ᭄ᬩᬂᬭᬶᬂᬧᬬᬸᬥᬦ᭄᭞ᬳᬗᬶᬓᬮ᭄ᬧᬸᬦᬂᬲᬸᬮᬶᬕᬶ᭞ᬳᬫᬶᬦ᭄ᬢᬮᬯᬦ᭄᭞ᬳᬾᬄᬲᬧᬳᬋᬋᬢᬶ᭟᭐᭟ᬰᬢ᭄ᬭᬸᬓᭂᬫ᭄ᬩᬃᬢᬧ᭄ᬳᬦᬸᬲᬦ᭄ᬢᬦᬸ
ᬧ᭄ᬭᬧ᭄ᬢ᭞ᬳᬬᬸᬥᬬᬦ᭄ᬓᬶᬧᬢᬶᬄ᭞ᬕᬥᬕᬶᬦᬥᬬᬦ᭄᭞ᬧᬢᬶᬄᬫᭂᬦ᭄ᬢᬂᬳᬶᬲ᭄ᬢ᭄ᬭᬶᬚ᭄ᬭᬢ᭄᭞ᬳᬶᬫᬸᬢ᭄ᬓᬬᬵᬢᭂᬗᬄᬯᭂᬗᬶ᭞ᬤᬦ᭄ᬧᬢ᭄ᬬᬓᭂᬫ᭄ᬩᬃ᭞ᬳᬲᬶᬂᬮᬓᬸᬓᭂᬦᬾᬂᬮᬶᬫᬶᬢ᭄᭟᭐᭟ᬜᬸᬲᬸᬧ᭄ᬜᬸᬲᬸᬧᬦᬾᬂᬲᬢᭂᬗᬳᬶᬂ
[᭒᭑ 21A]
ᬯᬦ᭞ᬫᭂᬢᬸᬦᬵᬣᬾᬂᬲᬭᬦ᭄ᬤᬶᬮ᭄᭞ᬲᬶᬂᬧᭂᬤᬓ᭄ᬕᬶᬦᬥ᭞ᬲᬶᬂᬫᬕᬂᬫᬮᬂᬓᬦ᭄ᬢᬮ᭄᭞ᬓᬘᬸᬦ᭄ᬤᬸᬓ᭄ᬮᬯᬦ᭄ᬓᬶᬧᬢᬶᬄᬕᬥᬵᬕᬶᬦᬥᬵ᭞ᬦᭀᬭᬦᬗᬸᬘᬧ᭄ᬕᬸᬫᬶᬗ᭄ᬲᬶᬃ᭟᭐᭟ᬅᬮᬫ᭄ᬤᬳᬸᬃᬧᬦ᭄ᬓᭂᬦᬳᬶᬲ᭄ᬢ᭄ᬭᬶᬚ᭄ᬭᬢ᭄᭞ᬮᬶᬫᬢ᭄ᬧᬦᭀ
ᬭᬗᬓ᭄ᬱᬶ᭞ᬢᬦ᭄ᬯᭂᬭᬸᬄᬮᬓᬸᬦᬶᬭ᭞ᬆᬧᬦ᭄ᬢᬦ᭄ᬯᭂᬭᬸᬳᬶᬂᬧᬭᬦ᭄᭞ᬜᬸᬲᬸᬧ᭄ᬯᬭᬳᬾᬂᬯᬦᬤ᭄ᬭᬶ᭞ᬲᬸᬭᬸᬧᬶᬂᬗᬃᬓ᭄ᬓ᭞ᬓᬯᬃᬡ᭄ᬦᬩᬕᬶᬦ᭄ᬤᬅᬫᬶᬃ᭟᭐᭟ᬮᬶᬦ᭄ᬢᬂᬲᭂᬤᬶᬄᬓᬗᭂᬦᬶᬂᬭᬢᬸᬲᭂᬥᬬ᭞ᬳᬦ᭄ᬤᬸᬮᬸᬲᬶᬚᬶᬲᬶᬚᬶ᭞ᬩ᭄ᬭᬳ᭄ᬫᬦ᭄ᬢ᭄ᬬᬦ᭄ᬓ
ᬮᬶᬦ᭄ᬢᬂ᭞ᬳᬜ᭄ᬚᬂᬲᬫ᭄ᬧᬸᬦ᭄ᬧ᭄ᬭᬬᬢ᭄ᬦ᭞ᬲᭂᬓᬃᬤ᭄ᬬᬯᬸᬲ᭄ᬘᬸᬫᬯᬶᬲ᭄᭞ᬲᬳᬪᬹᬱᬡᬵ᭞ᬅᬫ᭄ᬱ᭄ᬬᬄᬯᬸᬰᬦᬸᬗ᭄ᬕᬦᬶᬦ᭄᭟᭐᭟ᬘᬸᬦ᭄ᬤᬸᬓ᭄ᬧᭂᬤᬂᬢᬫᬾᬦᬵᬕ᭄ᬧᬦ᭄ᬲᬫᬧ᭄ᬢᬵ᭞ᬮᬶᬦ᭄ᬢᬂᬓᬯᬦᬶᬂᬕᬮᬶᬄ᭞ᬤᬾᬦᬵᬳᬶᬂᬢᬦᭀᬮᬶᬄᬧᭂᬢᬓ᭄᭞ᬓ
ᬗᭂᬦᬶᬂᬯᬤ᭄ᬯᬓᬢᬄ᭞ᬮᬦ᭄ᬧ᭄ᬭᬪᬹᬲ᭄ᬬᬸᬦᬕᬭᬶ᭞ᬧᬶᬦᬓ᭄ᬱᬶᬳᬲᬸᬭᬓ᭄᭞ᬢᬸᬮᬸᬄᬳᬦ᭄ᬢᬓᬵᬧᬗᬶ᭟᭐᭟ᬧ᭄ᬭᬪᬹᬪᬹᬚᬵᬍᬗ᭄ᬓᬭᬢᬶᬦᭀᬦᬶᬂᬅᬫ᭄ᬱ᭄ᬬᬄ᭞ᬫᭂᬢᬸᬳᬃᬱᬫᬕᬸᬢᬶ᭞ᬲᬫᬗᬕᭂᬫ᭄ᬕᬥᬵ᭞ᬅᬫᬶᬃᬚ
Kaca:Bali-lontar-gaguritan-amir-hamsyah-300ppi.pdf/21
Kaca puniki sampun kauji-wacén
