[᭕᭒ 51B]
᭕᭐
᭕᭐
ᬭᬶᬂᬩᬜ᭄ᬘᬶᬗᬄᬫᬜᬶᬗᬓ᭄᭞ᬓᬲᭀᬃᬲᬶᬭᬚᬬᬾᬂᬲᬭᬶᬲᬵ᭠ᬫ᭄ᬧᬸᬦ᭄ᬗᬫᬸᬓ᭄᭞ᬢ᭄ᬯᬦ᭄ᬥᬾᬯᬶᬕᬸᬫᭂᬢᭂᬃᬫᬸᬮᬢ᭄᭞ᬫᬸᬮᬧᬦᬶᬢᬄᬳ᭄ᬬᬂᬯᬶ᭠
ᬥᬶ᭟ᬫᬮᬳᬶᬩ᭄ᬧᬮᬶᬂᬜᬭᬡᬩ᭄᭞ᬧᬗᭂᬫ᭄ᬩᬦᬾᬫᬓᭂ᭠ᬚᬂᬧᬥᬗᬶᬭᬶᬂ᭞ᬫᬜᬸᬲᬸᬧ᭄ᬭᬶᬂᬳᬮᬲ᭄ᬳᬕᬸᬂ᭞ᬲᬂᬧ᭄ᬭᬪᬸᬦᬭᬾᬰ᭄ᬯᬃᬭ᭄ᬬ᭞ᬦᭀᬭᬯᬶ᭠
ᬓᬦ᭄ᬳᬶᬘᬮ᭄ᬧᬸᬢ᭄ᬭᬦᬾᬢ᭄ᬯᬦ᭄ᬕᬮᬸᬄ᭞ᬳᬦ᭄ᬢᬸᬓ᭄ᬲᬫ᭄ᬩᭂᬦ᭄ᬫᬩ᭄ᬬᬬᬸᬯᬦ᭄᭞ᬉᬫᬸᬂᬲ᭄ᬯᬭᬦᬶᬂᬓᬂᬢᬗᬶᬲ᭄᭟ᬓᬢᭀᬦ᭄ᬭᬤᬾᬦ᭄ᬚᬬᬾᬂᬲ᭄ᬓᬃ᭞ᬯᬸᬲ᭄ᬓᬮᬶᬧᬸᬂᬓᬳᬸ᭠
ᬗ᭄ᬲᭂᬂᬓᬧᬦᬳᬶᬦ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬷᬦᭀᬭᬦᬓᬾᬯᬸᬄ᭞ᬗᬤᭂᬕᬺᬗ᭄ᬕᬦᬶᬂᬭᬢ᭞ᬭᬶᬫ᭄ᬧᬸᬂᬧ᭄ᬚᬄᬓᬸᬤᬦᬾᬲᬂᬳᬩᬧᬶᬸᬕᬸᬲ᭄᭞ᬢᬶᬩᬲᬶᬭᬚᬬᬾᬂᬲ᭄ᬓᬃ᭞᭠
[᭕᭒ 52A]
ᬲᬬᬦ᭄ᬫᬸᬦ᭄ᬢᬦ᭄ᬓ᭄ᬭᭀᬤᬦᬾᬓᬶ᭟ᬳᬧᬦ᭄ᬢᭀᬲ᭄ᬦᬶᬂᬲᬢ᭄ᬭᬶᬬᬉᬢ᭄ᬢᬫ᭞ᬢ᭄ᬯᬄᬳᬩᭂᬲᬶᬓ᭄ᬩ᭄ᬭᬢᬦᬾᬳᬗ᭄ᬕᬾᬦ᭄ᬓᬾᬃᬣᬶ᭞ᬫᬢ᭄ᬬᬾᬂᬭᬡᬤᬾᬭᬓᬲᬸᬩ᭄᭞
ᬢᭀᬫᬵᬯᬓ᭄ᬧᬗᬼᬩᬸᬭᬦ᭄᭞ᬫᬦᬲ᭄ᬢᬲᬂᬫᬮᬫᬮᬦᬾᬕᭂᬫ᭄ᬧᬸᬂ᭞ᬲᬂᬧ᭄ᬭᬪᬸᬦᬭᬾᬰ᭄ᬯᬃᬬ᭄ᬬ᭞ᬜᬕ᭄ᬚᬕᬶᬦ᭄ᬳᬶᬤᬢ᭄ᬯᬦ᭄ᬫᬦ᭄ᬢ᭄ᬭᬷ᭟ᬓᭀᬫ᭄ᬧᬬᬓ᭄ᬱᬶ
ᬓᭀᬫ᭄ᬧᬬᬓ᭄ᬱ᭞ᬲᬶᬭᬫᬸᬮᬢᬳᬫᭂᬦ᭄ᬢᬂᬩᬚ᭄ᬭᬓᬮᬶᬄ᭞ᬓ᭄ᬦᬲ᭠ᬓᬭᭀᬦᬾᬮᬫ᭄ᬧᬸᬲ᭄᭞ᬲᬂᬧ᭄ᬭᬪᬸᬦᬭᬾᬲ᭄ᬯᬃᬬ᭄ᬬ᭞ᬚᬬᬾᬂᬲᬭᬶᬫᬢ᭄ᬮᬲ᭄ᬧᬶᬲᬦ᭄ᬭᬶᬂ᭠
ᬓᬬᬸᬦ᭄᭞ᬫᬗ᭄ᬥᬾᬦᬾᬳᬗ᭄ᬕᬾᬦ᭄ᬤᬾᬯᬢ᭞ᬲᬋᬂᬳᬶᬩᬸᬫᬫ᭄ᬬ᭟ᬮ᭄ᬯᬶᬃᬧᬾᬦ᭄ᬤᬄᬅᬃᬚ᭄ᬚᬸᬦᬧᬸᬢ᭄ᬭ᭞ᬕᬃᬚ᭄ᬚᬶᬢᬾᬂᬢ᭄ᬯᬲ᭄ᬲᬬᬦ᭄ᬳᬫᬸᬯᬸᬲ᭄ᬫᬦᬶᬲ᭄᭞᭠
Kaca:Bali-lontar-gaguritan-ambarkawi-01-450ppi.pdf/52
Kaca puniki sampun kauji-wacén
