[᭓᭑ 31B]
᭓᭐
᭓᭐
ᬮᬦᬾᬢᬶᬦᬗ᭄ᬓᬶᬮ᭄ᬫᬭᬶᬂᬧᬗᬸᬜ᭄ᬚᬸᬂ᭞ᬳᬦᬤᭀᬲ᭄ᬲᬂᬭᬵᬚᬧᬸᬢ᭄ᬭ᭞ᬓᭀᬫ᭄ᬧᬬᬓ᭄ᬱᬓᭀᬫ᭄ᬧᬬᬓ᭄ᬱᬶ᭟ᬲᬓᬭᭀᬦᬾᬧ᭄ᬭᬲᬫᬕᬄᬕᬄ
᭞ᬓ᭄ᬭᬸᬄᬭᬓᬭᬯᬃᬡ᭄ᬦᬦᬾᬫᬚᬚ᭄ᬭᬶᬄ᭞ᬯᭀᬓ᭄ᬚᬾᬗ᭄ᬕᭀᬢ᭄ᬓᬸᬫᬶᬲᬾᬳᬢᬸᬩ᭄᭞ᬰᬓ᭄ᬢᬶᬢᬸᬭᬶᬂᬧ᭄ᬭᬯᬶᬭ᭞ᬏᬩᭂᬓ᭄ᬚᭂᬚᭂᬮ᭄ᬢᬗ᭄ᬓᬶᬮᬦᬾᬲᬂᬧ᭄ᬭᬪᬸ᭞ᬏ᭠
ᬫ᭄ᬧᬾᬃᬏᬫ᭄ᬧᬾᬃᬕᬕᬫ᭄ᬩᬭᬦ᭄᭞ᬗᬸᬭᬸᬲ᭄ᬲᬳᬦᬦᬶᬂᬫᬦ᭄ᬢ᭄ᬭ᭟ᬳᬲᬸᬲᬸᬦ᭄ᬲᬸᬓ᭄ᬳᬢᬸᬫ᭄ᬧᬂ᭞ᬳᬩᬺᬱᬶᬦᬗ᭄ᬮ᭄ᬯᬶᬃᬓᬢᭀᬦ᭄ᬕᬸᬦᬸᬂᬲᬭᬷ᭞ᬧᬥᬳᬶᬗᬬᬧ᭄ᬲᬂᬧ᭄ᬭ᭠
ᬪᬸ᭞ᬤᭂᬤᭂᬢ᭄ᬓᬤ᭄ᬬᬲᬵᬕᬭ᭞ᬭᬤᬾᬦ᭄ᬓᭀᬫ᭄ᬧᬬᬓ᭄ᬱᬶᬰᬶᬖ᭄ᬭᬦᭂᬫ᭄ᬩᬄ᭠ᬫᬵᬢᬸᬃ᭞ᬓᬯᬸᬮᬳᬫᬸᬳᬸᬦ᭄ᬪᬝᬵᬭ᭞ᬳᬗ᭄ᬮᬫᬃᬧᬸᬢ᭄ᬭᬷᬮᬶᬦ᭄ᬯᬶᬄ᭟ᬲᬂᬤ᭄ᬬᬄᬲᬹᬃ᭠
[᭓᭒ 32A]
ᬬ᭄ᬬᬓᬜ᭄ᬘᬦ᭞ᬳᬬᬸᬧᬾᬮᬕ᭄ᬯᬃᬡ᭄ᬦᬦᬾᬮ᭄ᬯᬶᬃᬅᬧ᭄ᬲᬭᬶᬂ᭞ᬲᬂᬧ᭄ᬭᬪᬸ᭠ᬇᬘᬗᬭᬸᬗᬸ᭞ᬳᬢᬸᬭᬾᬭᬵᬚᬧᬸᬢ᭄ᬭ᭞ᬦᭂᬳᭂᬫᭀᬚᬃ᭞ᬩᬚ᭄ᬭᬤᬦ᭄ᬢᬩᬚ᭄ᬭ᭠
ᬓᬾᬢᬸᬳᬶᬭᬗᬸᬢᬸᬲ᭄ᬘᬳᬶᬮ᭄ᬯᬲ᭄᭞ᬓᬓᬜ᭄ᬘᬯᬦᬦᬾᬚ᭠ᬦ᭄ᬦᬶ᭟ᬧᬘᬂᬗ᭄ᬮᬫᬃᬭᬤᬾᬦ᭄ᬥᬾᬯ᭄ᬬ᭞ᬓᬲᬸᬩ᭄ᬧᬶᬲᬦ᭄ᬩᬸᬭᬯᬸᬄᬲᬓᬶᬂᬕᬶᬮᬶ᭞ᬰᬶ
ᬖ᭄ᬭᬳᬦᬸᬭᬵᬢ᭄ᬲᬂᬧ᭄ᬭᬪᬸ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬂᬲᬸᬭᬵᬢ᭄ᬓᬂᬧᬳᬶᬳᬶᬘ᭞ᬭᬶᬂᬳᬶᬤᬧᬢᬶᬄᬓᬭᭀᬲᬵᬫ᭄ᬧᬸᬦ᭄᭞ᬧᬢᬶᬄᬓᬭᭀᬳᬫᬶ᭠
ᬢ᭄ᬦᭂᬫ᭄ᬩᬄ᭞ᬰᬶᬖ᭄ᬭᬉᬫᬫ᭄ᬩᬸᬃᬗᬯ᭄ᬬᬢᬶ᭟ᬲᬂᬧ᭄ᬭᬪᬸᬦᬵᬫ᭄ᬧᬸᬦᬮᬶᬗ᭄ᬕ᭠ᬭᬦ᭄᭞ᬫ᭄ᬯᬂᬧᬸᬢ᭄ᬭᬦᬾᬓᬭᭀᬲᬵᬫ᭄ᬧᬸᬦ᭄ᬮᬸᬫᬶᬭᬶᬂ᭞ᬧᬭᬧᬸᬗ᭄ᬕᬯᬯᬸᬲ᭄ᬫᬦ᭄ᬢᬸᬓ᭄᭞
Kaca:Bali-lontar-gaguritan-ambarkawi-01-450ppi.pdf/32
Kaca puniki sampun kauji-wacén
