[᭒ 2B]
᭑
᭑
᭞ᬗᬦ᭄ᬢᭂᬓ᭄ᬕᭂᬥᬾᬗᬦ᭄ᬢᭂᬓ᭄ᬘᭂᬓ᭄᭞ᬫᬜᬮᬶᬓᬸᬃᬕᭂᬮ᭄ᬕᭂᬮ᭄ᬲᬫ᭄ᬩᭂᬦ᭄ᬫᬩ᭄ᬭᬶᬘᭂᬓᬦ᭄᭟ᬲ᭄ᬯᬾᬘᬲᬫᬶᬳᬫ᭄ᬧᬸᬭᬬᬂ᭟ᬳᬲᬶᬂᬓᬬᬸᬦ᭄ᬫᬫ᭄ᬩᬯᭀᬲᬶᬦ᭄᭞ᬯ᭄ᬬ᭠
ᬤᬶᬦ᭄ᬩᬗᭂᬢ᭄ᬩᬦ᭄ᬤᬸᬂᬲᬲᬂ᭞ᬲᬵᬫ᭄ᬧᬸᬦ᭄ᬧᬶᬲᬦᬶᬯᬂᬳᬃᬣᬶ᭞ᬮ᭄ᬯᬶᬄᬢᬾᬜᬓ᭄ᬜᬭᬶᬓ᭄᭞ᬮᬾᬤᬗᬂᬯᬶᬲᬦ᭄ᬭᬶᬂᬓᬬᬸᬦ᭄᭞ᬢᬶᬢ᭄ᬬᬂᬫᬦᬸᬭᬸᬦ᭄ᬕᬢ᭞ᬓᬲᭀᬦ᭄ᬢ᭄ᬭᬄ
ᬅᬫ᭄ᬩᬭᬓᬯᬶ᭞ᬓᬯᬶᬢᬧᬸᬦᬗ᭄ᬕᬾᬦ᭄ᬧᬦᬸᬗ᭄ᬓᬸᬮᬦ᭄ᬓᬶᬬᬧ᭄᭟ᬯᬾᬦ᭄ᬢᭂᬦ᭄ᬘᬭᬶᬢᬯᬶᬦᬃᬡ᭄ᬦ᭞ᬧ᭄ᬭᬪᬸᬤᬮᬭᬵᬚᬪᬸᬫᬶ᭞ᬫᬤᬺᬯᬾᬧᬸᬢ᭄ᬭᬲᬦᬸᬗ᭄ᬕᬮ᭄᭞ᬩᬕᬸᬲ᭄ᬯᬃ
ᬡ᭄ᬦᬦᬾᬢᬦ᭄ᬲᬶᬧᬶ᭞ᬩᬼᬕ᭄ᬳ᭄ᬬᬂᬲ᭄ᬫᬭᬫᬹᬃᬢ᭄ᬢᬶ᭞ᬫᬸᬜ᭄ᬘᬃᬘᬳ᭄ᬬ᭠ᬦᬾᬲᬸᬫᬸᬦᬸ᭞ᬜᭂᬜᬃᬜᬃᬜᬃᬫᬗᬜᬸᬤᬂ᭞ᬘᬘᬶᬗᬓᬾᬲᬯᬂᬢᬢᬶᬢ᭄᭞
[᭓ 3A]
ᬓᭀᬘᬧ᭄ᬗᬯᬸᬳᬶᬤᬫᬬᬸᬰᬳᬢᬶᬩᬦ᭄᭟ᬓᬢᬶᬗ᭄ᬕᬮᬦ᭄ᬩ᭄ᬬᬂᬳᬶᬤ᭞ᬲᬂᬧ᭄ᬭᬪᬸᬓᭀᬘᬧᬦ᭄ᬫᬗ᭄ᬓᬶᬦ᭄᭞ᬤᬮᬭᬵᬚᬫᬧᬫ᭄ᬗᬶᬮᬦ᭄᭞ᬓᬶᬸᬲᬓᬶᬂᬓᬶᬦ᭄ᬢᬯ᭠
ᬦᬧᬸᬭᬷ᭞ᬦᬗ᭄ᬳᬶᬂᬋᬓᬾᬧᬦᬯᬶᬂ᭞ᬤᬺᬫᬦᬾᬓᬮᬗ᭄ᬓᬸᬂᬮᬗ᭄ᬓᬸᬂ᭞ᬫᬤᬺᬯᬾᬧᬸᬢ᭄ᬭᬓᭂᬫ᭄ᬩᬃ᭞ᬳᬳᬾᬂᬯᬃᬡ᭄ᬦᬦᬾᬢᬸᬃᬰᬓ᭄ᬢᬶ᭞ᬳᬚᬚᬸᬚᬸᬮᬸᬓ᭄᭞ᬓᭀᬫ᭄ᬧᬬ
ᬓ᭄ᬱᬶᬓᭀᬫ᭄ᬧᬬᬓ᭄ᬱ᭟ᬫᬗ᭄ᬓᬶᬦᬶᬤᬭᬵᬚᬧᬸᬢ᭄ᬭ᭞ᬢᬦ᭄ᬓᬱᬗᭃᬤᬾᬦᬶᬂᬳᬚᬶ᭞ᬲᬸᬓᬢᬾᬫᬧᬸᬢ᭄ᬭᬓᭂᬫ᭄ᬩᬃ᭞ᬲᬬᬗᬾᬗᭂᬧ᭄ᬮᬕᬂᬕᬸᬫᬶ᭞ᬓᬲᬸᬂᬲᬸᬂᬤᬶ᭠
ᬦᬭᬢ᭄ᬭᬶ᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬓᬗᭂᬦ᭄ᬭᬶᬂᬓᬬᬸᬦ᭄᭞ᬢ᭄ᬯᬭᬓᬳᬶᬘᬾᬦ᭄ᬧᬜ᭄ᬚᬓ᭄᭞ᬫᬸᬂᬧᬗᭂᬫ᭄ᬩᬦ᭄ᬢ᭄ᬬᬄᬳᬩ᭄ᬲᬶᬓ᭄᭞ᬧᬶᬦᬄᬓᬸᬭᬸ᭞ᬜᬩ᭄ᬭᬦᬶᬤᬓᬲᬗ᭄ᬲᬸᬭ᭠
Kaca:Bali-lontar-gaguritan-ambarkawi-01-450ppi.pdf/3
Kaca puniki sampun kauji-wacén
