Kaca:Bali-lontar-gaguritan-ambarkawi-01-450ppi.pdf/10

[᭙ 9B]
᭘
᭘
ᬉᬫᭂᬢᬸᬪᬸᬚᬗ᭄ᬕᬧᬢᬶ᭞ᬳᬬᬸᬢᬬᬸᬢᬬᬦ᭄᭞ᬕᬮᬓ᭄ᬗᭂᬢᭀᬃᬫᬗ᭄ᬮᬶ᭠ᬮᬶᬢ᭄᭟ᬓᬓᬶᬢ᭄ᬯᬕᬜ᭄ᬚᬗᬾᬮ᭄ᬯᬶᬃᬧᬾᬦ᭄ᬥᬄᬘᬓ᭄ᬭ᭞ᬢᬶᬦᬸᬤᬸᬄᬢᬶᬫ᭄ᬧᬲᬾᬦᬾ
ᬓᬶ᭞ᬢᬶᬫ᭄ᬧᬲᬾᬫᬗᬩᬲ᭄᭞ᬦᬵᬕᬦᬾᬧᬤᬸᬮᬾᬫ᭄ᬧᬂ᭞ᬢᬫ᭄ᬩᬶᬲ᭄ᬧᬺᬲᬫ᭄ᬬᬗᭂᬫᬲᬶᬦ᭄᭞ᬢ᭄ᬯᬦ᭄ᬫᬦ᭄ᬢ᭄ᬭᬶᬫᬸᬮᬢ᭄᭞ᬫᬸᬭᬩ᭄ᬓ᭄ᬭᭀᬥᬦᬾᬓᬶ᭟ᬓᬺ᭠
ᬭᬓᬵᬭᬓᬦ᭄ᬪᬸᬃᬢᬳᬫᬸᬢᭂᬃᬕᬥ᭞ᬓᬓᬶᬢ᭄ᬯᬗᬮᬦ᭄ᬢᬶᬕ᭄᭞ᬤᬤᬶᬬᬓᬓᬶᬢ᭄ᬯ᭞ᬫᬸᬲ᭄ᬦᬢᬦ᭄ᬧᬚᬫᬸᬕ᭞ᬫᬸᬭᬸᬩ᭄ᬥᬶᬮᬗᬶᬢᬾᬗᭂᬦ᭄ᬤᬶᬄ᭞ᬲᬳᬒᬁ᭠
ᬓᬵᬭ᭞ᬚᬬᬶᬸᬬᬚᬬᬳᬲ᭄ᬢᬸᬢᬶ᭟ᬓᬲᬫ᭄ᬩᭂᬳᬂᬩᬸᬗᬦᬾᬫᬶᬬᬶᬓ᭄ᬫᬶᬬᬸᬭᬦ᭄᭞ᬓᬕ᭄ᬬᬢᬶᬤᬢ᭄ᬯᬦ᭄ᬫᬦ᭄ᬢ᭄ᬭᬶ᭞ᬕ᭄ᬮᬶᬲ᭄ᬗᬢᬸᬭᬂᬲᭂᬫ᭄ᬩᬄ᭞ᬑᬁᬅᬁᬤᬾᬯ᭠
[᭑᭐ 10A]
ᬦᬶᬂᬚᬕᬢ᭄᭞ᬳᬶᬦᬫᬦ᭄ᬢ᭄ᬭᬳᬶᬦᬯᬶᬥᬶ᭞ᬲᬤᬰᬶᬯᬲ᭄ᬘ᭞ᬧᬮᬬ᭄ᬯᬰᬶᬯᬯᬶᬥᬀ᭟ᬭᬤᬾᬦ᭄ᬫᬦ᭄ᬢ᭄ᬭᬷᬧᬸᬧᬸᬢᬶᬤᬫᬗᬺᬱᭂᬧᬂ᭞ᬉᬢ᭄ᬧᬢᬶᬧ᭄ᬭᬮᬶᬦᬲ᭄ᬢᬶᬢᬶ᭞ᬫᬭ᭠
ᬕᬧ᭄ᬭᬪᬯ᭞ᬦᬶᬃᬫᬮᬰᬸᬤ᭄ᬬᬾᬂᬫᬦᬄ᭞ᬳᬶᬤᬲᬂᬳ᭄ᬬᬂᬚᬕᬢ᭄ᬧᬢᬶ᭠ᬓᬮᬶᬦ᭄ᬢᬂᬮᬾᬤᬂ᭞ᬢᬸᬫᬸᬭᬸᬦᬶᬤᬳᬕ᭄ᬮᬶᬲ᭄᭟ᬳ᭄ᬬᬂᬅᬗ᭄ᬓᬭᬳᬶᬤᬫᬗ᭄ᬓᬶᬦ᭄ᬫᬗ
ᬦ᭄ᬥᬶᬓ᭞ᬭᬶᬂᬳᬶᬤᬭᬦ᭄ᬫᬾᬦ᭄ᬢ᭄ᬭᬶ᭞ᬦᬾᬘᬳᬶᬢᬭᬶᬫ᭞ᬫᬸᬦᬶᬸᬗ᭄ᬓᬸᬂᬓᬮ᭠ᬯᬦ᭄ᬢᬶᬫ᭄ᬧᬲ᭄᭞ᬚᬬᬾᬂᬭᬡᬕ᭄ᬮᬶᬲ᭄ᬫᬪᬓ᭄ᬢᬶ᭞ᬯᬸᬲ᭄ᬢᬶᬦᬭᬶᬫ᭞ᬪᬝᬭᬢᬦ᭄ᬓᬵᬓ᭄ᬱ᭟ᬭ
ᬤᬾᬦ᭄ᬫᬦ᭄ᬢ᭄ᬭᬷᬓᬬᬸᬦᬾᬤᬤᬶᬩ᭄ᬬᬯᬭ᭞ᬭᬲᬢ᭄ᬯᬭᬤᬶᬕᬸᬫᬶ᭞ᬏᬮᬶᬂᬭᬶᬂ᭠ᬪᬝᬭ᭞ᬢᭀᬬᬦᬓ᭄ᬱᬶᬦᬾᬜᬧ᭄ᬘᬧ᭄᭞ᬚᬮᬦ᭄ᬫᬸᬮᬩ᭄ᬯᬶᬦ᭄ᬫᬯᬮᬶ᭞ᬢᬫ᭄ᬗᬄ